Números 26:55 - Bible in Tzotzil de Chenalhó with Deuterocanon

⁵⁵ C'alal chavoq'uic li osile, tsc'an chapasic canal tajimol, ja' ti bu xc'ot ta stojol jujunique. Ta jujuchop ac'o yich' yosilic ti bu liquem tal sts'unubal li stotique.

Bible in Tzotzil de Chamula

⁵⁵ Ti c'alal ta xch'acluj ti banomile, ja' ti c'u s'elan ta xc'ot ti yorail yu'unique. Ti jujunique ta xich' sparteic ti bu c'ot sparte ti stotic ta jujuchope.

Números 26:55 Iomraidhean Croise

Proverbios 16:33

Li cristianoetique ja' ta spasic canal tajimol, pero ja' stuc Muc'ul Dios tsnop c'usi xu' chc'ot ta pasel.

Proverbios 18:18

C'alal oy mu xchapaj c'ope, ja' to xu' chchapaj ta canal tajimol; ja' jech ta xpaj c'alal me oy boch'o tsots tscontrain sbaique.

Ezequiel 47:22

Voc'bo abaic, yu'un ja' avu'unic chcom o achi'uquic li yanlum cristianoetic ti te chlic achi'inic ta nacleje. Xchi'uc ja' yu'unic chcom o ec li yalab xnich'nab te chlic voc'uc ta avosilalique. Ja' yu'un tsc'an chacuyic ta mero achi'ilic ta israelal. C'alal chavoq'uique, te me nabalicuc ec, yu'un jech xu' chich'ic yosilic te ta atojolic.

Números 26:56

C'alal chich' puquel li osile, ja' tsc'an chich' pasel canal tajimol. Tsc'an jech chich' pasel ta sventa ti bu epique, xchi'uc ti bu mu'yuc epique”, xut.

Números 33:54

Pero ti c'alal chavoq'uique, tsc'an chapasic canal tajimol ta jujuchop sbiic li achi'iltac ti jaychopoxuque. Li jchop sbiic ti epique ja' muc' ac'o yich' yosilic. Yan me mu'yuc epique biq'uit no'ox ac'o yich' yosilic. Ta jujuchop sbiic te ac'o yich' yosilic ti bu chc'ot ta stojolique.

Números 34:13

Li Moisese lic yalbe scotol xchi'iltac li chanubtasel i'albat yu'un Muc'ul Diose. Jech laj yalbe: “Le'e ja' li banamil ti tsc'an chavoc'be abaic c'alal chapasic canal tajimole. Ja' li banamil ti yaloj Muc'ul Dios tsc'an chavoc'be abaic vo'oxuc li o'lol slajunchopoxuque.

Números 36:2

—Vo'ote Moisés, yalojbot Muc'ul Dios ti vo'ot chapucbe yosilic bu chc'ot ta stojol jujunic li jchi'iltactic ta israelale. Xchi'uc laj yalbot ti sc'oplal ja' chavac'be stsebetic li spuculal osil Zelofehad ti ja' co'ol jbi jchi'uccutique.

Hechos 1:26

Te lic spasic canal tajimol. Ja' ic'ot ta stojol li Matiase. Jech ic'ot o ta xchi'ilic li buluchibique.

Colosenses 1:12

Jech xcuxet no'ox avo'nton chatojbeic ta vocol Jtotic Dios ti laj yac' avu'uninic ec li c'usi sc'oplal chich'ic li yu'untac Dios ti oyic xa ta sac osile.

Josué 11:23

Li Josuee la spoj scotol li banamil jech chac c'u cha'al yaloj ono'ox Muc'ul Dios ta stojol li Moisese. Ts'acal lic svoc'anbe li jaychop israeletique, jech icom ta yu'unic o. C'alal i'ech' scotol le'e, ipaj scotol li pleitoe; jun yo'nton icomic te ta yosilalic.

Josué 14:2

C'alal la svoq'uic li banamile, la spasic canal tajimol li o'lol slajunchop israeletique yu'un jech albil yu'un Muc'ul Dios li Moisese.

Josué 17:14

Li smomnich'nabtac Josee jech laj yalbeic li Josuee: —¿C'u yu'un ti jun no'ox velta laj avac' jpascutic canal tajimole, yu'un jech jsep no'ox laj avac'bun o li cosilcutique? Yu'un li vu'uncutique epuncutic; li Muc'ul Diose yac'ojbuncutic ep bendición —xutic.

Josué 18:6

C'alal me laj xa svoq'uic ta vucvoc' li banamile, ts'acal ac'o tal yalbicun, jech vu'un ta xcac' apasic canal tajimol ta stojol li Muc'ul Dios cu'untique.

Josué 19:1

Li xchibal velta canal tajimol la spasique ja' ic'ot ta stojol li jchop liquemic ta Simeone. Ti bu la staique, ja' te xcom ta o'lol yosilalic li boch'otic liquemic ta Judae.

Josué 19:10

Li yoxibal velta canal tajimol la spasique ja' ic'ot ta stojolic li jchop liquemic ta Zabulone, ja' ti c'u yepal oyic ta jujuchop sbiique. Li yosilalic laj yich'ique ic'ot c'alal to ta Sarid.

Josué 19:17

Li xchanibal velta canal tajimol la spasique ja' ic'ot ta stojolic li jchop liquemic ta Isacare, ja' ti c'u yepal oyic ta jujuchop sbiique.

Josué 19:24

Li yo'obal velta canal tajimol la spasique ja' ic'ot ta stojolic li jchop liquemic ta Asere.

Josué 19:32

Li svaquibal velta canal tajimol la spasique ja' ic'ot ta stojolic li jchop liquemic ta Neftalie.

Josué 19:40

Li svucubal velta canal tajimol la spasique ja' ic'ot ta stojolic ta jujuchop sbiic li jchop liquemic ta Dane.