Números 26:3 - Bible in Tzotzil de Chenalhó with Deuterocanon

³ Jech li Moisés xchi'uc Eleazare lic yalbeic mantal scotol israeletic ti c'alal ja'o te oyic ta stenlejaltic ta yosilal Moab te ta nopol ti' uc'um Jordán ta stuq'uil lum Jericoe.

Bible in Tzotzil de Chamula

³ Ta stenlej Moab ti ta sts'el uc'um Jordane, ti oy ta yeloval Jericoe, ti Moisese xchi'uc ti Eleazare laj yalbeic mantal ti israeletique

Números 26:3 Iomraidhean Croise

Números 22:1

Ixanovic batel yan velta li israeletique; te c'ot spas scarpanaic ta stenlejaltic ta Moab, te ta nopol uc'um Jordán ta stuq'uil lum Jericó.

Números 26:4

Yu'un ac'o yac' ta tsaquel sbiic scotol li boch'otic yich'ojic xa jtob (20) jabil xchi'uc c'alal ta moletic, jech chac c'u cha'al i'albat yu'un Muc'ul Dios li Moisese. Ja' jech yepal ta scotol li israeletic ti iloq'uic tal ta Egiptoe:

Números 26:63

Ja' jech yepal iloc' ta scotol li israeletic ti c'alal la spas tsactsacvun li Moisés xchi'uc pale Eleazar te ta stenlejaltic yu'un Moab ta ti' uc'um Jordán ta stuq'uil lum Jericoe.

Números 31:12

laj yiq'uic batel ta stojol li Moisés, xchi'uc li pale Eleazare, xchi'uc ta stojol scotol li israeletique. Te ic'otic yo' bu scarpanaic ta stenlejal yu'un Moab ta nopol ti'ti' uc'um Jordán ta stuq'uil lum Jericó.

Números 33:48

Iloq'uic tal ta vitsetic yu'un Abarim; te vul spas scarpanaic ta stenlejaltic yu'un Moab ta nopol uc'um Jordán ta stuq'uil lum Jericó.

Números 35:1

Li Muc'ul Diose la sc'opan yan velta li Moisés ti c'alal ja'o te oyic ta stenlejaltic yu'un Moab ta nopol uc'um Jordán ta stuq'uil Jericoe. Jech laj yalbe:

Deuteronomio 34:1

Li Moisese ilic batel ta xocol banamil ta yosilal Moab, imuy ta vits Nebo. Te imuy ta mero jolvits Pisga ti te oy ta stuq'uil Jericoe. Li Muc'ul Diose te lic yac'be sc'upin batel ta nom scotol li yosilal Galaad c'alal to ta yosilal Dane,

Deuteronomio 34:6

Te laj yich' muquel ta jun stenlejal ta yosilal Moab ta stuq'uil Bet-peor. Me junuc mu'yuc boch'o sna' bu oy smuquinal c'alal to tana.

Deuteronomio 34:8

Li israeletique lajuneb xcha'vinic (30) c'ac'al laj yoc'taic te ta xocol banamil ta Moab li Moisese. Jech ts'acal lec sc'ac'alil laj yoc'taic, laj yat yo'ntonic ti c'alal ichame.