Números 28:11 - Bible in Tzotzil de Chenalhó with Deuterocanon

¹¹ “Ta sba c'ac'al jujun ue, xavac'bicun jmotonin cha'cot tot vacax sventa chich' chiq'uel, xchi'uc jcot tot chij, xchi'uc vuccot ch'ium chij ti jun to jabil svoq'uele, ti bu ven leque.

Bible in Tzotzil de Chamula

¹¹ “Ti sba c'ac'al yu'un ti sliqueb jujun ue, ta xavac'beic chic'bil matanal ti Diose, cha'cot ch'iom tot vacax, jcot tot chij, xchi'uc vuc-cot ch'iom tot chij ti yich'oj jun jabil ti mu'yuc jutebuc ti xchopolile.

Números 28:11 Iomraidhean Croise

2 Reyes 4:23

Jech ijac'bat yu'un li smalale: —¿C'u yu'un ti chbat aq'uel ta orae? yu'un mu to ja'uc yorail q'uin sventa ch-uninaj u, xchi'uc mu to ja'uc yorail ta jcux co'ntontic —x'utat. —Mu c'u xal avo'nton —xi li antse.

1 Crónicas 23:31

Xchi'uc ja' chchic'beic smoton Muc'ul Dios ta sc'ac'alil chcux yo'ntonic, ta yorail unin u, xchi'uc ta jujun muc'tic q'uinetic. Ti c'u yepal tsacajtic sbiique ja' te chtunic o ta stojol Muc'ul Dios scotol c'ac'al.

2 Crónicas 2:3

Li Salomone jech laj yalbe batel li ajvalil Hiram te ta Tiroe: “C'uxubinun ec jech chac c'u cha'al laj apasbe li jtot Davide, yu'un laj atacbe tal ep ch'ut te'etic ti c'alal la sva'an li na bu chnaquie.

2 Crónicas 2:4

Yu'un li vu'une ja' ta jva'anbe xch'ulna li Muc'ul Dios cu'une. Ja' ch'ulna chcom o yu'un. Jech te ta jchic'becutic pom ta stojol, te ta jcholancutic o li pan ta stojole, xchi'uc ja' te ta jchic'becutic li smoton ta jujun sob, ta jujun mal c'ac'al, ta yorail ta jcux co'ntoncutic, ta yorail unin u, xchi'uc ta yorail muc'tic q'uinetic ta sventa Muc'ul Dios te ta Jerusalene, yu'un jech tsc'an ta jpascutic o vu'uncutic li israeluncutique.

2 Crónicas 8:13

Ja' jech c'ac'al laj yac' ti c'usi ora yaloj comel li Moisese. Ja' ta sc'ac'alil cuxub o'ntonal, xchi'uc ta sq'uinal ch-uninaj u,, xchi'uc ta yorail oxcoj muc'tic q'uinetic ta jun jabil: ja' ti c'alal tsve'ic pan mu'yuc yich'oj svolesubile, xchi'uc c'alal tspasic li q'uin yu'un Xemunaetique, xchi'uc li q'uin sventa ch-ochic ta yaxnaetique.

Esdras 3:5

La xchiq'uic li matanaletic ti tsc'an ono'ox chiq'uel ta jujun c'ac'ale, xchi'uc ta yorail unin ue, xchi'uc ta jujun muc'tic q'uinetic sventa Muc'ul Diose; xchi'uc laj yaq'uic yantic smoton Muc'ul Dios ta yutsil yo'ntonic.

Nehemías 10:33

xchi'uc ta sventa li pan chich' aq'uel o ta stojol Diose, xchi'uc ta sventa li chic'bil matanale, xchi'uc ta sventa li c'usitic yan jech chac c'u cha'al trigo ti chich' aq'uel o scotol c'ac'ale, xchi'uc ta sventa li matanal chich' chiq'uel scotol c'ac'ale, xchi'uc ta sventa li milbil matanal chich' aq'uel ta sc'ac'alil ta jcux co'ntontique, xchi'uc ta yorail unin ue, xchi'uc ta yantic q'uinetique, xchi'uc ta sventa li yantic matanaletique, xchi'uc ta sventa li matanaletic sventa xch'ayubil smul scotol jchi'iltactique, xchi'uc ta sventa li yantic matanaletic chich' aq'uel sventa chquich'tic ta muc' Dios cu'untique.

Salmos 40:6

Mu ja'uc lec chavil li amoton chavich' milbele, xchi'uc li c'usitic yan chavich' ac'bel amotonine. Mu ja'uc chac'an chic'bil matanal ta sventa chch'ay o li mulile, jech laj ajambun lec jchiquin ta ya'yel.

Salmos 40:8

Dios cu'un, ja' lec chavil ti ta jpas c'usi chac'ane, ti oy ta co'nton ta jch'un li amantale”, xichi.

Salmos 81:3

Jupano avoq'uesic ti c'alal mucul ue, xchi'uc ti c'alal sepet ue, yu'un ja' sc'ac'alil li q'uin cu'untique.

Salmos 81:4

Yu'un ja' jech mantal quich'ojtic vu'utic li israelutique; ja' jech yaloj mantal li Dios yu'un Jacobe.

