Números 26:64 - Bible in Tzotzil de Chenalhó with Deuterocanon

⁶⁴ Scotol li boch'otic te to'ox oyic c'alal la spasic tsactsacvun li Moisés xchi'uc Aarón ta xocol banamil Sinaie, me junuc mu'yuc xa te oyic li stuquique.

Bible in Tzotzil de Chamula

⁶⁴ Ta scotol taje, mu xa junuc oy ti capalic xchi'uc ti c'alal laj to ox yich' tsacbel sbiic yu'un ti Moisese, ti Aarone, ti ta sbajtical banomil yu'un ti Sinaie.

Números 26:64 Iomraidhean Croise

Números 14:29

Scotol li boch'otic oy xa jtob (20) sjabilalic ti ochem xa ta vun sbiique, ti chopol c'opojemic ta jtojole, ta xchamic scotolic. Li sbec'talique te no'ox telajtic chcomic ta xocol banamil.

Números 14:32

Li vo'oxuque, li' telajtic chcomic ta xocol banamil li abec'talique.

Números 26:63

Ja' jech yepal iloc' ta scotol li israeletic ti c'alal la spas tsactsacvun li Moisés xchi'uc pale Eleazar te ta stenlejaltic yu'un Moab ta ti' uc'um Jordán ta stuq'uil lum Jericoe.

Números 27:3

“Li jtotcutique te icham comel ta xocol banamil. Pero mu ja'uc te nabal ta stojol li Coré xchi'uc xchi'iltac ti la stoy sbaic ta stojol Muc'ul Diose. Li jtotcutique icham ta scoj no'ox smul stuc, pero mu'yuc queremetic xnich'nab icom.

1 Corintios 10:5

Pero jutuc mu scotolicuc chopol i'ilatic yu'un Dios, jech te tanpuc icom sbec'talic ta xocol banamil.

Hebreos 3:17

¿Boch'o sc'oplalic ti i'ilintaatic yu'un Dios cha'vinic (40) jabile? ¿Me mu ja'uc sc'oplalic li boch'otic la sa' smulique, ti te ichamic ta xocol banamile?

Josué 5:4

Ti jech la xtuch'be snuculil sni' sc'unilic xchi'iltac li Josuee, yu'un ichamic xa'ox ta xocol banamil scotol li viniquetic ti xu' xa'ox yu'unic paspleito c'alal iloq'uic tal ta Egiptoe.