Números 24:1 - Bible in Tzotzil de Chenalhó with Deuterocanon

¹ Ta sventa laj xa yil Balaam ti ac'bilic bendición yu'un Muc'ul Dios li israeletique, jech muc xa xbat xch'am tal ta stojol Dios c'usi chal jech chac c'u cha'al la spas ono'oxe. Ja' xa no'ox te laj yac' batel sat ta xocol banamil.

Bible in Tzotzil de Chamula

¹ Ti c'alal laj yil ti Balaam ti lec ta xa'i ti Dios ti ta sva'an sba ta stojol ti Israele, mi ja'uc xa bat yich'be talel ye ti Ajvalil jech c'u cha'al laj spasolan talele. Yu'un c'ajomal no'ox laj sq'uel batel ti sbajtical banomile.

Números 24:1 Iomraidhean Croise

Números 22:13

C'alal isacub ta yoc'omale, li Balaame sob ilic, jech laj yalbe li banquilaletic ti tacbilic tal yu'un Balaque: —Sutanic batel ta avosilalic. Li Muc'ul Diose mu sc'an ti chbat jchi'inoxuque —xut.

Números 22:7

Li banquilaletic yu'un Moab xchi'uc Madiane ibatic. Yich'ojic batel lec staq'uinic sventa stojol li c'usi chopol chbat sc'anique. C'alal ic'otic ta stojol li Balaame, c'ot yalbeic jech chac c'u cha'al laj yal batel li ajvalil Balaque.

Números 23:15

Li Balaame jech laj yalbe li Balaque: —Coman li' yo' bu la jmilbetic smoton Diose. Li vu'une chbat jta ta c'opanel li Diose —xi.

Números 23:20

Li vu'une quich'oj cabtel sventa ta jc'anbe bendición ta stojolic. Me jech yo'nton stuc Dios chac'be bendicione, li vu'une mu xu' ta jmac ta be.

Números 23:23

Li Jacobe mu stac' uts'intael. Li j'ac'chameletique mu'yuc c'usi xu' yu'un tspasbeic li Israele. Li' ta orae ja' tsc'an jech chich' albel li Israele: ‘Toj ep spasoj sq'uelubil stsatsal ta atojolic li Diose’, sc'an xi sc'oplal.

Números 23:28

Jech li Balaque laj yic' batel ta jolvits Peor li Balaame, ja' te yo' bu lec xvinaj li xocol banamile.

Números 23:3

Li Balaame jech laj yalbe li Balaque: —Coman li' yo' bu la jmilbetic smoton Diose. Li vu'une, chbat jq'uel me chtal sc'opanun li Muc'ul Diose. Me oy c'usi chiyalbune, te chacalbot ava'ay —xut. Li Balaame ibat ta jun vits ti lec ta jamalaltic oye.

Números 23:30

Li Balaque la spas jech chac c'u cha'al i'albat yu'un li Balaame. La smil jujucot vacax xchi'uc jujucot chij ta jujun li scajleb smoton Diose.

Números 31:16

Yu'un li antsetic le'e ja' la xch'unbeic c'usi laj yal li Balaame, jech la slo'laic batel li jchi'iltactique. Jech la sbajbeic o smantal li Muc'ul Diose yu'un ja' bat yich'ic ta muc' li Baal-peore. Ja' yu'un li Muc'ul Diose laj yac' tal tsots vocol; la stac tal jun tsatsal chamel ta stojol li jchi'iltactique.

Apocalipsis 2:14

Pero oy to jutuc c'usi chopol chapasic chquil. Yu'un te achi'uquic li boch'otic jech chchanubtasvanic jech chac c'u cha'al li Balaame. Ja' ti la xchanubtas ajvalil Balac ta vo'one c'u x'elan xu' chyalic ta lum li israeletique, yu'un jech xu' chlic sti'ic li milbil matanal ta sventa c'usitic cuybilic ta Diose, xchi'uc jech xu' chlic mulivajicuc.

1 Samuel 24:20

Li' ta orae laj xa jna' ti vo'ot chlic ochan ta ajvalilale, xchi'uc ti vo'ot ta aventa lec chbat scotol li jchi'iltactic ta israelale.

1 Samuel 26:2

Ja' yu'un li Saule ibat ta xocol banamil ta Sif. La xchi'in batel oxmil (3,000) israeletic ti lec xchanojic pleitoe, bat st'unic li Davide.

1 Samuel 26:25

Li Saule jech laj yal noxtoc: —David, ac'o yac'bot bendición li Diose. Xana' spasel li c'usi toj tsotsic ta pasele; lec chbat avu'un scotol —xi. C'alal ilaj yo'ntonique, li Davide la stam batel sbe; jech ec li Saule isut batel ta sna.