Números 27:19 - Bible in Tzotzil de Chenalhó with Deuterocanon

¹⁹ Ts'acal ic'o batel ta stojol li pale Eleazare xchi'uc ta stojol scotol li achi'iltaque; te ta satic xavac'be sventain comel li abtele.

Bible in Tzotzil de Chamula

¹⁹ Mi laj une, ic'o batel ta stojol ti pale Eleazare xchi'uc ta stojol scotol ti lume. Ac'bo yich' yabtel ta sba ta sat scotolic.

Números 27:19 Iomraidhean Croise

Números 27:20

Ac'bo comel ta sba c'uuc yepal li avabtele, yu'un jech ac'o ch'unbatuc smantal yu'un scotol li achi'iltac ta israelale.

Deuteronomio 3:28

Albo mantal li Josuee. Patbo yo'nton; tsatsubtasbo yo'nton, yu'un ja' xa chic' jelovel scotol li achi'iltaque. Ja' chac'be ta sc'obic scotol li osil ti le' chaq'uel batele’, xiyutun li Muc'ul Diose.

Deuteronomio 31:23

Li Muc'ul Diose lic yalbe mantal noxtoc li Josué, ja' li xnich'on Nune, jech laj yalbe: “Tsotsan me, mu me xaxi'. Yu'un vo'ot chavic' ochel scotol achi'iltac ta israelal te ta banamil ti bu caloj ono'ox chcac'beique. Oyuc me stsatsal avo'nton, vu'un chajchi'inot”, xut.

Deuteronomio 31:3

Pero li Muc'ul Dios cu'untique ja' ba'yucbe chbat avu'unic. C'alal chajelovic batele, ja' ta stsalboxuc batel scotol yajvaltac li muc'tic lumetique yu'un jech chavich'beic scotol li slumalique xchi'uc li yosilalique. Ja' ba'yucbe ta xbat avu'unic li Josuee yu'un ja' banquilal ta xcom avu'unic jech chac c'u cha'al yaloj ono'ox li Muc'ul Diose.

Colosenses 4:17

Albeic Arquipo ti ac'o me sventain lec li yabtel i'ac'bat yu'un Cajvaltique, ac'o me c'otuc ta pasel yu'un.

1 Timoteo 5:21

Ta xcalbot mantal ta stojol Dios, xchi'uc ta stojol Cajvaltic Jesucristo, xchi'uc ta stojol li yaj'almantaltac st'ujoje. Ja' me jech xapas batel jech chac c'u cha'al laj calbot li'i. Co'ol me xapas; mu me t'ujbiluc no'ox boch'o jech xapasbe.