Números 24:7 - Bible in Tzotzil de Chenalhó with Deuterocanon

⁷ Li Israele oy ep vo' yu'un sventa chat'es li c'usitic sts'unoje. Li muc'ta ajvalil yu'une xjelov to jech xu' yu'un jech chac c'u cha'al Agag. Toj muc' li svu'el stsatsale.

Bible in Tzotzil de Chamula

⁷ Mu no'ox albajuc yepal vo' oy yu'un ti Israele yo' ta xuch'ic xchi'uc ta smaltaic ti sts'unubique. Ti Dios yu'unique ta stsal ti Agage, ti mu no'ox albajuc yepal ti ta svol ta maquele.

Números 24:7 Iomraidhean Croise

2 Samuel 5:12

Li Davide te lic sna' o ti ja' itic'at ta ajvalilal yu'un Muc'ul Dios ta sventa li Israele, xchi'uc ti ja' ta sventa lec chbat li yabtele yu'un tsc'an tscolta li jteclum yu'une, ja' li israeletique.

1 Reyes 4:21

Li Salomone la sventain scotol li yantic ajvaliletic xlic ta uc'um Éufrates c'alal to ta yosilal filistaetic xchi'uc c'alal to ta sts'aquil yosilal Egipto. Te la stoj spatanic, xchi'uc la xch'unbeic smantal li Salomón ti jayib c'ac'al cuxule.

1 Reyes 5:1

C'alal laj ya'ay Hiram, ajvalil ta Tiro, ti t'ujbil xa ta ajvalilal li Salomón sventa ch-och ta xq'uexol stot ja' li Davide, la stac batel yaj'abteltac ta stojol li Salomone yu'un lec ono'ox chil sbaic xchi'uc li David c'alal cuxul to'oxe.

1 Crónicas 14:2

Li Davide te lic sna' o ti ja' itic'at ta ajvalilal yu'un Muc'ul Dios ta sventa li Israele, yu'un ja' ta sventa ti lec chbat scotol li yabtele, yu'un jech tsta slequilal li jteclum yu'une, ja' li israeletique.

Esdras 4:20

Xchi'uc li' ivinaj noxtoc ti oy ajvaliletic ijelov yu'unic ti toj tsotsique. Jech la sventainic li banamil te ta smaleb c'ac'al yu'un uc'um Eufratese. Laj yac'beic stoj spatanic.

Ester 3:1

C'alal i'ech' xa'ox jayibuc c'ac'ale, li ajvalil Asueroe laj yac'be muc' yabtel li Amán xnich'on Hamedata smomnich'on Agague; ja' banquilal ic'ot yu'un scotol li j'abteletic yu'une.

Salmos 18:43

Laj acoltaun ta sventa li jchi'iltac ti jbajmantaletique; laj atic'un ta banquilal yu'un li yantic banamiletique; ta xitun ta stojol li cristianoetic ti mu xcotquinane.

Salmos 68:26

Acotolic ich'ic ta muc' li Diose, vo'oxuc li sts'unubaloxuc Israele; tsobo aba acotolic ta yalbel slequilal li Cajvaltique.

Salmos 72:11

Ac'o squejan sbaic ta stojol scotol li yantic ajvaliletique; ac'o abtejicuc yu'un scotol li cristianoetic ta yantic banamile.

Salmos 89:27

Jech ec li vu'une ta xcac' c'otuc ta ba nich'onil; ta xcac' muq'uibuc sc'oplal ta scotol ajvaliletic ta yantic banamil.

Isaías 2:2

Ta slajebtic batel c'ac'ale ta xlic yich' lec yip yan velta li vits yo' bu oy sna Muc'ul Diose; ja' toyol chc'ot yu'un li yantic vitsetique; li yajvaltac jujun banamile te chtal stsob sbaic ta stojol.

Isaías 30:25

C'alal tsta yorail li muc'ta milbaile, chlic loc'anuc ya'lel, chlic ayinuc uc'umetic ti bu muc'tic toyol vitsetique xchi'uc li stselejtique.

Isaías 48:1

“Yalab xnich'nab Jacob, a'yo ava'yic, vo'oxuc ti abiinojic Israele, vo'oxuc li sts'unubaloxuc Judae, vo'oxuc ti oy c'usi chavalic ta jamal ta sbi Muc'ul Diose, ti chana'ilanic to li Dios yu'un Israele, ac'o me mu jechuc smelol, me mu jechuc stuq'uil li c'usi chapasique.

Isaías 9:7

Li yabtel ta muc'ta ajvalilale, xchi'uc ti chac' jun o'ntonale mu'yuc spajeb o. Ja' chlic chotluc ta xchotleb li ajvalil Davide; ja' chlic sventain scotol. J'ech'el lec nacal chcom o, tsmeltsan lec scotol; chchapan lec, tstuq'uibtas lec, jech tspas li' ta ora xchi'uc c'alal to ta sbatel osil. Ja' jech tspas ta sventa ti bats'i lec yo'nton li Muc'ul Dios ti tspas ta mantal scotol te ta vinajele.

Jeremías 51:13

Babilonia, vo'ot ti setelot lec ta muc'tic uc'umetique, ti toj ep ac'ulejale, li' no'ox c'alal ta xlaj avorail; li' no'ox c'alal chlaj ac'oplal xchi'uc li c'usitic oy avu'une.

Daniel 2:44

C'alal ja'o ochemic ta ajvalilal li ajvaliletic le'e, li Dios te oy ta vinajele ta sliques jun ajvalil; mu'yuc boch'o xu' chtuch'bat yabtel, mu junuc lum chtal tsalatuc yu'un. Ja' ta stsal, ja' ta slajesbe sc'oplal scotol li yantic ajvaliletique; yan li stuque j'ech'el te chcom o sbatel osil.

Números 24:20

Li Balaame i'ac'bat yil c'usi chc'ot ta pasel ta stojol li lum Amaleque, jech lic yal noxtoc c'usi ta to xc'ot ta pasel: “Li Amaleque ja' jun muc'ta lum ich'bil ta muc', pero ta to xich' jinesel, solel chich' ulesel o”, xi.

San Juan 1:49

Li Natanaele jech laj yalbe li Jesuse: —Jchanubtasvanej, vo'ot Xnich'onot li Diose. Vo'ot ti cha'och ta ajvalilal li' ta stojol israeletique —xut.

Apocalipsis 11:15

Li svucubal j'almantale la sjupan ec li yoq'uese. C'alal la sjupane, oy boch'otic tsots ic'opojic ta vinajel. Jech laj yalic: “Li yabtel ajvaliletic li' ta banamile ja' xa i'och ta sventainel stuc li Cajvaltique, ja' li Cristoe. Ja' xa tspas mantal stuc sbatel osil”, xiic.

Apocalipsis 17:1

Ital sc'opanun jun li vucub j'almantaletic yich'oj jujun stazaique, jech laj yalbun: “La', chacac'bot avil c'u x'elan tstoj smul li me' jmulavil ants te chotol ta sba epal vo'e.

Apocalipsis 17:15

Jech laj yalbun noxtoc: “Li epal vo' yo' bu chotol jmulavil ants laj avile ja' senyail epal cristianoetic ta jujun lum, ta jujun banamil, xchi'uc ta jujuchop c'op.

Apocalipsis 19:16

Ts'ibabil sbi ta snatil c'u' xchi'uc ta yo', jech chal: “Ja' muc'ta Ajvalil yu'un scotol muc'tic ajvaliletic; ja' Jpasmantal yu'un scotol jpasmantaletic”, xi ts'ibabil.