Números 27:7 - Bible in Tzotzil de Chenalhó with Deuterocanon

⁷ “Li stsebetic Zelofehade oy srazonic li c'usi chalique. Ac'bo yosilic te ta stojol li yuts' yalal anima stotique. Ja' yu'un li spuculal osil stotique ja' chcom ta sventaic.

Bible in Tzotzil de Chamula

⁷ “Jech xal ya'uc yantsiquil nich'nabtac ti Zelofehade. Ac'bo jutebuc yosilic ti bu ta xich' yosilic ti xchi'iltac ta voq'uel ti stotique. C'otuc ta xrextoic ti oy sc'oplal ta xich' ti stotique.

Números 27:7 Iomraidhean Croise

Job 42:15

Mu'yuc yan tsebetic toj c'upilic sba ta scotol banamil jech chac c'u cha'al stsebetic li Jobe. Li Jobe co'ol laj yac'be comel c'usitic oy yu'un li stsebetic xchi'uc squeremetique.

Salmos 68:5

Ja' li Dios ti nacal ta xch'ulnae; ja' stotic c'otem li boch'otic mu'yuc xa stot sme'ique; ja' Jc'opojel yu'unic li me'on antsetique.

Jeremías 49:11

Ac'bun jts'ites li me'on ololetic avu'une; ta jchabi li me'on antsetic avu'une”, xi li Muc'ul Diose.

Números 27:6

Li Muc'ul Diose jech laj yal:

Números 27:8

Albo li achi'iltac ta israelale, me oy chcham junuc vinic ti mu'yuc queremetic xnich'nab chcome, ja' ac'o yich'be spuculal osil stot li tsebe.

Números 36:5

Jech li Moisese lic yalbe ya'ay scotol xchi'iltac li c'usi mantal albil yu'un Muc'ul Diose. Jech laj yal: —Li viniquetic ti liquemic ta jchop yu'un Josee oy srazonic li c'usi chalique.

Números 36:6

Li Muc'ul Diose yaloj ti xu' chnupinic xchi'uc boch'o tsc'anic li stsebetic Zelofehade. Ja' no'ox venta me ja' tsmalinic li jchop bu liquem tal li stotique.

Gálatas 3:28

Jech mu'yuc xa judío, mu'yuc xa yanlum; mu'yuc xa boch'o ochem ta mozoil, mu'yuc xa boch'o muc ochemuc ta mozoil; mu'yuc xa vinic, mu'yuc xa ants. Yu'un jcotoltic jun no'ox lijc'ot ta stojol li Cristo Jesuse.

Josué 17:4

Li tsebetique ital sc'opanic li pale Eleazar, xchi'uc Josué, xchi'uc li banquilaletic yu'un israeletique. Jech c'ot yalbeic: “Li Diose yalojbe ono'ox Moisés ti ac'o avac'buncutic cosilcutic ec te ta yo' bu chich'ic li cuts' calalcutique”, xutic. Jech li Josuee laj yac'be spuculal osilic ec te ta stojol li yuts' yalaltac stot jech chac c'u cha'al yaloj Muc'ul Diose.