Números 23:21 - Bible in Tzotzil de Chenalhó with Deuterocanon

²¹ Mu'yuc boch'o yilojbe yepalc'opic xchi'uc xchopolilic li Israel xnich'nabtac Jacobe. Li Muc'ul Dios yu'unique, te oy ta stojolic. Li stuquique chich'ic ta muc' jech c'u cha'al jun ajvalil.

Bible in Tzotzil de Chamula

²¹ Yu'un mu'yuc ta xvinaj ti oy c'usi chopol ta snope, mi ja'uc ta xlo'lavanic ti israeletic ti ja' steclumal ti Jacobe. Yu'un chi'inbilic yu'un ti Ajvalile, ti ja' sDiosique, yu'un ta xalbeic sc'oplal ti ja' c'otem ta Ajvalil yu'unique.

Números 23:21 Iomraidhean Croise

2 Crónicas 13:12

Na'ic me, li' ta orae li' xchi'inojuncutic li Diose. Li paleetic yu'une chapalic xa sventa tsjupan yoq'uesic sventa chascontrainoxuc. A'yo me ava'yic israeletic, mu me xacontrainic li Muc'ul Dios, ja' li Dios yu'un jmoltot jyame'tic ta vo'onee, yu'un mu xcuch avu'unic”, xi li Abiase.

Salmos 103:12

Bats'i nom la sjip loq'uel ta stojol li jmultique, jech chac c'u cha'al nom xil sbaic li sloq'uem c'ac'al xchi'uc smaleb c'ac'ale.

Salmos 118:15

Li boch'otic tuc' yo'ntonique xcuxet no'ox yo'ntonic te ta snaic, yu'un ja' tspasic canal. Xvochetic no'ox ta sq'uejintael jech chac li'i: “Li svu'el Muc'ul Diose ja' ono'ox tspas canal.

Salmos 135:21

Ac'o albatuc slequilal yutsilal te ta Sión li Muc'ul Dios ti te nacal ta Jerusalene. Coliyal Dios.

Salmos 23:4

Ac'o me chixanov ta yolon pimil toyolal te'tic, mu'yuc c'usi ta jxi'be, yu'un te achi'inojun. Ja' jpatoj co'nton yu'un li anamte'e xchi'uc li xlucaxte'ile.

Salmos 32:2

Xcuxet no'ox yo'nton li boch'o mu'yuc lo'lavanej ta yo'ntone, xchi'uc ti mu x'ac'bat xcuch smul yu'un li Muc'ul Diose.

Salmos 32:5

Ja' yu'un laj calbot ta jamal li jmule; mu'yuc bu la jmuc ta co'nton li c'usi chopol jpasoje. Jech la jnop: “Ja' lec ta xcalbe ta jamal jmul li Muc'ul Diose”, xichi. Jech laj apasbun perdón, laj ach'aybun li jmule.

Salmos 46:11

Li Muc'ul Dios ti tspas ta mantal scotole li' oy ta jtojoltic; li Dios yu'un Jacobe ja' jchabivanej cu'untic.

Salmos 46:7

Li Muc'ul Dios ti tspas ta mantal scotole li' oy ta jtojoltic; li Dios yu'un Jacobe ja' jchabivanej cu'untic.

Salmos 97:1

Cuxetuc no'ox yo'nton sbejel li banamile; tse'inicuc no'ox li bic'tal banamil cacajtic ta nabe, yu'un ja' Ajvalil stuc li Muc'ul Diose.

Salmos 99:2

Li Muc'ul Diose ja' no'ox stuc ich'bil ta muc' te ta vits Sión; ja' cajal oy ta scotol li lumetique.

Éxodo 13:21

Li Muc'ul Diose ja' ba'yucbe ital yu'unic. Ta c'ac'altique laj yac' sba ta ilel ta jun toc, yu'un ja' tsbeiltasatic ti bu xu' chbatique. Yan ta ac'ubaltique, ta c'oc' laj yac' sba ta ilel yu'un jech chil sbeic. Ja' jech ivu' yu'un ixanovic ta c'ac'al ta ac'ubal.

Éxodo 3:12

Itac'ov li Diose: —Vu'un chajchi'inot. Li' chacalbot c'usi senyail ti vu'un chajtacot batele: c'alal loq'uem xa tal avu'un li jteclumale, acotolic li' chvul avich'icun ta muc' li' ta vitse —xi.

Éxodo 34:9

Jech laj yal: —Cajval, Cajval, me ta melel lec chavilune, bat chi'inuncutic jchi'uc li jchi'iltaque. Ac'o me toj tsots yo'ntonic ta melel li jchi'iltaque, pasbuncutic perdón li jmulcutique li jchopolilcutique. Ic'uncutic ta mero anich'on —xut.