Isaías 66:23

Ta jujun u, ta jujun sc'ac'alil cuxub o'ntonal chtal squejan sbaic ta jtojol scotolic sventa chiyich'icun ta muc'.

Ezequiel 46:1

“Vu'un li Muc'ul Diosune jech chcal noxtoc: Li sti' xcha'c'olal amac' ta yut ta stuq'uil sloq'ueb c'ac'ale, macal chcom o li vaquib c'ac'al c'alal yorail abtel avu'unique. Ja' to ta sc'ac'alil cuxub o'ntonal xu' chich' jamel, xchi'uc ti c'alal yorail ch-uninaj ue.

Ezequiel 46:6

Li jmoton tsc'an chac' c'alal ch-uninaj ue, ja' jcot ch'ium tot vacax, xchi'uc vaccot ch'ium chij, xchi'uc jcot tot chij ti ven lequique.

Ezequiel 46:7

Li jujucot ch'ium tot vacaxe, ac'o yac'be jtob (20) anmul strigoal noxtoc, xchi'uc jtob (20) anmul ta sventa li tot chije. Ta sventa li ch'ium chijetique ac'o yac' ti c'u yepal tsnop chaq'ue. Li jtob (20) anmul trigoe ac'beic o'lol yoxibal litro aceite noxtoc.

Oseas 2:11

Ta jlajesbe sc'oplal o li xcuxetel yo'ntone, li q'uinetic yu'une, li q'uin c'alal ch-uninaj ue, xchi'uc li sc'ac'alil chcux yo'ntone, xchi'uc scotol li muc'tic q'uinetic yu'une.

Levítico 1:13

Ts'acal ac'o sapbeic lec ta vo' li sbiquile xchi'uc li yacane. Li palee ac'o xchic' scotol te ta scajleb jmoton yu'un ja' chic'bil matanal ti lec mu yic' chc'ot ta jtojol, vu'un li Muc'ul Diosune.

Levítico 1:3

“Me vacax chaq'uic sventa chixchic'bicun jmotonine, ja' ac'o yaq'uic li stot ti bu ven leque. Ti c'u cha'al xu' chquich'beique, te ac'o tal yaq'uic ta ti'ch'ulna pasbil ta nucul ta jtojol, vu'un li Muc'ul Diosune.

Levítico 1:9

Ts'acal ac'o sapbeic lec li sbiquile xchi'uc li yacane. Li palee ac'o xchic' te ta scajleb jmoton, yu'un ja' chic'bil matanal ti lec mu yic' chc'ot ta jtojol, vu'un li Muc'ul Diosune.

Amós 3:5

Me oy ch-och ta yoquil jcot mute, yu'un oy boch'o la syac; me oy bu cht'il yoquile, yu'un oy c'usi la stsac.

Amós 8:5

jech chavalic: “Ech'uc ta ora ca'tic li sq'uinal unin ue, xchi'uc ech'uc ta ora ca'tic li sc'ac'alil cuxub o'ntonale, yu'un jech xu' ta jchon jtrigotic, xchi'uc xu' oy c'usi ta jchontic ta toyol stojol. Xu' ta jbic'tajesbetic li sbisubile; xu' mu'yuc ts'acal ta xcac'tic.

Números 10:10

C'alal toj xcuxet no'ox avo'ntonique, jupanic oq'ues noxtoc, jech chac c'u cha'al c'alal yorail q'uin avu'unique, xchi'uc c'alal chlic uninajuc li ue, xchi'uc c'alal chachic'bicun jmotone, xchi'uc c'alal chavac'bicun jmoton sventa lec chquiloxuque. Jech chat'abic o ta co'nton acotolic, vu'un li Muc'ul Diosun avu'unique”, x'utat yu'un Muc'ul Dios li Moisese.

Números 28:19

Li jmoton sventa chich' chiq'uele, tsc'an chavaq'uic cha'cot tot vacax, jcot tot chij, xchi'uc vuccot ch'ium chij ti jun to jabil svoq'uele, ti bu ven leque.

Gálatas 4:10

Yu'un ca'yoj ti oy xa c'usi chachabibeic sc'ac'aliltac, yualtac, yorailtac, xchi'uc sjabilaltaque.

Colosenses 2:16

Ja' yu'un mu me xatuc'ulanic me oy boch'o oy c'usi chayalboxuc ta sventa li ve'liletique, ta sventa li c'usitic chcuch'tique, ta sventa li sc'ac'alil q'uinetique, ta sventa li sepet ue, xchi'uc ta sventa li cuxub o'ntonale.

Colosenses 2:6

Ta sventa ti laj xa avich'ic ta muc' li Cajvaltic Jesucristoe, te me oyanic o ta stojol.

1 Samuel 20:5

Itac'ov li Davide: —Q'uelavil, oc'ome ja' xa yorail sq'uinal ch-uninaj li ue, jech persa chichoti, ta jchi'in ta ve'el li ajvalile. Pero li vo'ote coltaun batel, yu'un chbat jnac' jba ta te'tic. Ta bat to c'ac'al cha'ej chiloc' tal.

1 Samuel 9:12

Itac'ovic: —Ja', pero le' to nacal ta jelovel lume. Ac'beic yipal batel yu'un yo' to te talem ta lum, yu'un ja' yorail tsmilbeic smoton Dios te ta ch'ulna.