Números 28:2 - Bible in Tzotzil de Chenalhó with Deuterocanon

² “Albo scotol achi'iltac ti mu me scomtsanic yaq'uel li jmoton ti c'usi ora mero yorail ta aq'uele. Ja' li pane xchi'uc li jmoton chich' chiq'uel ta jujun muc'tic q'uine, yu'un ja' li matanal ti lec mu yic' chavac'bicun ta jtojole”, xut.

Bible in Tzotzil de Chamula

² “Albo ya'iic ti israeletique ti mu me xicta sbaic ta yac'belun ti pane, xchi'uc ti chic'bil matanal ti ta xaq'uic ta jujun q'uin ti bu tsots sc'oplale, ti ja' ta xc'ot ta jun matanal ti jun yutsil smuil ta xquich' ac'bele.

Números 28:2 Iomraidhean Croise

Génesis 8:21

C'alal ic'ot ta stojol Muc'ul Dios li smuil yic' smotone, jech laj yal: “Mu'yuc xa ta jsoques yan velta banamil ta scoj smul li cristianoetique. Yu'un li cristianoetique ta sbic'talic ono'ox ti ja' no'ox oy ta yo'nton tspasic li c'usi chopole. Jech noxtoc mu'yuc xa ta jtu'pbe sts'unubal yan velta li chonbolometic jech c'u cha'al la jpas li jun velta li'i.

1 Crónicas 23:31

Xchi'uc ja' chchic'beic smoton Muc'ul Dios ta sc'ac'alil chcux yo'ntonic, ta yorail unin u, xchi'uc ta jujun muc'tic q'uinetic. Ti c'u yepal tsacajtic sbiique ja' te chtunic o ta stojol Muc'ul Dios scotol c'ac'al.

2 Crónicas 23:18

Li Joiadae lic xchapanbe lec yajval li abtel te ta ch'ulnae; ja' ventainbilic yu'un li paleetic xchi'uc levietique. Ja' co'ol la spas jech chac c'u cha'al xchapanoj ta vo'one li David ti tsjelilan sbaic ta abtel te ta ch'ulna sventa chchic'beic smoton Muc'ul Dios jech chac c'u cha'al la sts'iba comel li Moisese. Xcuxet no'ox yo'ntonic chq'uejinic ti c'alal tspasic jech chac c'u cha'al xchapanoj ono'ox li Davide.

2 Crónicas 31:3

Jech ec li ajvalile laj yac' c'usi oy yu'un stuc sventa chich' chiq'uel ta smoton Muc'ul Dios ta sob, xchi'uc ta mal c'ac'al, xchi'uc ta sc'ac'alil chcux yo'ntonic, xchi'uc c'alal ch-uninaj u, xchi'uc ta sventa muc'tic q'uinetic jech chac c'u cha'al ts'ibabil ta smantal Muc'ul Diose.

Esdras 3:2

Li pale Jesúa xnich'on Josadac, xchi'uc li xchi'iltac ta paleale, xchi'uc li Zorobabel xnich'on Salatiel, xchi'uc yan xchi'iltaque, lic spasic li scajleb smoton Dios sventa te chchiq'uic matanal jech chac c'u cha'al chal li mantaletic laj yal comel Moisese, ja' li yajtunel Diose.

Esdras 3:3

Li scajleb smoton Muc'ul Diose te lic xcha'pasic ti bu snacleb ono'oxe, yu'un ta xi'ic yu'un li yajvaltac banamil tee. Jech te lic xchic'beic smoton Dios ta jujun sob, xchi'uc ta jujun bat c'ac'al.,

Nehemías 10:34

“Jech noxtoc tsc'an ta jpastic canal tajimol ta jujuchop jbitic c'alal ta paleetic, ta levietic, xchi'uc scotol jchi'iltactic ta sventa chquich'tic batel si' ta jujun jabil te ta xch'ulna Muc'ul Dios sventa ta xich' chic'bel li smoton Dios te ta scajleb jech chac c'u cha'al chal li mantaletique.

Salmos 81:3

Jupano avoq'uesic ti c'alal mucul ue, xchi'uc ti c'alal sepet ue, yu'un ja' sc'ac'alil li q'uin cu'untique.

