Números 26:59 - Bible in Tzotzil de Chenalhó with Deuterocanon

⁵⁹ Li Amrame laj yic' yajnil. Ja' laj yic'be stseb Leví, Jocabed sbi. Li Jocabede ja'o ivoc' ti c'alal te to'ox oy ta Egipto li Levie. Li Amram xchi'uc Jocabede ja' stot sme'ic li Aarón, Moisés, xchi'uc Mariae.

Bible in Tzotzil de Chamula

⁵⁹ Ti Amrame laj yic'be yantsil nich'on ti Levi ti Jocabed sbie, ti ja' o voc' c'alal oyic to ox ta Egipto ti Levie. Ti Aarone, ti Moisese, xchi'uc ti Mariae, ja' stot sme'ic ti Amrame, ti Jocabede.

Números 26:59 Iomraidhean Croise

Éxodo 15:20

Ja' yu'un li j'alc'op Mariae, ja' li xvix Aarone, la stsac jun sepsep taq'uin. Scotol li antsetique la xchi'inic ta ac'ot; co'ol la stijic li sepsep taq'uine.

Éxodo 2:4

Li xvix olole te icom sq'uel ta nom c'usi chc'ot ta pasel.

Éxodo 6:20

Li Amrame laj yic' sbaic xchi'uc sjunme', ja' Jocabed sbi. Ivoc' yalab, ja' li Aarón xchi'uc Moisese. Li Amrame icuxi vuclajuneb svucvinic (137) jabil.

Levítico 18:12

“Mu me xac'opan abaic xchi'uc xvix, o me yixlal atotic, yu'un ja' jun xch'ich'alic xchi'uc li atotique.

Números 12:1

Li María xchi'uc Aarone lic chopolc'opojicuc ta stojol li Moisese, yu'un li Moisese inupin xchi'uc jun etiope ants.

Números 20:1

Ta sliquebal jabil ic'otic te ta xocol banamil ta Zin scotol li israeletique. Te la spas scarpanaic jayibuc c'ac'al ta Cades. Te icham li Mariae; te laj yich' muquel.