Números 24:6 - Bible in Tzotzil de Chenalhó with Deuterocanon

⁶ Lec nat chololic jech chac c'u cha'al lec xcholet yanal xan, jech chac c'u cha'al nichimetic ts'unbil ta ti' uc'um, jech chac c'u cha'al aloeetic ti ts'unbil yu'un Muc'ul Diose. Xco'laj xchi'uc ch'ut te'etic ch'iemic ta ti'vo'.

Bible in Tzotzil de Chamula

⁶ Yu'un co'ol s'elan xan ti jilil ta q'uelel xbate, yu'un co'ol s'elan jun yavil nichim ti oy ta ti' uc'ume, yu'un co'ol s'elan smomolal poxil ti ts'unbil yu'un ti Diose, yu'un co'ol s'elan junuc ch'ut te' ti teq'uel ta ti' vo'e.

Números 24:6 Iomraidhean Croise

Génesis 13:10

Li Lote la sq'uel batel li stenlejaltic ta ti' uc'um Jordán xchi'uc c'alal to ta biq'uit lum Zoare. Te ta stenlejaltique oy ep vo'etic. Toj lec yox jech chac c'u cha'al ts'unubaltic yu'un Muc'ul Dios., Jutuc mu co'oluc jech chac c'u cha'al Egipto. Ja' to'ox jech x'elan ti c'alal mu'yuc to'ox ta xules Muc'ul Dios li lum Sodoma xchi'uc Gomorrae.

Salmos 1:3

Li boch'o jech yo'ntone ja' co'ol jech chac c'u cha'al jpets te' ts'unbil ta ti' uc'um, ti lec chac' sat c'alal yorail tsatine, ti mu xlilij li yanale. Scotol li c'usi tspase lec chbat yu'un scotol.

Salmos 104:16

Li te'etique tsta lec ya'lelic, ja' li ch'ut te'etic te ta Líbano ti la sts'un Muc'ul Diose.

Salmos 45:8

Li ac'u' apoq'ue lec xa ac'bil muil poxil, ja' li mirra, áloe, xchi'uc casiae. Chastoyicot lec ta sonetic te ta apasubmantal ti pasbil ta sts'uts'up tsemene.

Cantares 6:11

Te libat ta nogaltic, bat jq'uel c'usitic lec ch'iem te ta stenlejaltic; bat jq'uel me ta xch'ian tal ts'usubetic, xchi'uc me ta xa xnichinan caranatoetic.

Isaías 41:19

Ta jts'un lec ch'ut te'etic ta xocol banamil, xchi'uc acacia te'etic, arrayán te'etic, xchi'uc olivaetic. Ta xcac' ch'iuc lec nuculpat tojetic ti bu toj taquin li banamile, xchi'uc ta xcac' ch'iuc c'uc'tojetic capal ta yantic lequil te'etic.

Isaías 58:11

Vu'un ta jchabioxuc, ta jtojobtasoxuc scotol c'ac'al; ac'o me te oyoxuc ta taqui banamil, vu'un ta xcac'boxuc ave'elic; ta xcac'boxuc lec stsatsal abec'tal xchi'uc abaquilic. Ja' jech chac'otic jech chac c'u cha'al ts'unubaltic ti lec chich' at'esele, jech chac c'u cha'al nio' ti mu sna' x'ul o ya'lele.

Jeremías 17:18

Ja' q'uexlaltaso li boch'otic chiscontrainune; mu me vu'cun xaq'uexlaltasun. Mu me vu'cun xixi', ja' ac'o xi'icuc. Ja' xavac'be tsots svocolic; ac'o lajicuc o ta muc'ta vocolajel.

Jeremías 31:12

“Ta xtalic, xcuxet no'ox yo'nton chlic q'uejinicuc te ta toyol vits Sión; ja' snutsojic tal c'usi lec chac' li Muc'ul Diose: ja' li trigo, li ya'lel ts'usub, li aceite, li chijetic, xchi'uc li vacaxetique. Ja' jech chc'otic jech chac c'u cha'al ts'unubaltic ti lec at'esbile, jech mu'yuc xa cha'ay svocolic o.

Ezequiel 47:12

Ta xcha'jotal sti' li uc'ume ta xch'i ep ta chop jsatinom te'etic. Mu'yuc ta xlilij o yanal; mu'yuc ta xlaj yo'nton o ta satinel. Ta jujun u chyijub li sate, yu'un lec ch-ach' ta sventa li vo' chloc' tal ta ch'ulnae. Li sate ja' sventa chich' lo'el; li yanale ja' chtun ta sventa poxil”, xiyutun.

Joel 3:18

Me la sta li sc'ac'alil le'e, te xa no'ox ta xloc' ta vitsetic li ya'lel ts'usube, te xa no'ox ta xloc' ta bic'tal vitsetic li ya'lel xchu' vacaxe. Scotol li bebevo'tic ta Judae chlic xanovuc lec ya'lel. Jech noxtoc ta xlic loc'uc jun nio' ta xch'ulna li Muc'ul Diose, ja' ta xat'es li soplejaltic Sitime.

Números 24:5

Jacob, toj c'upilic sba li acarpanae; Israel, toj c'upil sba li yav acarpanae.