Números 26:30 - Bible in Tzotzil de Chenalhó with Deuterocanon

^30-32 Li xnich'nabtac Galaade ja' Jezer, Helec, Asriel, Siquem, Semida, xchi'uc Hefer sbiic. Ti jayibic le'e ta jujuchop sbiic ibatic; ja' xnich'nab li Galaade.

Bible in Tzotzil de Chamula

^30-32 Ta jujuchop snitilultac ti Galaad ti ayan talel yu'une, ja'ic ti buch'utic ayanic talel ta sventa ti Jezere, ti Heleque, ti Asriele, ti Siqueme, ti Semidae, xchi'uc ti Hefere.

Números 26:30 Iomraidhean Croise

Josué 17:2

Jech noxtoc li yantic xnich'nab Manasese la spasic canal tajimol ta sventa bu chc'ot ta stojolic li banamile. Ja' jech yepal laj yich'ic ti c'u yepal oyic ta jujuchop sbiique. Li xnich'nab Manasese ja' li'i: Abiezer, Helec, Asriel, Siquem, Hefer, xchi'uc Semida. Le'e ja' xnich'nab li Manasese; ja' smomnich'nab li Josee.

Jueces 6:11

Li j'almantal yu'un Muc'ul Diose te ital chotluc ta yolon jpets tulan te ta Ofra ta yosil Joás, ja' li jchop sbiic abiezeretique. Li Gedeón, xnich'on Joase, ja'o te ta xic'a strigo ta nac'alaltic ta yav spits'ubil ya'lel ts'usub, yu'un jech mu x'ilat yu'un li madianetique.

Jueces 6:24

Ja' yu'un li Gedeone lic spas jun scajleb smoton Muc'ul Dios. “Li Muc'ul Diose ja' chac' jun o'ntonal”, xi sbi laj yac'be. Li scajleb smoton Muc'ul Diose te to oy o tana ti bu Ofra sbi li banamil te ta lum yu'unic li jchop abiezeretique.

Jueces 6:34

Pero li espíritu yu'un Muc'ul Diose la sventainbe yo'nton li Gedeone, jech la sjupan xcachu yu'un ac'o stsob sbaic tal li jchop sbiic abiezeretique.

Jueces 8:2

Li Gedeone jech itac'ov: —Q'uelavilic, vo'oxuc toj ep laj apasic jech chac c'u cha'al la jpas li vu'une. Ac'o me mu'yuc ep c'usi laj apasic, pero ja' toj tsots sc'oplal; ja' jutuc no'ox tsots sc'oplal li c'usitic ep la jpascutic vu'uncutique.