Números 23:9 - Bible in Tzotzil de Chenalhó with Deuterocanon

⁹ Li' ta toyol ch'entic lec xquil batel; li' ta toyol vitsetic ta jq'uel batel. Ja' jun lum ti voc'bilique; mu xco'laj xchi'uc yantic lumetic.

Bible in Tzotzil de Chamula

⁹ Ti li' to ta toyol tontique, quilojic lec batel. Yu'un ti li' to ta stselejale, xi s'elan xvinajic ta q'uelel batele: yu'un ja' jun jteclum yan ti c'u s'elan cuxulique, ti mu xco'olaj xchi'uc ti yan lumetique.

Números 23:9 Iomraidhean Croise

Esdras 9:2

Yu'un laj yic'beic stsebic, xchi'uc laj yac'beic yic' squeremic noxtoc. Ja' yu'un li steclumal Diose laj xa scap sbaic xchi'uc li yantic lumetique. Li boch'otic ba'yuc la spasic li muliletic le'e ja' li banquilaletic xchi'uc jpasmantaletique”, xiyuticun.

Ester 3:8

Li Amane jech laj yalbe li ajvalil Asueroe: —Oy jun lum ta scotol li lumetic c'u smuc'ul aventainoje, voc'ol no'ox yac'oj sba, mu xich' ta muc' li mantaletic avu'une xchi'uc toj yan o li mantaletic yu'unique; mu xco'laj xchi'uc li mantal yu'unic yantic lumetique. Ajvalil, mu'yuc stu avu'un me li' no'ox nacalic li jun lum le'e.

Éxodo 33:16

Yu'un me mu'yuc chbat achi'inuncutique, ¿c'u x'elan xu' chich' na'el ti lec ac'anojuncutic xchi'uc li jchi'iltaque? Pero me chachi'inuncutic batele, ja' svinajeb ti voc'biluncutic avu'un ta stojol li yantic lumetic li' ta sba banamile —xut.

Jeremías 46:28

Smomnich'nab cajtunel Jacob, mu xaxi', yu'un li' jchi'inojot. Ta xcules scotol li yantic lum ti bu la jpucoxuc batele; Yan li vo'oxuque mu'yuc chaculesoxuc. Lec tuc' ta jtaq'uioxuc; mu xu' ti colem chacomic, ti mu'yuc chacac'boxuc atoj amulique”, xi li Muc'ul Diose.

Jeremías 49:31

Vu'un li Muc'ul Diosune jech chcal: Batanic, bat contrainic li jun lum ti mu'yuc xi'el cha'ay, ti mu c'usi xtal ta yo'ntone. Mu'yuc smac li ti'coralton yu'une, mu'yuc sbajubil, xchi'uc stuc oy noxtoc.

Amós 9:9

Ta xcal mantal ti ac'o yich' chichinel li smomnich'nab Israel jech chac c'u cha'al chich' chichinel yi'e. Li slequile chich' puquel batel ta yantic banamil; yan li xchopolile chich' ch'ayel o.

Miqueas 7:14

Dios cu'un, chabio me lec li ateclumale, maco me lec ta ate' li achijtaque; yu'un stuc no'ox te nacalic ta toyolaltic, li yaxal banamil ta spat xocone yantic boch'otic te nacalic. Ac'o sa' sve'elic ta Basán xchi'uc ta Galaad, jech chac c'u cha'al laj ono'ox apasbeic ta vo'onee.

2 Corintios 6:17

Jech yaloj noxtoc: “Loc'anic me ta stojolic, voc'o abaic loq'uel; mu me xapiquic li c'usi toj chopole, jech chaquic'oxuc ta jtojol.

Deuteronomio 32:8

Li Boch'o oy ta vinajele, oy jun velta jech la spas. Laj yac' nacluc ta jujun banamil li cristianoetique. Laj yac'be yil bu c'alal sts'aquil li yosilique; pero mu'yuc xch'ayoj ta yo'nton li israeletique.

Deuteronomio 33:28

Li Israele jun yo'nton ta xnaquiic. Li smomnich'nabtaque mu'yuc pleito cha'yic ti c'u sjalil cuxulique. Te ta yosilique, chloc' ep trigoetic xchi'uc ts'usubetic. Scotol ora lec chc'ot vo' ta stojolic; mu'yuc c'usi sc'an cha'yic.

SUN TITO 2:14

Ja' ti laj yac' sba ta milel ta jcojtic, yu'un jech la spojutic loq'uel ta sventa c'usitic chopole, xchi'uc ti la slecubtasutic sventa chijyu'uninutique, xchi'uc ti jutebuc co'ntontic ac'o jpastic c'usi leque.

1 Pedro 2:9

Pero li vo'oxuque sts'unubaloxuc xa li boch'o t'ujbil yu'un Diose, bats'i pale xa c'otemoxuc ta stojol Dios, ch'ul muc'ta lum xa c'otemoxuc, yu'uninojoxuc xa li Diose. Yu'un jech ac'o apucbeic batel li c'usitic toj lec la spas Diose, ti laj yic'oxuc loq'uel ta ic'al osile, ti laj yac'oxuc ta sac osil ti toj jun yutsile.