Números 27:5 - Bible in Tzotzil de Chenalhó with Deuterocanon

⁵ Li Moisese bat yal ta stojol Muc'ul Dios li ya'yej antsetique.

Bible in Tzotzil de Chamula

⁵ Ti Moisese laj yac'be sventain Dios ti va'i s'elan c'opoj ti antsetique.

Números 27:5 Iomraidhean Croise

Job 23:4

Te ta xc'ot calbe scotol jvocol ti jechuque, yu'un li' nojem ta que scotol li c'usi ta jc'an ta xcalbee.

Éxodo 25:22

Te ta toyol ta o'lol yu'unic li chib sloc'obal querubinetique ja' te ta jc'opan jbatic; te chacalbot mantaletic sventa chavalbe li achi'iltaque.

Números 15:34

C'alal i'och ta sc'obique, te to no'ox la xchabiic yu'un mu'yuc to xchapanojic c'usi xu' ta spasbeic.

Números 27:21

Li Josuee ac'o bat sva'an sba ta stojol li pale Eleazare. Li Eleazare ja' xa ac'o sjac'bun ta jtojol ta sventa st'unubil ti Urim, sbie. Li Josuee ja' me chcom ta sba chalbe scotol achi'iltac ta israelal li c'usitic tsc'an ac'o spasique —xut.

Números 27:4

Mu smeloluc ti chch'ay o sbi ta stojol li jchop yuts' yalal jtotcutic ta sventa ti mu'yuc queremetic xnich'nab icome. Ja' lec ac'bun jpuculal osilcutic ec te ta yosil li yuts' yalaltac jtotcutique”, xutic.

Números 27:6

Li Muc'ul Diose jech laj yal:

Números 36:2

—Vo'ote Moisés, yalojbot Muc'ul Dios ti vo'ot chapucbe yosilic bu chc'ot ta stojol jujunic li jchi'iltactic ta israelale. Xchi'uc laj yalbot ti sc'oplal ja' chavac'be stsebetic li spuculal osil Zelofehad ti ja' co'ol jbi jchi'uccutique.

Números 9:8

Itac'ov li Moisese: —Malaic, ac'o yac'bun jna' Muc'ul Dios c'usi ta pasel ta sventa li vo'oxuque —xut.

Josué 17:4

Li tsebetique ital sc'opanic li pale Eleazar, xchi'uc Josué, xchi'uc li banquilaletic yu'un israeletique. Jech c'ot yalbeic: “Li Diose yalojbe ono'ox Moisés ti ac'o avac'buncutic cosilcutic ec te ta yo' bu chich'ic li cuts' calalcutique”, xutic. Jech li Josuee laj yac'be spuculal osilic ec te ta stojol li yuts' yalaltac stot jech chac c'u cha'al yaloj Muc'ul Diose.