Números 26:10 - Bible in Tzotzil de Chenalhó with Deuterocanon

¹⁰ Pero ijav li banamile; te ibic'atic ochel li chibique xchi'uc li Coree. Ti c'u yepal jmoj la stsob sbaique, ichamic scotolic. Ja' o'lol yoxibal ciento (250) ti ichamic ta c'oq'ue. Le'e ja' itun ta sventa c'u cha'al mu xch'ay ta yo'ntonic o li yantique.

Bible in Tzotzil de Chamula

¹⁰ Ja' no'ox un, jav ti banomile, bajic yalel ti xchibalique xchi'uc ti Coree. Yu'un scotol ti c'u yepal tsobolique cham ta c'oc', lajuneb yoxlajunvinic (250) ta vo' viniquetic. Ti jech taje, ja' c'ot ti tun ta sventa sbijubtaselic ti yane.

Números 26:10 Iomraidhean Croise

Éxodo 16:35

Li israeletique cha'vinic (40) jabil la sve'ic li manavaje, ja' to ti c'alal ic'otic yo' bu oy jnaclumetic ta sts'aquil Canaán banamile.

Jeremías 29:22

Ja' yu'un c'alal oy boch'o tsc'anic ac'o stoj smul li judaetic ti chucbil ibatic ta Babiloniae, jech chalic: Jech ac'o spasbot Muc'ul Dios jech chac c'u cha'al la spasbe li Jeconías xchi'uc Acab ti ichic'atic ta c'oc' yu'un ajvalil ta Babiloniae, xiic.

Ezequiel 14:8

Ta jva'lebin jba jchi'uc li vinique; ta xcac' comuc ta sventa senyail, xchi'uc ta ya'yej slo'il cristianoetic. Ta jts'et o loq'uel te ta stojol li jteclumale, yu'un jech tsna'ic o ti vu'un Muc'ul Diosune, xi li Diose’, uto.

Números 16:2

Li viniquetic le'e ja' lic scontrainic li Moisese. La stsob yan o'lol yoxibal ciento (250) xchi'ilic; ja' puru israeletic, xchi'uc puru oy yabtelic ta stojol xchi'iltaquic. Ja' lec otquinbilic, xchi'uc oy ta sventaic tstojobtasic li xchi'iltaquique.

Números 16:38

Li xchic'ubil pom yu'unic li viniquetic ti ichamic ta scoj smulique, lecubtasbil xa cu'un yu'un laj yich' tunesel sventa laj yich' chiq'uel pom ta jtojol. Tuq'uibtasic lec, ac'o comuc avu'unic jech chac c'u cha'al lámina. Ac'o tunuc sventa chamaquic o li scajleb jmotone, xchi'uc sventa svulesubil ta yo'nton achi'iltaquic li c'usi ic'ot ta pasele”, xi.

Números 17:3

Li namte'al yu'unic jchop liquemic ta Levie, ja' xatsacbe sbi li Aarone. Yu'un persa oy jch'ix namte'al yu'unic li jujun banquilaletic ta jujuchope.

Números 27:3

“Li jtotcutique te icham comel ta xocol banamil. Pero mu ja'uc te nabal ta stojol li Coré xchi'uc xchi'iltac ti la stoy sbaic ta stojol Muc'ul Diose. Li jtotcutique icham ta scoj no'ox smul stuc, pero mu'yuc queremetic xnich'nab icom.

Deuteronomio 11:6

Na'ic me c'usi la spasbe noxtoc li Datán, li Abiram, ja' li xnich'nabtac Eliab smomnich'nab Rubene. Ijav li banamile, jech te i'ochic yalel scotolic c'alal ta yajnil xnich'nabic, c'alal ta scarpanaic, xchi'uc scotol c'usitic oy yu'unic, xchi'uc c'alal ta sca' xvacaxic. Ta stojol scotol jchi'iltactic ta israelal ti jech ic'ot ta pasele.

Deuteronomio 28:46

Scotol li vocoletic le'e ja' jun tsots preva chtal ta atojolic sbatel osil xchi'uc anich'nabic xchi'uc amomnich'nabic,

2 Pedro 2:6

Jech noxtoc li Diose laj yac'be stoj smul li cristianoetic te ta lum Sodoma xchi'uc ta lum Gomorrae. La xchic' ta c'oc'; stanil xa icomic o. Ja' sq'uelubil icom ta sventa li boch'o toj chopol c'usitic ta spasique.

Judas 1:7

Ja' jech ipasbatic noxtoc li cristianoetic ta lum Sodoma xchi'uc ta lum Gomorrae xchi'uc ta lumetic ti te nopolique, yu'un solel laj yac' sbaic o ta spasel c'usi tsc'an sbec'talic ti mu xa jechuc sc'oplal ta pasele. Ja' yu'un te xa tstoj smulic o ta c'oc' sbatel osil. Ja' bijubtasel icom ta sventa scotol li yantique.

1 Samuel 2:34

Ja' senyail ta aventa chcom li chib anich'nab Ofni xchi'uc Finees ti ta persa chc'ot ta pasele, yu'un xchibalic chchamic ta jun no'ox c'ac'al.