Números 23:3 - Bible in Tzotzil de Chenalhó with Deuterocanon

³ Li Balaame jech laj yalbe li Balaque: —Coman li' yo' bu la jmilbetic smoton Diose. Li vu'une, chbat jq'uel me chtal sc'opanun li Muc'ul Diose. Me oy c'usi chiyalbune, te chacalbot ava'ay —xut. Li Balaame ibat ta jun vits ti lec ta jamalaltic oye.

Bible in Tzotzil de Chamula

³ Ts'acal to un, ti Balaame xi laj yalbe ya'i ti Balaque: —Coman li' ta sts'el ti c'usi laj yich' svocole. Ja'uc ti vu'une xbat jq'uel quic mi ta xtal snupun ta be ti Diose. Mi laj une, ta jcholbot ava'i ti c'u s'elan laj yalbun ca'i ti Diose. Jech ti Balaame bat ta stselejal sbajtical banomil ti sts'ijlajane,

Números 23:3 Iomraidhean Croise

Génesis 22:13

Li Abrahame ijoyij, ja' to laj yil oy jcot chij te ts'otol xulub ta ch'ixtic. Jech te bat yic' tal; ja' la xchic' ta smoton Dios ta sventa xq'uexol li xnich'one.

Génesis 22:2

Li Diose jech laj yal: —Ic'o batel li Isaac ti c'ajumal jun anich'one, ti lec c'ux ta avo'ntone. Batan achi'uc ta yosilal Moria. C'alal te xa oyote, te xamilbun jmotonin ta jolvits ti bu ta xcac'bot avile —x'utat.

Génesis 8:20

Li Noee te lic spasbe jun scajleb smoton li Muc'ul Diose yu'un chich' ta muc'. Te la stsac tal li lequil chonbolometic ti stac' ti'ele xchi'uc mutetic ti stac' ti'ele, jujucot ta jujuchop sts'unubal la stsac tal. Te la xchic' ta sventa smoton li Muc'ul Diose.

Éxodo 18:12

Li Jetroe la xchic'be jcot smoton li Diose yu'un laj yich' ta muc', xchi'uc laj yac' yantic matanaletic. Li Aarón xchi'uc banquilaletic yu'un israeletique te italic; co'ol la xchi'inic ta ve'el ta stojol Dios li smuni' Moisese.

Levítico 1:1

Li Muc'ul Diose la sc'opan li Moisés te ta ch'ulna pasbil ta nucule. Jech laj yalbe:

Números 23:12

Itac'ov li Balaame: —Laj caltic ti ja' no'ox xu' chcal c'usi chiyalbun li Muc'ul Diose —xut.

Números 23:15

Li Balaame jech laj yalbe li Balaque: —Coman li' yo' bu la jmilbetic smoton Diose. Li vu'une chbat jta ta c'opanel li Diose —xi.

Números 23:2

Li Balaque la xch'un c'usi laj yal li Balaame, jech xchibalic la smilic jcot vacax xchi'uc jcot ch'ium chij ta jujun li scajleb smoton Diose.

Números 23:26

Itac'ov li Balaame: —¿Me mu laj ono'ox calbot ti ja' no'ox xu' ta jpas c'usi chiyalbun li Muc'ul Diose? —xut.

Números 23:4

Te ital c'opanatuc yu'un li Diose. Li Balaame jech laj yalbe li Diose: —Laj xa jmeltsan vucub scajleb amoton. Laj xa jmil jujucot vacax xchi'uc jujucot ch'ium chij ta jujun li scajleb amotone —xut.

Números 24:1

Ta sventa laj xa yil Balaam ti ac'bilic bendición yu'un Muc'ul Dios li israeletique, jech muc xa xbat xch'am tal ta stojol Dios c'usi chal jech chac c'u cha'al la spas ono'oxe. Ja' xa no'ox te laj yac' batel sat ta xocol banamil.

San Mateo 4:8

Li pucuje laj yic' batel ta jun bats'i toyol vits noxtoc li Jesuse. Te laj yac'be yil scotol svu'elic li ajvaliletic li' ta banamile xchi'uc li slequilal yutsilalique.

Josué 24:10

Pero li vu'une muc xcac' spas jech li Balaame. Ja' no'ox laj cac' ti ac'o sc'anboxuc bendición ta atojolique, jech colem lacomic cu'un.