Éxodo 23:15

Pasic q'uin sventa pan ti mu'yuc yich'oj svolesubil xch'ute, jech chac c'u cha'al calojboxuc ono'oxe. Vucub c'ac'al xave'ic batel pan ti mu'yuc yich'oj svolesubil xch'ute. Li c'usi ual calojboxuc ono'oxe, ja' li u Abibe, yu'un ja' jech u ti laloq'uic tal ta Egiptoe. Mu'yuc boch'o xu' chtal ta jtojol ti me mu'yuc c'usi yich'oj tal jutuque.

Éxodo 29:18

Ts'acal te xavac' scotol ta scajleb jmoton yu'un ja' matanal sventa chavich'icun ta muc', xchi'uc ja' chic'bil matanal ta jventa ti lec mu yiq'ue.

Ezequiel 16:19

Jech noxtoc ja' laj avac'be li pan ti vu'un laj cac'bot sventa chamac'lin aba oe, ja' ti pasbilic ta lequil arina, ta aceite, xchi'uc li spom muc'ta pome. Ja' laj avac'be smotonin, yu'un jech lec mu yic' ic'ot ta stojol. Vu'un chcal jtuc ti jech laj apase.

Ezequiel 20:41

C'alal chlic jloq'uesoxuc tal ta yantic banamile, c'alal chlic jtsoboxuc sutel tal ta yantic banamil ti bu puquemoxuc batele, xchi'uc c'alal chlic cac' ta ilel ta aventaic ta stojol yantic banamil ti vu'un Ch'ul Diosune, jun co'nton chaquic'oxuc ta yutsil co'nton jech chac c'u cha'al matanal ti lec mu yiq'ue.

Ezequiel 45:17

Yu'un ja' tsventain yaq'uel li matanal ti chich' chiq'uel scotlijile, xchi'uc li milbil matanale, xchi'uc li yantic matanal sventa q'uinetique, xchi'uc ti c'alal ch-uninaj ue, xchi'uc ti c'alal ja' sc'ac'alil cuxub o'ntonale, xchi'uc ta sventa scotol li q'uinetic chich' pasel ta Israele. Ja' tsventain yaq'uel noxtoc li milbil matanal ta sventa mulile, xchi'uc li yantic matanal jech chac c'u cha'al trigoe, xchi'uc li milbil matanaletic ta sventa co'ol co'ntontique yu'un jech xu' ta jch'aybe smulic scotol li achi'iltaquique.

Levítico 1:13

Ts'acal ac'o sapbeic lec ta vo' li sbiquile xchi'uc li yacane. Li palee ac'o xchic' scotol te ta scajleb jmoton yu'un ja' chic'bil matanal ti lec mu yic' chc'ot ta jtojol, vu'un li Muc'ul Diosune.

Levítico 1:17

Ac'o xlich'beic li xiq'ue, ac'o sjavic ta o'lol, pero mu me xtuch'ic o ta j'ech'el. Ts'acal ac'o xchic' te ta scajleb jmoton li palee yu'un ja' chic'bil matanal ti lec mu yic' chc'ot ta jtojol, vu'un li Muc'ul Diosune.

Levítico 1:9

Ts'acal ac'o sapbeic lec li sbiquile xchi'uc li yacane. Li palee ac'o xchic' te ta scajleb jmoton, yu'un ja' chic'bil matanal ti lec mu yic' chc'ot ta jtojol, vu'un li Muc'ul Diosune.

Levítico 21:6

Ch'ul vinic ac'o spas sbaic o ta jtojol yu'un jech mu soquesbicun jc'oplal. Yu'un ja' oy ta sventaic chchiq'uic li matanaletique xchi'uc chaq'uic li pan te ta jtojole, ja' yu'un ta jc'an ti ch'ul vinic chcomic o ta jtojole.

Levítico 21:8

Voc'bil ac'o comicuc o ta sventa scotol, yu'un ja' oy ta sventaic chaq'uic li pan te ta jtojol, vu'un li Diosune. Jech tsc'an ch'ul viniquetic ac'o comicuc o ta atojolic ec, yu'un vu'un ti la jts'u'iltasique, ch'ul Muc'ul Diosun.

Levítico 3:11

Li palee ac'o xchic' scotol te ta scajleb jmoton. Ja' chic'bil matanal sventa ve'lil chc'ot ta jtojol, vu'un li Muc'ul Diosune.

Malaquías 1:12

Pero li vo'oxuque chasoquesbicun sc'oplal jbi ti c'alal jech chavalique: ‘Toj chopol li mexa yu'un Muc'ul Diose, xchi'uc mu'yuc lec li ve'lil te oye’, ti xachiique.

