Números 23:5 - Bible in Tzotzil de Chenalhó with Deuterocanon

⁵ Li Muc'ul Diose laj yac' ti ja' ac'o loc'uc ta ye Balaam li c'usi oy ta yo'nton Muc'ul Diose. Jech laj yalbe: —Sutan batel yo' bu oy li Balaque. Ja' no'ox xc'ot avalbe li c'usi laj calbote —xut.

Bible in Tzotzil de Chamula

⁵ Va'i un, ti Balaame ac'bat ta ye sti' yu'un Dios ti c'u s'elan ta sc'an alele, ti xi albate: —Sutan ech'el ti bu oy ti Balaque ti ja' no'ox jech xavalbe ya'i jech c'u cha'al laj cale.

Números 23:5 Iomraidhean Croise

Éxodo 4:15

Chi'ino ta lo'il; albo lec ya'ay scotol li c'usi tsc'an chale. Li vu'une te jchi'ucoxuc ti c'alal chalo'ilajique, xchi'uc vu'un chajchanubtasoxuc lec li c'usi tsc'an chapasique.

Proverbios 16:1

Li cristianoetique ja' tsnopic li c'usi tsc'an tspasique; pero ja' Muc'ul Dios chal me xu' chc'ot ta pasel.

Proverbios 16:9

Li cristianoetique ja' no'ox tsnopic li c'usi tspasique; ja' Muc'ul Dios tstuq'uibtas batel.

Isaías 51:16

Vu'un la jlich'an batel li vinajele; vu'un la jnacan lec li banamile. Vu'un laj cac'bot ta ave noxtoc li jc'ope; vu'un la jchabiot, la jventainot lec. Vu'un noxtoc ti jech laj calbe li Sione: ‘Vo'ot jlumalot’, xcut”, xi li Muc'ul Diose.

Isaías 59:21

Li Muc'ul Diose jech chal noxtoc: “Oy jun c'usi ta jchapan ta atojolic, jech chcalboxuc ta jamal: j'ech'el te chcom o ta atojolic sbatel osil li jtsatsal xchi'uc li chanubtasel cu'une. J'ech'el te chcom o ta stojol anich'nabic xchi'uc amomnich'nabic”, xi.

Jeremías 1:9

Li Muc'ul Diose la xbech sc'ob, la spicbun que, jech laj yalbun: “A'yo ava'ay, li' ta xcac' ta ave li jc'ope.

Números 22:20

Li Diose ta ac'ubaltic ital yac' sba ta ilel yan velta ta stojol li Balaame. Jech laj yalbe: —Ta sventa ti tal yic'oxuc yan velta li viniquetique, bat chi'ino. Pero ja' no'ox me xapas li c'usi chacalbote —xut.

Números 22:35

Pero li yaj'almantal Muc'ul Diose jech laj yal: —Xu' chbat achi'in li viniquetique, pero ja' no'ox xaval li c'usi chacalbote —xut. Jech li Balaame la xchi'in batel li banquilaletic ti tacbilic tal yu'un ajvalil Balaque.

Números 23:16

Li Muc'ul Diose ital sc'opan li Balaame. Ja' laj yac' loc'uc ta ye c'usi tsc'an stuc li Muc'ul Diose. Jech laj yalbe: —Sutan batel yo' bu oy li Balaque; ja' xc'ot avalbe li c'usi chacalbote —xut.

Números 23:4

Te ital c'opanatuc yu'un li Diose. Li Balaame jech laj yalbe li Diose: —Laj xa jmeltsan vucub scajleb amoton. Laj xa jmil jujucot vacax xchi'uc jujucot ch'ium chij ta jujun li scajleb amotone —xut.

Números 23:6

Jech isut batel yo' bu oy li Balaque xchi'uc li banquilaletic yu'un moabetic yo' bu la smilbeic smoton Diose.

San Lucas 12:12

Ja' Ch'ul Espíritu ta xac'boxuc ana'ic c'usi chavalic ti c'alal te xa oyoxuque”, xi li Jesuse.

San Juan 11:51

Pero muc teuc ivul ta sjol stuc ti jech laj yale. Yu'un ja'o ochem ta mero banquilal pale, ja' yu'un ich'amanbat ye yu'un Dios, yu'un ac'o yal ti ja' chcham ta sventa sjunul lum li Jesuse.

Deuteronomio 18:18

Ta xlic jt'ujbeic loq'uel ta stojolic jun j'alc'op jech chac c'u cha'al vo'ot. Ja' jun mero xchi'ilic ta jt'ujbeic. Ja' ta x'albatic yu'un li c'usi ta jc'an ta xcalbeique, xchi'uc ja' ta svulesbat ta sjolic li c'usi calojbeique.