Números 25:8 - Bible in Tzotzil de Chenalhó with Deuterocanon

⁸ Te nabal ibat ta spat li vinique; ic'ot c'alal ta sna. La smil ta lanza xchibalic, toj jelovel no'ox ta xch'ut li vinique xchi'uc li antse. Ja' to jech i'ech' o li tsatsal chamel ti chchamic o li israeletique,

Bible in Tzotzil de Chamula

⁸ Stij-patioj ech'el c'alal to sna ti israelal vinic taje, ti tey no'ox laj spajbe ti lanza ta xch'ut ti israelal vinique xchi'uc ti antse. Taj une, ja' to jech paj ti ta xchamic ti israeletic ta scoj ti va'i s'elan toj chopol ta xc'ot ta pasele,

Números 25:8 Iomraidhean Croise

1 Crónicas 21:22

Li Davide jech laj yalbe li Ornane: —Ac'bun li yav smajubil atrigo li'i, yu'un ta jpasbe jun scajleb smoton li Muc'ul Diose. Ta jtojbot ti c'u yepal stojole, yu'un jech xu' ch-ech' o li tsatsal chamel oy ta stojol jchi'iltaque —xut.

2 Samuel 24:25

Jech te lic spasbe jun scajleb smoton li Muc'ul Diose. Te la xchic'be, xchi'uc la smilbe smoton sventa ac'o co'oluc yo'ntonic xchi'uc. Ja' yu'un li Muc'ul Diose laj yich' ta muc' ti ic'anbat vocol ta sventa li chamel te ta yosilal israeletique, jech ipaj o li tsatsal chamel ta stojolique.

Números 25:11

—Li Fineese ja' la spas li c'usi sventa chlaj o sc'ac'al co'nton yu'une. Yu'un ja' jech yo'nton ec jech chac c'u cha'al vu'un ti toj chopol co'nton yu'un li achi'iltac ta sventa ti jech la spasique. Ja' yu'un muc j'ech'eluc te chopol icom o co'nton; muc xcules scotol li achi'iltaque.

Números 25:5

Jech li Moisese lic yalbe mantal li jchapanvanejetic yu'un xchi'iltaque: —Jujunoxuc milic li avinictaquic ta jujuchopoxuque, ja' li boch'otic laj yich'ic ta muc' li Baal-peore —xut.

Malaquías 2:5

“Li c'usi la jchapan jchi'uque ja' sventa lec chbat, sventa jun yo'nton, xchi'uc sventa ac'o yich'un ta muc'. Pero ta melel, lec laj yich'un ta muc', biq'uit laj yac' sba ta jtojol, laj yich' ta muc' li jbie.

Números 17:13

Scotol li boch'otic chnopajic batel ta ch'ulna yu'un Muc'ul Diose, ta xchamic. ¿Me yu'un jcotoltic li' chijchamutic o ti jechuque?”, xiic.

Josué 7:26

Ja'o te lic slatsic ep ton; te to oy o c'alal to tana. Ja' yu'un li banamil tee stenlejaltic yu'un Acor xi sbi c'alal to tana. Ja' to jech ilecub o yo'nton Muc'ul Dios ta stojol li israeletique.

2 Samuel 21:14

Li sbaquiltac Saúl xchi'uc Jonatane te bat smuquic yo' bu mucul li Cise, ja' li stot Saule. Ja' te ta yosilal Benjamín ta Zela. Ja' jech la spasic scotol jech chac c'u cha'al i'albatic yu'un li ajvalile. C'alal jech la spasique, lic c'uxubinaticuc yu'un Dios ta scotol yosilalic.