Malaquías 1:7

Yu'un chavac'bicun jmotonin ta scajleb jmoton li pan ti mu'yuc leque. Jech chavalic noxtoc: ‘¿C'usi la jpascutic ti mu xaquich'otcutic ta muc' chavale?’, xachiic. Yu'un laj anopic ti mu'yuc tsots sc'oplal li mexa cu'une.

Números 15:24

“Me acotolic ta sjunul lum jech chc'ot ta pasel yu'unic ti muc ta yutsiluc yo'ntonic muc spasique, scotolic ac'o yac'bicun jcot vacax sventa chich' chiq'uel ti lec mu yiq'ue. Ac'o yaq'uic noxtoc trigo xchi'uc ya'lel ts'usub ti yaloj ono'ox Muc'ul Dios tsc'an te capal chich' aq'uele. Jech noxtoc ac'o yac'bicun jcot tentsun. Ja' milbil matanal sventa amulic.

Números 15:3

C'alal chavac'bicun jmotonin jcot tot vacax, o me jcot chij sventa chachiq'uic yu'un chavich'icun ta muq'ue, ac'beic xchi'ilin batel chibuc kilo lequil arina vots'bil o ta jun litro aceite. Ja' jech tsc'an chapasic jech chac c'u cha'al c'alal chavac'bicun milbil matanal, o me ja' ti chich' chiq'uel scotlijil ti lec mu yiq'ue. C'usiuc no'ox matanalil, me ja' sventa ti its'aqui xa avu'unic li c'usi avalojic ta jtojol chapasique, o me ja' sventa li matanal ti ta yutsil no'ox avo'nton chavaq'uique, persa chavac'beic batel xchi'il.

Números 15:7

xchi'uc ech'em jutuc ta jun litro ya'lel ts'usub, yu'un ja' matanal chich' chiq'uel ta jventa ti lec mu yiq'ue.

Números 28:1

Li Muc'ul Diose la sc'opan li Moisese. Jech laj yalbe:

Números 29:39

“Ja' jech li jmoton tsc'an chavac'bicun ta jujun q'uin ti laj xa yich' alele. Xchi'uc tsc'an te chavaq'uic o li jmoton sventa chc'ot ta pasel avu'unic li c'usi avalojic ta jtojole xchi'uc li jmoton ti yutsil avo'ntonic chavaq'uique, c'usiuc, me ja' ti chich' chiq'uele, o me ja' li trigoe xchi'uc li c'usitic yan jech chac c'u cha'al trigo xchi'uc ya'lel ts'usube, o me ja' li milbil matanal sventa co'ol co'ntontic oe”, x'utat yu'un Muc'ul Dios li Moisese.

Números 9:13

Yan li boch'o ta scomtsan spasel q'uin Coltael ti c'alal lec oye, xchi'uc me mu'yuc bu nom bateme, ac'o yich' loq'uesel ta stojol li xchi'iltaque. Jech noxtoc, ta sventa ti muc xac' li smoton Muc'ul Dios ta yorail c'usi ora albile, ac'o stoj smul.

Números 9:7

Jech laj yalbeic li Moisese: —Li vu'uncutique la jpicbecutic sbec'tal jun anima, pero mu'yuc to cac'oj jbacutic ta lecubtasel. ¿Me mu xavac' ti xu' co'ol ta xcac'becutic smoton Dios xchi'uc jchi'iltactic ta israelal ti c'usi ora yoraile? —xutic.

2 Corintios 2:15

Vu'uncutic smuil yic' pom c'otemuncutic ta stojol Dios yu'un li Cristoe. Ja' yu'un chvinaj batel yic' ta stojol li boch'otic chcolique xchi'uc li boch'otic ch'ayel chbatique.

Efesios 5:2

C'ano abaic jech chac c'u cha'al la sc'anutic li Cristoe, yu'un laj yac' sba ta milel ta jcojtic. Ja' smoton Dios ic'ot, ja' milbil matanal ti oy lec smuil laj ya'ay li Diose.

Filipenses 4:18

Li vu'une laj xa jta lec scotol, oy xa ep scomelal cu'un. Mu'yuc xa c'usi sc'an chca'ay. Laj xa quich' ti c'u yepal laj avac'beic tal li Epafroditoe; toj lec chil li Diose, ja' jun milbil matanal cha'ay ti oy lec smuile.