Isaías 1:18

Jech chayalboxuc li Muc'ul Diose: “La'ic ta jtojol ta ora, la' caltic c'usi tsc'an pasel. Ac'o me bats'i cuxul tsoj li amulique, sac chcom jech chac c'u cha'al tayo; ac'o me ic'ic'tic xa sba stsajal, sac chcom jech chac c'u cha'al saquil tsots.

Isaías 12:6

Jnaclumetic ta Sión, cuxetuc avo'ntonic; q'uejinanic yu'un li Ch'ul Dios yu'un Israele, yu'un te oy ta atojolic xchi'uc li smuc'ule”, xachiic.

Isaías 33:21

Yu'un ja' tsventainutic o ta stsatsal stuc li Muc'ul Diose. Ja' jech chc'ot jech chac c'u cha'al uc'um, jech chac c'u cha'al stsatsal nab ti toj muq'ue, ti mu xu' yu'un chjelov tal li barcoe; ac'o me toj lec xu' yu'unic li yajval muc'tic barcoe, pero mu xtuch' yu'unic.

Isaías 33:22

Ja' ta xlic yochanuc li yaq'uiltac barcoe; mu'yuc tsinil chcom li sjoc'leb spoc'ale, jech mu xu' chich' lich'anbel lec li spoc'ale. Vu'utic ta xquich'betic li c'usitic oy yu'unique; c'alal ta ma'sat xu' tsta, c'alal ta coxoetic xu' tspoj. Yu'un ja' jchapanvanej cu'untic stuc li Muc'ul Diose; ja' tspas mantal stuc, ja' muc'ul ajvalil cu'untic; ja' stuc chiscoltautic.

Isaías 38:17

Li bats'i tsots jvocol le' olon tale, ic'ataj xa ta jun co'nton. Vo'ot laj acoltaun ta sventa lajel; laj avac' ta apat ta axocon li jmule.

Isaías 41:10

Ja' yu'un mu me xaxi', yu'un vu'un chajchi'inot; mu c'u xal avo'nton, yu'un vu'un Diosun avu'un. Vu'un chacac'bot atsatsal, vu'un chajcoltaot; vu'un chajtsacot lec ta jbats'ic'ob ti xu' yu'un tstsalvane.

Isaías 8:10

Chapanic li c'usi chanopique, te no'ox macal chc'ot ta be; sibtasvananic, mu xc'ot ta pasel, yu'un li' oy ta jtojolcutic li Diose.

Jeremías 50:20

Ta sc'ac'alil le'e ta to xich' t'unel me oy smul li Israele, pero mu'yuc xa chich' tael o. Ta xich' sa'el bu oy smul li Judae, pero mu xa xvinaj o. Yu'un ta jpasbeic perdón li boch'otic cuxul to chcomic cu'une”, xi li Muc'ul Diose.

Ezequiel 48:35

Ti c'u snatil ta set li coraltone ja' balunmil (9,000) metro ta scotol. Li lume ‘Li' oy li Muc'ul Diose’, xi sbi chc'ot”, xi li Muc'ul Diose.

Joel 2:27

Jech chlic ana'ic ti te oyun ta atojolic, vo'oxuc li israeloxuque, xchi'uc chlic avotquinic ti vu'un Muc'ul Diosun avu'unique, ti mu'yuc yane. Jech mu'yuc xa chayalic o ta q'uexlal yan velta, vo'oxuc li jteclumaloxuque.

Levítico 9:24

Itsan loq'uel c'oc' te ta stojol li Muc'ul Diose. La xchic' li matanal ti sc'oplal xa'ox chchiq'uique xchi'uc xepuetic te oy ta scajleb smoton Diose. C'alal laj yilic li israeletique, tsots i'avanic; xcuxet no'ox yo'ntonic, xchi'uc la squejan spatan sbaic ta banamil.

Números 14:18

ti muc ta aniluc cha'iline, ti toj ep slequil avo'ntone, ti chach'aybe ta avo'nton smulic li jpasmuliletique xchi'uc li boch'otic tstoy sbaic ta atojole. Ta jna' noxtoc ti ma'uc yu'un mu'yuc chavac'be o stoj smulic li boch'otic tsa' smulique. Ta ono'ox xavac'be stoj smulic, xchi'uc chavac'be xcuch c'alal to ta yoxc'olal xchanc'olal yalab xnich'nabic.

Números 14:19

Pero ta sventa ti toj ep slequil avo'ntone, pasbo perdón yu'un smulic li jchi'iltac li'i, yu'un lic ono'ox ats'icbe tal c'u x'elan stalelic te ta Egipto xchi'uc c'alal to li' yo' bu oyuncutique —xi li Moisese.

