Números 26:54 - Bible in Tzotzil de Chenalhó with Deuterocanon

⁵⁴ Ti bu ep iloc' ta atele, ja' ep chich' li yosilique. Ti bu mu'yuc ep iloc' ta atele, ja' mu'yuc ep chich' li yosilique. Ti c'u yepal iloc' ta atel ta jujuchope, ja' jech yepal chich' li yosilique.

Bible in Tzotzil de Chamula

⁵⁴ Ti bu vololic ta jujuchope, ja' ep ta xich'ic. Yan ti bu mu epicuc ta jujuchope, ja' mu sta ta xich'ic. Yu'un ti c'u yepal tsacal sbiic ta jujuchope, ja' jech yepal ta xich' ti sbanomilique.

Números 26:54 Iomraidhean Croise

Números 26:53

“Ti c'u yepal i'och ta vun sbiic li viniquetique, ja' me jech chich' voc'bel li yosilique.

Números 32:3

—Q'uelavilic, li osil ti la spojbutic Muc'ul Dios sventa chijyac'butic vu'utic li israelutique, ja' li yosilal Atarot, Dibón, Jazer, Nimra, Hesbón, Eleale, Sebam, Nebo, xchi'uc Beone, toj lec ta sventa vacaxetic xchi'uc chijetic. Vu'uncutique puru vacax, puru chijetic oy cu'uncutic.

Números 32:5

C'otuc ta avo'ntonique, vu'uncutic ac'buncutic comel li osil li'i. Mu persauc chijelovcutic batel ta jot uc'um Jordán —xutic.

Números 33:54

Pero ti c'alal chavoq'uique, tsc'an chapasic canal tajimol ta jujuchop sbiic li achi'iltac ti jaychopoxuque. Li jchop sbiic ti epique ja' muc' ac'o yich' yosilic. Yan me mu'yuc epique biq'uit no'ox ac'o yich' yosilic. Ta jujuchop sbiic te ac'o yich' yosilic ti bu chc'ot ta stojolique.

Números 35:8

C'alal chaq'uic lumetic yu'unic li jujuchop achi'iltac ta israelale, ja' me ep lumetic ac'o yaq'uic li boch'otic muc'tic staoj yosilique. Yan li boch'otic biq'uitic no'ox staojique, ja' mu'yuc ep ac'o yaq'uic”, x'utat li Moisese.

Josué 17:14

Li smomnich'nabtac Josee jech laj yalbeic li Josuee: —¿C'u yu'un ti jun no'ox velta laj avac' jpascutic canal tajimole, yu'un jech jsep no'ox laj avac'bun o li cosilcutique? Yu'un li vu'uncutique epuncutic; li Muc'ul Diose yac'ojbuncutic ep bendición —xutic.

Josué 19:9

Ja' yu'un li yosilic jchop liquemic ta Simeone i'och to jutuc ta yut yosilalic li jchop liquemic ta Judae. Yu'un li smomnich'nabtac Judae toj ep laj yich'ic li banamile, ja' yu'un i'ac'batic jutuc yich'ic ec li boch'otic liquemic ta Simeone. Jech laj yich'beic to jutuc yosilalic li Judae.