Números 24:17 - Bible in Tzotzil de Chenalhó with Deuterocanon

¹⁷ Ta xquil c'usi ta to xc'ot ta pasel; ta jna' c'usi ta to xtal ta ts'acal. Ta to xloc' jun muc'ta c'anal ta stojol Jacob; jun muc'ta ajvalil ta xlic ta stojol Israel. Ja' ta xvoch'be sjol li Moabe; ta xulesbe scotol li smomnich'nabtac Sete.

Bible in Tzotzil de Chamula

¹⁷ Ta xquil ti oy c'usi ta xc'ot ta pasel le' to ech'ele, ti nom to xvayet ta q'uelel ti xi s'elan ta xc'ot ta pasele: Yu'un co'ol s'elan jbej c'anal ta xloc' talel ta stojol ti Jacobe, ti ta xc'ot ta ajvalil yu'un ti Israele. Ta xpech'be ta teq'uel sjol ti Moabe; ta xpech' ta teq'uel scotol snitilultac ti Sete.

Números 24:17 Iomraidhean Croise

Génesis 49:10

Judá, mu'yuc boch'o xu' tspojbot li avu'el avich'oje; mu'yuc boch'o xu' tspojbot li avastone; ja' to me ital stuc li yajval vastone, ja' li boch'o ch'unbil smantal yu'un scotol cristianoetic ta jujun banamile.

2 Samuel 8:14

Ts'acal lic yac'an soldadoetic ta scotol Edom, jech icom o ta sc'ob scotol li edometique. Li Davide i'ac'bat spas canal yu'un Muc'ul Dios ti buyuc no'ox ibate.

2 Samuel 8:2

Jech noxtoc la stsal li moabetique, lic sbisan ta jich'il ch'ojon. Laj yalbe ti ac'o slaman sbaic ta lumtic scotolique. Oy la sbis batel chib ch'ojon. Oy jun ch'ojon no'ox la sbis batel. Li boch'o icomic ta yut li chib ch'ojone ja' laj yich'ic milel. Li boch'otic icomic ta yut li jun ch'ojone ja' cuxul icomic. Ja' jech icomic o ta sc'ob David li moabetique; te la stoj spatanic.

2 Reyes 3:5

Pero c'alal icham li Acabe, li ajvalil ta Moabe lic scontrain li ajvalil ta Israele.

1 Crónicas 18:2

Jech noxtoc la stsal li moabetique, jech te icomic o ta sc'ob li Davide; te la stoj spatanic.

Salmos 110:2

Li Muc'ul Diose te ta Sión chayac'bot avaston sventa chavich' lec muc' avabtel, ja' yu'un paso me mantal ta stojol li avajcontrataque.

Salmos 45:6

Muc'ul ajvalil, li avabtel sventa ajvalilale ja' sventa sbatel osil; li avaston avich'oje ja' sventa tuq'uil chapanel.

Isaías 15:1

Laj yich' albel sc'oplal c'usi chc'ot ta pasel ta stojol li Moabe: Ta yac'ubalil c'alal chich' jinesel li lum Are, te chich' jinesel o li Moabe; ta yac'ubalil c'alal chich' jinesel li lum Kire, te ch-och yajval o ta ulesel li Moabe.

Isaías 9:7

Li yabtel ta muc'ta ajvalilale, xchi'uc ti chac' jun o'ntonale mu'yuc spajeb o. Ja' chlic chotluc ta xchotleb li ajvalil Davide; ja' chlic sventain scotol. J'ech'el lec nacal chcom o, tsmeltsan lec scotol; chchapan lec, tstuq'uibtas lec, jech tspas li' ta ora xchi'uc c'alal to ta sbatel osil. Ja' jech tspas ta sventa ti bats'i lec yo'nton li Muc'ul Dios ti tspas ta mantal scotol te ta vinajele.

Jeremías 48:1

Li Muc'ul Dios ti tspas ta mantal scotol te ta vinajele, jech chal ta sventa li Moabe: “¡Ay, lum Nebo, ijin xa o; iyal xa o ta q'uexlal! Li Quiriataime i'och xa o ta c'abal. Li tsatsal coralton yu'une ijin yalel o c'alal ta banamil.

Jeremías 48:45

“Li boch'otic chjatovic batele, ch-alubic, te chlic snac' sbaic ta xyaxinal lum Hesbón. Pero chloc' c'oc' noxtoc te ta Hesbón, natic yat c'oc' chloc' te ta slumal li ajvalil Sehone, jech ta xchic' scotol li vitsetic yu'un Moab, ja' li jsa'c'op lume.

