Números 27:23 - Bible in Tzotzil de Chenalhó with Deuterocanon

²³ Laj yac' sc'ob ta sjol, jech laj yac'be yabtel jech chac c'u cha'al laj yal mantal Muc'ul Dios ta sventa li Moisese.

Bible in Tzotzil de Chamula

²³ Va'i un, laj scajan ti sc'ob ta sjole, laj yac'be yich' yabtel jech c'u cha'al laj yal mantal ti Dios ta stojol ti Moisese.

Números 27:23 Iomraidhean Croise

Números 27:18

Li Muc'ul Diose jech la stac'be li Moisese: —Li Josué xnich'on Nune ja' jun vinic ti yich'ojbun lec jtsatsale. Ic'o, ac'o ac'ob ta sjol.

Números 27:19

Ts'acal ic'o batel ta stojol li pale Eleazare xchi'uc ta stojol scotol li achi'iltaque; te ta satic xavac'be sventain comel li abtele.

Números 27:22

Jech li Moisese la spas jech chac c'u cha'al i'albat yu'un li Muc'ul Diose. Laj yic' li Josuee; bat sva'an ta stojol li pale Eleazare xchi'uc ta stojol scotol li israeletique.

Números 28:1

Li Muc'ul Diose la sc'opan li Moisese. Jech laj yalbe:

Deuteronomio 3:21

“Ja'o yorail jech laj calbe noxtoc li Josuee: ‘Laj avil ta asat atuc c'usi la spas Muc'ul Dios ta stojol li chib muc'tic ajvaliletique. Ja' no'ox jech xu' ta spas batel ta stojol li yantic ajvaliletic ti bu chajelov batele.

Deuteronomio 3:28

Albo mantal li Josuee. Patbo yo'nton; tsatsubtasbo yo'nton, yu'un ja' xa chic' jelovel scotol li achi'iltaque. Ja' chac'be ta sc'obic scotol li osil ti le' chaq'uel batele’, xiyutun li Muc'ul Diose.

Deuteronomio 31:23

Li Muc'ul Diose lic yalbe mantal noxtoc li Josué, ja' li xnich'on Nune, jech laj yalbe: “Tsotsan me, mu me xaxi'. Yu'un vo'ot chavic' ochel scotol achi'iltac ta israelal te ta banamil ti bu caloj ono'ox chcac'beique. Oyuc me stsatsal avo'nton, vu'un chajchi'inot”, xut.

Deuteronomio 34:9

Li Josué xnich'on Nune, la sta ep sbijil ta stojol li Moisese. Yu'un li Moisese laj ono'ox yac' sc'ob ta sjol li Josuee. Jech li israeletique lic xch'unbeic smantal li Josuee, xchi'uc la spasic scotol li c'usi albil ono'ox yu'un Muc'ul Dios li Moisese.