Números 16:3

Scotolic la stsob sbaic batel ta stojol li Moisés xchi'uc Aarone. Jech c'ot yalbeic: —Li' no'ox c'alal avabtelic li vo'oxuque. Scotol jchi'iltactic t'ujbilic yu'un Dios xu' chtunic yu'un, xchi'uc jcotoltic li' oy ta jtojoltic li Muc'ul Diose. ¿C'u yu'un ti toj muc' chavac' abaic xchi'uc avabtelic ta stojol li steclumal Diose? —xutic.

Números 9:22

Me chib c'ac'al, me jun u, o me jun jabil te chcom ta sba ch'ulna li toque, li israeletique te nacalic o; mu'yuc tstotsic batel. Ja' c'alal ta xlic xanovuc batel li toque, ja' to chlic xanovicuc batel ec.

San Mateo 1:23

“A'yo ava'yic, ta xlic xchi'in yol jun tojol tseb, ta svoq'ues jun querem; Emanuel ta xac'be sbi”, xi ono'ox. “Dios li' jchi'uctic”, xi smelol li sbie.

Romanos 6:14

Yu'un li mulile mu xa ja'uc chaspasoxuc ta mantal, yu'un mu'yucoxuc xa ta sventa mantal; ja' xa oyoxuc ta sventa slequil yo'nton li Diose.

Romanos 8:1

Ja' yu'un li' ta orae, mu'yuc xa sc'oplal chbatic ta tojob mulil li boch'otic oyic xa ta stojol Cristo Jesuse.

2 Corintios 2:14

Pero coliyal Dios ti scotol c'ac'al chac' jpascutic canal li Cristoe, jech buyuc no'ox chvinaj batel sc'oplal Cristo ta jventacutic, jech chac c'u cha'al smuil yic' pom ti buyuc no'ox xvinaj batele.

2 Corintios 5:19

Ja' ta sventa Cristo lic sco'lajes yo'nton xchi'uc cristianoetic li Diose. Mu xa ja'uc tst'ab ta yo'nton li jmultic jsa'ojtic ta stojole. Ja' yu'un laj yac'bun cabtelcutic xcholel ti ico'laj xa co'nton jchi'uctique.

2 Corintios 6:16

¿Me xu' jun xch'ulna xchi'uc Dios li loc'ometic ti cuybilic ta diose? Li vu'utique xch'ulna cuxul Dios c'otemutic, yu'un jech yaloj li Diose: “Te chinaqui o ta stojolic, te chixanov o jchi'uc. Vu'un Diosun yu'unic chic'ot; ja' jteclumal chc'otic o ec”, xi ono'ox.

Deuteronomio 31:23

Li Muc'ul Diose lic yalbe mantal noxtoc li Josué, ja' li xnich'on Nune, jech laj yalbe: “Tsotsan me, mu me xaxi'. Yu'un vo'ot chavic' ochel scotol achi'iltac ta israelal te ta banamil ti bu caloj ono'ox chcac'beique. Oyuc me stsatsal avo'nton, vu'un chajchi'inot”, xut.

Deuteronomio 32:5

“Chopol cristianoetic, bol cristianoetic, vo'oxuc ti laj avaq'uic ta na'leel li Diose, ‘mu snupin ti ja' xnich'nab Dios’, xi ac'oplalique.

Deuteronomio 33:5

Ja' no'ox stuc ajvalil te ta Jesurún, ti c'alal la stsob sbaic scotol li banquilaletic yu'unique, ti c'alal jmoj volol tsobolic scotol li jaychop israeletique.

Deuteronomio 9:24

Ta sliqueb c'alal lic jchi'inoxuc tale, mu'yuc ono'ox xquil ti lec jch'unej mantaloxuque. ¡Puru jbajmantaloxuc ono'ox ta stojol li Muc'ul Diose!

Jueces 6:13

Itac'ov li Gedeone: —Ay cajval, ti li'uc xchi'inojun li Muc'ul Dios chavale, ¿c'u yu'un toj ep chquich'cutic vocol ti jechuque? ¿Bu oy svu'el stsatsal li Diose? Li jmoltot jyame'cutic ta vo'onee jech ono'ox laj yalbuncutic: ‘Mu me xch'ay ta avo'ntonic ti ja' Muc'ul Dios la sloq'uesutic tal ta Egipto banamile’, xiyutuncutic. Pero tana li'i laj xa scomtsanuncutic li Muc'ul Diose; laj xa yac'uncutic ta sc'ob li madianetique —xut.

1 Samuel 25:28

Xchi'uc avocoluc pasbun perdón ec li vu'une. Ja' Muc'ul Dios chaxchi'inot xchi'uc li amomnich'nabtaque yu'un ja' ta sventa Muc'ul Dios ti chapas pleitoe. Ti jayib c'ac'al cuxulote, mu'yuc c'usi chopol chc'ot ta pasel ta atojol.