Zacarías 10:4

Te ta xloc' ta stojolic li ton chtun ta sventa chiquin nae, xchi'uc li lucaxte' sventa chich' nituel o carpanae. Te ta xloc' ta stojolic li flecha sventa pasc'ope; te ta xloc' ta stojolic scotol li banquilaletique.

Zacarías 12:10

“Li smomnich'nab David xchi'uc li jnaclumetic ta Jerusalene ta xcac'be ta yo'ntonic ti tstaic c'uxubinele, xchi'uc ti chisc'opanicune. Ta to xilic li boch'o xenbil xocon yu'unique. Ta to xlic yoc'taic jech chac c'u cha'al ch-oc' boch'o chcham xnich'on ti c'ajumal jun xnich'one. Ta xlic yat yo'ntonic jech chac c'u cha'al li boch'o chcham sba xnich'one.

Números 21:29

Toj abul aba, Moab. Xnich'nabtac dios, Quemós, ch'ayemoxuc xa o. Li Quemose laj yac' ti ac'o jatovicuc batel li avinictaque. Xchi'uc laj yac' ti ac'o ochicuc ta sc'ob ajvalil Sehón li antsetic avu'une.

Números 24:16

C'alal ja'o yalem ta lum yu'un cha'ay c'usi ch-albat yu'un Diose, lec chajal ta sba ta sat scotol, chil scotol jech chac c'u cha'al yiloj scotol li Boch'o te oy ta vinajele. Ta xich' tal a'yejetic xchi'uc oy c'usi ch-ac'bat yil yu'un li Muc'ul Dios ti ech'em stsatsale.

San Lucas 1:78

Yu'un toj ep c'uxutic ta yo'nton li Dios cu'untique, ja' yu'un ivul ta jtojoltic jun xojobal ach' c'ac'al ta toyol.

Hebreos 1:8

Yan li Xnich'on Diose jech ts'ibabil sc'oplal: “Dios cu'un, li avabtel sventa ajvalilale ja' sventa sbatel osil. Li avaston avich'oje ja' vaston sventa tuq'uil chapanel.

Hebreos 7:14

Yu'un vinajem lec sc'oplal ti liquem ta jchop yu'un Judá li Cajvaltique. Mu'yuc albil sc'oplal yu'un Moisés me oy ch-ochic ta paleal li stuquique.

2 Pedro 1:19

Jech ta jna'tic o ti ja' melel c'usi laj yalic comel li yaj'alc'optac Dios ta vo'onee. Jech tsc'an j'ech'el ac'o ach'unic o ta scotol avo'ntonic. Yu'un ja' chtun cu'untic jech chac c'u cha'al candil ti tsacubtas li ic' osil c'alal to tsacub osile, xchi'uc c'alal to chloc' tal li muc'ta c'anal sventa chac' xojobal ta avo'ntonique.

Judas 1:11

Toj ven abul sbaic. Ja' stamojbeic batel sbe li Caine. Solel ich'ayic o ta be ta scoj taq'uin jech chac c'u cha'al li Balaame. Ich'ayic o batel ta scoj stoyobbailic jech chac c'u cha'al li Coree.

Apocalipsis 1:7

A'yo ava'yic, li Cristoe ta xyal tal ta toc. Scotol cristianoetic ta xil ta satic, xchi'uc ta xilic ec li boch'otic la smilique. Scotol jnaclumetic ta banamil ta x'oq'uic yu'un. Ta melel jech chc'ot ta pasel. Jechuc.

Apocalipsis 11:15

Li svucubal j'almantale la sjupan ec li yoq'uese. C'alal la sjupane, oy boch'otic tsots ic'opojic ta vinajel. Jech laj yalic: “Li yabtel ajvaliletic li' ta banamile ja' xa i'och ta sventainel stuc li Cajvaltique, ja' li Cristoe. Ja' xa tspas mantal stuc sbatel osil”, xiic.

Apocalipsis 22:16

“Vu'un Jesusun, vu'un la jtac tal caj'almantal, yu'un ja' chac'be sna' jujutsob jch'unolajel li c'usitic chc'ot ta pasele. Vu'un smomnich'onun li Davide. Ja' jechun jech chac c'u cha'al muc'ta c'anal ti xojoban ta po'ot sacubbale”, xiyutun li Jesuse.

1 Samuel 14:38

Li Saule jech laj yal noxtoc: —Vo'oxuc li banquilaloxuc yu'un jchi'iltactique nopajanic tal li'i, yu'un ac'o avilic boch'o oy smul tana.