Números 24:8 - Bible in Tzotzil de Chenalhó with Deuterocanon

⁸ Li Dios ti iloq'uesatic tal ta Egipto yu'une, ja' stsatsal yo'ntonic c'otem, jech chac c'u cha'al vacax ti ja' spatoj yo'nton yu'un li xulube. Li Israele ta stsac sti' li muc'tic lumetique, ja' li yajcontrataque. Ta xvoch'be c'alal ta sbaquil; ta smil ta flechaetic.

Bible in Tzotzil de Chamula

⁸ Yu'un ti Dios ti laj sloq'ues talel ta Egiptoe, ja' c'otem ta jpojvanej yu'unic ta xa'iic jech c'u cha'al ta spoj sba xchi'uc xulub ti te'tical vacaxe, ja' ti bufalo sbie. Yu'un ti israeletique ta stsalic ti muc'tiquil lum ti ja' scontraique, ta sc'asbeic ti sbaquile, ta syayijesic ta syolobic xtoc.

Números 24:8 Iomraidhean Croise

Salmos 2:9

Lajesbo stsatsalic ta ataq'uinal vaston li ajvaliletic li' ta banamile. Biq'uitic xalilin jech chac c'u cha'al bin patbil ta lum”, xi.

Salmos 21:12

Vo'ot laj avac' jatovicuc batel ta aflecha, yu'un laj avich' batel lec ta punto.

Salmos 45:5

Ac'o yaluc ta lum ta atojol cristianoetic ta sventa li aflecha ti lec ts'ubajtic sni'e, ts'apajtic ac'o c'otuc ta yo'ntonic li avajcontrae, vo'ot li ajvalilote.

Salmos 45:6

Muc'ul ajvalil, li avabtel sventa ajvalilale ja' sventa sbatel osil; li avaston avich'oje ja' sventa tuq'uil chapanel.

Éxodo 23:22

Me ta melel chach'unic, xchi'uc chapasic scotol li c'usi laj calboxuque, ja' cajcontra chc'ot ec li avajcontraique, xchi'uc ta xcac'be svocolic ec li boch'otic chayac'boxuc avocolique.

Isaías 38:13

Xi'avet no'ox c'alal to tsacub osil; xco'laj xchi'uc ja' jech chac c'u cha'al jun león ti chixvoch'bun c'alal ta jbaquile, yu'un ta c'ac'al ta ac'ubal chavac'bun ep jvocol.

Jeremías 50:17

“Li israeletique ja' jech chac c'u cha'al ch'ayemal chijetic ti nutsbilic ta leonetique. Ba'yuc iti'atic yu'un li Asiriae, ja'o iti'atic yu'un li Nabucodonosor ajvalil ta Babiloniae; ja' la slajesbe c'alal ta sbaquilic.

Jeremías 50:9

Yu'un ta xcac' stsob sbaic tal epal muc'tic lumetic ta norte, ja' chtal scontrainic li Babiloniae. Lec chapal ta xtalic, ta x'och ta sc'obic li Babiloniae. Lec sna'ic yaq'uel flecha, me jutuc mu stselbuj yu'unic; muc alticuc ch-ech' li flechaetic yu'unique.

Daniel 6:24

Li ajvalile laj yal mantal ti ac'o yich'ic iq'uel tal ec li boch'otic la stic'beic smul li Daniele, ti ac'o yich'ic tiq'uel ta xch'en leonetique. Jech laj yich'ic tiq'uel xchi'uc yajnil xnich'nabic. Mu'yuc to chc'otic ta banamil ta ora no'ox ich'amatic ta be yu'un li leonetique; ic'uxbatic o c'alal ta sbaquilic.

Números 14:9

Pero ja' tsc'an ti mu xatoy abaic ta stojol li Muc'ul Diose, xchi'uc tsc'an ti mu xaxi'ic yu'un li cristianoetic te nacajtique. Ja' no'ox jech xu' ta jlajestic jech chac c'u cha'al ta jlajestic pane. Li stuquique mu'yuc boch'o xu' chcoltaatic. Yan li vu'utique li' oy ta jtojoltic li Muc'ul Diose. Ja' lec mu xaxi'ic —xiic.

Números 21:5

jech te lic chopolc'opojicuc ta stojol li Diose xchi'uc ta stojol li Moisese. Jech laj yalic: —¿C'u yu'un ti laj avic'uncutic loq'uel tal ta Egiptoe? Yu'un li' xa chichamcutic ta xocol banamil avu'un. Yu'un mu'yuc vo' chcuch'cutic, xchi'uc mu'yuc jve'elcutic. I'ech' xa co'ntoncutic yu'un li ve'lil li'i —xiic.

Números 23:22

Li Dios ti la sloq'ues tal ta Egiptoe, ja' jech c'otem yu'unic jech chac c'u cha'al yip xulub tot vacax.

Números 23:24

Li lum le'e ta xlic totsicuc. Ta stsacvanic jech chac c'u cha'al león, ja' to chpati, ja' to chcux yo'nton me ilaj yu'un li c'usi stsacoje, xchi'uc me laj yuch'be xch'ich'al li c'usi chamen yu'une”, xi li Balaame.

San Mateo 2:15

Te oyic o c'alal to icham li Herodese, ja' ic'ot o c'usi laj yal Cajvaltic c'alal la xch'amanbe ye li yaj'alc'op ta vo'onee: “Ta Egipto banamil ta xquic' loq'uel tal li Jnich'one”, xi ono'ox.

Deuteronomio 32:23

Ta jipbe tal ta stojolic scotol li c'usitic chopole; ta jt'ilesbeic batel ta stojolic li flechaetic cu'une.

Deuteronomio 32:42

Ta xatin ch'ich' li flechaetic cu'une; ta xve' ta sbec'talic li espada cu'une, ja' ta xch'ich'al li boch'o chtuch'ique xchi'uc li jchuqueletique, xchi'uc ta sjolic li cajcontratac ti natuben sjolique’, xi li Muc'ul Diose.

Deuteronomio 7:1

“Li Muc'ul Dios cu'untique ja' chayic'oxuc ochel ta banamil ti bu chayac'boxuc avich'ique. Xchi'uc ta snuts loq'uel ta atojolic li vucub muc'tic lum ti toj tsotsique: ja' li hetetique, li gergesetique, li amorretique, li canaanetique, li ferezetique, li hevetique, xchi'uc li jebusetique.

Josué 2:10

Yu'un ca'yojcutic ti Muc'ul Dios la staquijesboxuc li Tsajal Nab c'alal laloq'uic tal ta Egipto banamil yu'un lajelovic tal li'i. Xchi'uc ca'yojcutic noxtoc ti laj avulesic o ta j'ech'el li chib ta lum cristianoetique xchi'uc li chib ajvalil yu'unic te oyic ta jot uc'um Jordane, ja' li Sehón xchi'uc Oge; ja' li ajvaliletic yu'un amorretique.