Números 24:14 - Bible in Tzotzil de Chenalhó with Deuterocanon

¹⁴ Lec oy, xu' chisut batel ta jlumal. Pero c'alal mu'yuc to chisut batele, chacalbot comel ava'ay c'usi ta to spasbe alumal li jun lum israeletic le'e —xi.

Bible in Tzotzil de Chamula

¹⁴ Ta xca'ibe xchiquinal, ta xisut ech'el ta jlumal. C'alal mu to ta xiloc' batel li'e, ta xcalbot ava'i sc'oplal ti c'usi ta spas ti jteclum le'e xchi'uc ti ateclumal le' ech'ele.

Números 24:14 Iomraidhean Croise

Génesis 49:1

Li Jacobe laj yic' scotol li xnich'nabe jech laj yalbe: “Nopajanic tal yu'un chacalboxuc ava'yic c'usi chc'ot ta pasel ta atojolic ta ts'acal”, xi. Ja' yu'un li Jacobe jech lic yal ta stojol li xnich'nabe:

Isaías 24:22

Jmoj ta stsob scotol, tstic' ta chuquel te ta yavil ich'ub-o'ntonal; te chucul, te macal chcomic o. C'alal me i'ech' ep c'ac'ale, ja'o chlic yac'be stoj li smulique.

Jeremías 48:47

Pero ta to xquic' sutel tal ta ts'acal li moabetic ti bu chucbilic batele”, xi li Muc'ul Diose. Ja' jech yepal ch-ac'bat stoj smul yu'un Dios li Moabe.

Jeremías 49:39

Pero ta ts'acal, ta to xlic quiq'uic sutel tal te ta Elam li boch'o chucbil ibatique”, xi li Muc'ul Diose.

Daniel 10:14

Jech lital, yu'un tal calbot ava'ay c'usi ta xc'ot ta pasel ta ts'acal ta stojol li achi'iltaque, yu'un li c'usi chavile ts'acal to ta xc'ot ta pasel’, xiyutun.

Daniel 2:28

Pero oy jun Dios te ta vinajel, ja' xu' yu'un tsvinajes li c'usitic mucule. Ja' tsc'an chac'bot ana' li c'usi ta to xc'ot ta pasel ta atojol ta ts'acal, vo'ot li ajvalilote. Li c'usi laj avil ta avayeche, li c'usi laj avil ta ach'ulele, ja' jech chac li'i:

Oseas 3:5

Ts'acal to ja'o chlic sutes yo'ntonic, chlic sa'ic li Muc'ul Dios yu'unique, chlic sa'ic li smomnich'on Davide, ti ja' ajvalil yu'unique. Ta slajebtic batel c'ac'ale ta xlic yich'ic ta muc' li Muc'ul Diose, jech ta xich'ic scotol li c'usitic ac'bilic yu'une.

Miqueas 6:5

Jteclumal, na'ic me c'usi la xchapan ta aventaic li ajvalil Balac ta Moabe, xchi'uc c'usi stac'ubil laj yal li Balaam xnich'on Beore. Jech noxtoc na'ic me c'u x'elan ti c'alal lajelovic tal ta Sitim xchi'uc ta Gilgale, yu'un jech ac'o ana'ic ti tsotsic c'usitic la jpas ta atojolic, vu'un li Muc'ul Diosune”, xi.

Números 24:17

Ta xquil c'usi ta to xc'ot ta pasel; ta jna' c'usi ta to xtal ta ts'acal. Ta to xloc' jun muc'ta c'anal ta stojol Jacob; jun muc'ta ajvalil ta xlic ta stojol Israel. Ja' ta xvoch'be sjol li Moabe; ta xulesbe scotol li smomnich'nabtac Sete.

Números 24:25

C'alal laj yal jech li Balaame, la stam batel sbe; isut batel ta sna. Jech li Balaque isut batel ec.

Hechos 2:17

‘Jech chal li Diose: C'alal po'ot xa slajebal c'ac'ale, ta xcac' Espíritu cu'un ta stojol scotol cristianoetic. Jech li querem, tsebetic avu'unique chlic c'opojicuc ta jventa. Li sva'lej aqueremique oy c'usi ta xcac'be yil ta xch'ulelic. Li moletic avu'unique oy c'usi ta xcac'be yil ta xvayechic.

2 Timoteo 3:1

Yu'un tsc'an chana' ti c'alal po'ot xa slajebal c'ac'ale ta to xlic tsots vocol.

Josué 13:22

Li israeletique te capal la smilic ta espada ec li Balaam xnich'on Beore, ja' li jtuch' orae.

Apocalipsis 2:10

Mu me xaxi'ic yu'un li vocol chtal ta atojolique. A'yo ava'yic, li pucuje ta stic'oxuc jayibuc ta chuquel, yu'un ta sq'uelboxuc avo'ntonic. Chavich'ic tsots vocol lajunebuc c'ac'al. Junuc me avo'ntonic ta jtojol ac'o me te chachamic o, jech chacac'boxuc acoronaic sventa cuxlejal sbatel osil.

Apocalipsis 2:14

Pero oy to jutuc c'usi chopol chapasic chquil. Yu'un te achi'uquic li boch'otic jech chchanubtasvanic jech chac c'u cha'al li Balaame. Ja' ti la xchanubtas ajvalil Balac ta vo'one c'u x'elan xu' chyalic ta lum li israeletique, yu'un jech xu' chlic sti'ic li milbil matanal ta sventa c'usitic cuybilic ta Diose, xchi'uc jech xu' chlic mulivajicuc.