Números 24:18 - Bible in Tzotzil de Chenalhó with Deuterocanon

¹⁸ Ta stsal li Edome; ta xlic ochuc ta sc'ob li Seire, ja' li yajcontrae. Li Israele ta spas c'usi toj tsotsic ta pasel.

Bible in Tzotzil de Chamula

¹⁸ Ta stsal ti Edome, ta xu'nin xtoc ti Seir ti ja' yajcontrae. Yu'un muc'tic no'ox ta j'ech'el ti c'usitic ta xc'ot ta pasel yu'un ti Israele.

Números 24:18 Iomraidhean Croise

Génesis 27:29

Ac'o yac' sba ta mozoinel avu'un li cristianoetique. Ac'o squejan sbaic ta atojol li cristianoetic ta muc'tic lumetique. Vo'ot chlic aventain atuc li achi'iltaque. Ac'o squejan sbaic ta atojol. Li boch'o ta scontrainote ac'o ac'batuc stoj smul; yan li boch'o lec chayilote ac'o ac'batuc bendición”,, xut.

Génesis 27:40

Tsc'an chapoj aba ta avespada, xchi'uc noxtoc ja' chasmozoinot li avits'ine. Pero c'alal me laj ata lec atsatsale, xu' chacolta aba loq'uel ta sc'ob”,, xut.

Génesis 32:3

Li Jacobe la stac jelovel j'almantaletic yu'un ta Seir ta yosilal li edometique. Yu'un cac bat yalbeic Esaú ti te xa chc'ot li Jacobe.

2 Samuel 8:14

Ts'acal lic yac'an soldadoetic ta scotol Edom, jech icom o ta sc'ob scotol li edometique. Li Davide i'ac'bat spas canal yu'un Muc'ul Dios ti buyuc no'ox ibate.

1 Reyes 11:14

Li Muc'ul Diose laj yac' licuc jun yajcontra li Salomone, Hadad sbi, ja' Edom vinic; ja' bats'i sts'unubal ajvalil ta Edom.

1 Reyes 11:15

C'alal te i'ay ta Edom li Davide, li Joab, ja' li banquilal soldado yu'une, batem smuc li boch'o la smilique, li Davide te to la smil li edometique.

Salmos 60:1

Dios cu'un, laj xa abajuncutic, laj xa acomtsanuncutic; la'ilin xa ta jtojolcutic. La' me, sutan tal yan velta ta jtojolcutic.

Isaías 34:5

Li yespada Muc'ul Diose chapal xa te ta vinajel; q'uelavilic ja' te chyal batel ta stojol li Edome, ja' li jun lum ti chapanbil xa chich' ulesel oe.

Isaías 63:1

—¿Boch'o ti le' chlic tal ta Bosra, ja' li muc'ta lum yu'un Edom ti tsoj sc'u' slapoj tale, xchi'uc ti xleblajet no'ox tal li sc'u' spoq'ue, ti ep stsatsal xchi'uc svu'ele? —Ja' vu'un ti tuc' chichapanvane, ti xu' cu'un chicoltavane.

Amós 9:11

“Me la sta sc'ac'alile, ta xlic jcha'meltsanbe li sna David ti bu soquemique. Ta jmacan ti bu jamajtique, ta jcha'pac'an ti bu t'olemique. Ja' jech ta jpas jech chac c'u cha'al pasbil ono'ox ta vo'onee.

Amós 9:12

Yu'un jech li boch'otic yich'ojicun ono'ox ta muq'ue, xu' chlic sventainic yan velta li edometic ti c'u to yepal cuxul comenique xchi'uc li yantic banamile. Vu'un jtuc ta xcac' c'otuc ta pasel jech”, xi li Muc'ul Diose.

Abdías 1:2

“A'yo ava'ay, biq'uit chacom cu'un ta scotol li yantic banamile; solel ta jbic'tajesot o ta j'ech'el.

Números 20:18

Pero li ajvalil ta Edome jech laj yal: —Mu'yuc chcac' jelovanic batel ta cosilal. Me jech chapasique, ta xbat jmilotcutic jchi'uc cajsoldadotac —xi.

Números 24:19

Ta to xloc' jun muc'ta jtsalvanej ta stojol li Jacobe. Ja' ta slajes scotol li boch'otic chcomic to te ta lumetique”, xi ic'opoj li Balaame.