Números 27:21 - Bible in Tzotzil de Chenalhó with Deuterocanon

²¹ Li Josuee ac'o bat sva'an sba ta stojol li pale Eleazare. Li Eleazare ja' xa ac'o sjac'bun ta jtojol ta sventa st'unubil ti Urim, sbie. Li Josuee ja' me chcom ta sba chalbe scotol achi'iltac ta israelal li c'usitic tsc'an ac'o spasique —xut.

Bible in Tzotzil de Chamula

²¹ Ja'uc le' une, ti Josuee tsots sc'oplal ta sjac'be ti pale Eleazar ti c'usi sc'an pasele. Ja'uc ti palee ta st'un ta sventa ti Urim ti c'usi sc'an pasele. Scotol ti c'usitic xu' ta spasic ti israeletique, ja' ta x'albatic mantal yu'un ti Josuee.

Números 27:21 Iomraidhean Croise

2 Samuel 21:1

C'alal ochem ta ajvalilal li Davide, ital tsots vi'nal oxib jabil. Li Davide lic sjac' ta stojol li Muc'ul Diose, jech itac'bat: “Li vi'nale ja' ital ta scoj li Saúl xchi'uc xnich'nabtaque, yu'un ja' la smilic li gabaonetique”, x'utat.

Esdras 2:63

Li ajvalil yu'unique laj yal mantal ti mu xu' tsve'ic li ch'ul matanale, ja' to me oy junuc pale tsjac' ta Urim xchi'uc ta Tumime.,

Nehemías 7:65

I'albatic yu'un ajvalil yu'unic ti mu xu' tsti'ic li ch'ul matanale, ja' to me ivinaj ta Urim xchi'uc ta Tumim, ti ja' sts'unubalic paleetique.

Éxodo 28:30

Li Urim xchi'uc Tumime, te xatic' ta xvorxapoc' li Aarone yu'un ja' chtun sventa tsna' o c'usi tsc'an co'nton. Jech te tiq'uil o ta vorxapoc' scotol c'ac'al ti c'alal ch-och ta jtojole. Jech scotol c'ac'al te x'ich'-un o yu'un c'alal ch-och ta jtojol li c'usi chtun yu'un sventa tsna' c'usi tsc'an co'ntone.

Levítico 8:8

Ja'o la snaban ta sba mocan c'u'il li vorxa poq'ue; te la stic' ochel li Urim xchi'uc li Tumime.

Malaquías 2:7

Yu'un li boch'o la jtiq'uic ta paleale ja' yabtel ac'o yalic, ac'o loc'uc ta yeic li bijubtasele, xchi'uc ac'o xchanubtasic ta xch'unel jmantal li xchi'iltaquique, yu'un ja' cajtuneltac, vu'un li Muc'ul Diosun ti ta jpas ta mantal scotol te ta vinajele.

Números 27:2

Li vo'ob antsetic le'e ibatic ta ti'ch'ulna pasbil ta nucul; bat sc'opanic li Moisés, xchi'uc li pale Eleazare, xchi'uc li banquilaletic yu'un israeletique. Jech c'ot yalbeic:

Números 27:20

Ac'bo comel ta sba c'uuc yepal li avabtele, yu'un jech ac'o ch'unbatuc smantal yu'un scotol li achi'iltac ta israelale.

Números 27:22

Jech li Moisese la spas jech chac c'u cha'al i'albat yu'un li Muc'ul Diose. Laj yic' li Josuee; bat sva'an ta stojol li pale Eleazare xchi'uc ta stojol scotol li israeletique.

Números 27:5

Li Moisese bat yal ta stojol Muc'ul Dios li ya'yej antsetique.

Deuteronomio 31:3

Pero li Muc'ul Dios cu'untique ja' ba'yucbe chbat avu'unic. C'alal chajelovic batele, ja' ta stsalboxuc batel scotol yajvaltac li muc'tic lumetique yu'un jech chavich'beic scotol li slumalique xchi'uc li yosilalique. Ja' ba'yucbe ta xbat avu'unic li Josuee yu'un ja' banquilal ta xcom avu'unic jech chac c'u cha'al yaloj ono'ox li Muc'ul Diose.

Deuteronomio 33:8

Jech laj yich' alel ta sventa li Levie: “Muc'ul Dios, ja' avu'un li Tumim xchi'uc Urime., Ja' avu'un, xchi'uc ja' yu'un ec li boch'o jun yo'ntonic ta atojole. Ja' li boch'o laj aq'uelbe yo'ntonic te ta Masah; ti laj avulilan aba achi'uc ta vo'etic te ta Meribae;

Josué 9:14

Li israeletique la sq'uelbeic scotol li c'usitic yich'ojic tale; laj yilic ti ja' melele, pero mu'yuc la sjac'beic Muc'ul Dios me melel.

Jueces 1:1

C'alal chamen xa'ox li Josuee, li israeletique lic sjac'beic Muc'ul Dios boch'o jchopucal ba'yuc chbat spas pleito yu'unic xchi'uc li canaanetique.

Jueces 20:18

Li yan jvoc' israeletique ibatic ta Betel. Te lic sjac'beic Dios boch'o jchopucal yu'unic ba'yuc chbat spas pleito xchi'uc li benjaminetique. Te i'albatic yu'un Muc'ul Dios ti ja' ba'yuc ac'o baticuc li Judae.

1 Samuel 14:19

C'alal ja'o chchi'in ta lo'il pale li Saule, lic soquicuc scotol li filistaetic te ta scarpanaique; solel ijinic o scotolic. Li Saule jech laj yalbe li palee: —Mu xa xavich' tal —xut.

1 Samuel 23:9

Pero li Davide laj ya'ay ti ta xa xtal milaticuc yu'un li Saule, ja' yu'un jech laj yalbe li Abiatare: “Ich'o tal li mocan c'u'ile”, xut.

1 Samuel 28:6

Jech te lic sjac'be Muc'ul Dios c'usi tspas, pero muc xtac'bat. Me ja'uc ta xvayech, me ta Urim, me ta sventa j'alc'opetic muc xtac'bat.

1 Samuel 30:7

Jech laj yalbe li pale Abiatare, ja' li xnich'on Ahimeleque: —Avocoluc ich'bun tal li mocan c'u'ile —xut. Jech bat yac'be.