Números 23:19 - Bible in Tzotzil de Chenalhó with Deuterocanon

¹⁹ Li Diose mu jechuc jech chac c'u cha'al cristianoetic ti sna' xchamique. Mu sna' x'epalc'opoj; mu sna' sjel li c'usi tsnope. Me oy c'usi chloc' ta yee, persa tspas. Me oy c'usi chal ta jamale, persa chac' c'otuc ta pasel.

Bible in Tzotzil de Chamula

¹⁹ Yu'un xi s'elan ti Dios ti mu co'oluc s'elan jech c'u cha'al ti buch'u sna' xcham xlaje: mu sna' sjut, mi ja'uc xtal xbat ti snopobil yu'une. Mi yu'un oy c'usi ta sc'an ta spase, ta xc'ot ono'ox ta pasel yu'un. Mi yac'oj sc'op ti ta spase, ta xc'ot ono'ox ta pasel yu'un.

Números 23:19 Iomraidhean Croise

Génesis 26:3

Li' no'ox xanaqui o ta lume. Vu'un chajchi'inot. Chacac'bot ep bendición. Scotol li banamil li'i, ta xcac'bot avich' achi'uc li amomnich'nabtaque. Ja' jech chc'ot o ta pasel cu'un li c'usi jchapanoj xchi'uc atote, ja' li Abrahame.

Génesis 28:15

Vu'un chajchi'inot; ta jchabiot ti buyuc no'ox chabate. Ta to xcac' sutan batel ta avosilal ti bu lalic tale. Ta xc'ot ta pasel cu'un jech c'u cha'al chacalbote. Mu'yuc chajcomtsanot”, xi li Muc'ul Diose.

1 Reyes 14:11

Me te ta yut lum chcham li queremetic avu'une, ta xlajic ta ti'el ta ts'i'. Yan li boch'otic ta xchamic ta te'tique, te ta xlajic ta ti'el ta xulem. Jech chcal, vu'un li Muc'ul Diosune’, xi li Diose, uto c'otel.

2 Reyes 15:12

Ja' ic'ot ta pasel ti jech ono'ox laj yal Muc'ul Dios ta sventa li Jehue: “Ta xcac' ochicuc o ta ajvalilal te ta Israel anich'nab c'alal to ta xchanc'olal amomnich'nab”, x'utat ono'ox.

2 Reyes 7:2

Li yajcoltaubbail stuc ajvalile jech la stac'be li j'alc'ope: —Ac'o me tsjambe sventanail vinajel li Muc'ul Diose, mu xc'ot ta pasel li c'usi chavale —xi. Itac'ov li Eliseoe: —Te chavil ta xchibal asat atuc, pero mu'yuc chave' li vo'ote —xut.

1 Crónicas 17:17

Mu'yuc to muc' chava'ay li c'usi apasojbune, ja' yu'un laj avalbun noxtoc ti ta to xtal jmomnich'nabtac ta ts'acal, vu'un li avajtunelune. Muc'ul Dios, laj acuyun jech chac c'u cha'al jun vinic ti toj leque.

Salmos 110:4

Li c'usi laj yal ta jamal Muc'ul Diose, mu xa sutes sc'op o, jech laj yal: “Vo'ot cha'och ta paleal sbatel osil; ja' jech avabtel chavich' jech chac c'u cha'al li Melquisedeque”, xi.

Salmos 132:11

Li Muc'ul Diose oy c'usi jamal laj yalbe li Davide; le'e mu xlaj sc'oplal o, jech laj yalbe: “Ja' ta xcac' chotiuc o ta achotleb sventa ajvalilal li amomnich'nabe.

Salmos 77:9

¿Me ich'ay o ta yo'nton c'uxubinvanej li Diose? ¿Me yu'un solel j'ech'el i'ilin o? ¿Me mu'yuc xa abul jba chiyiluncutic?”, xichi.

Salmos 89:34

Mu'yuc ta jtuch' o li c'usi jchapanoje; mu'yuc ta jsutes li jc'ope.

Salmos 89:35

Yu'un j'ech'el jamal laj cal o ta sventa ti ch'ul Diosune; muc jeche'uc ta xquepalc'opta li Davide.

Isaías 21:17

Jutuc xa chcom li boch'o lec sna'ic yaq'uel flechae xchi'uc li boch'o lec sna'ic pasc'op te ta Cedare”, xi li Muc'ul Diose, ja' li Dios yu'un Israele.

Isaías 31:2

Pero li stuque oy lec sbijil, xu' yu'un chac' tsots vocol; mu sna' sutes sc'op. Ja' chlic scontrain li chopol cristianoetique xchi'uc li boch'otic tscoltaic boch'otic chopol c'usi tspasique.

Isaías 40:8

Li ts'i'lale ta xtaquij, li nichime ta smats'; yan li sc'op Dios cu'untique mu sna' xlaj o sbatel osil”, chian, xiyutun.

Isaías 46:11

Vu'un ta xquic' tal c'alal to ta sloq'ueb c'ac'al li jun vinique; ta namal banamil ta xlic tal jech chac c'u cha'al jcot xic ti lec tstsac sve'ele. Vu'un chcal, persa ono'ox chquic' tal; vu'un la jnop, persa chc'ot ta pasel.

Isaías 55:11

Ja' no'ox jech ec li jc'op chloc' ta quee, muc xocoluc tsut batel ta jtojol. Chc'ot ta pasel li c'usi oy ta co'ntone; chc'ot ta pasel scotol li c'usi ta xcale.

Jeremías 4:28

Li banamile ta xnoj ta at-o'nton, li vinajele ta x'ic'um ta scoj me'nal. Yu'un li c'usi laj cale laj cal o; li c'usi la jnope la jnop o; mu'yuc ta jsutes jc'op, mu'yuc chisut ta jva'lupat.

Daniel 4:28

Scotol li c'usitic laj yich' alele ic'ot ono'ox ta pasel ta stojol li ajvalil Nabucodonosore.

Oseas 11:9

Mu'yuc ta jpasboxuc li c'usi jnopoj ta jpas ta sc'ac'al co'ntone; mu'yuc ta xcules yan velta li Efraine, yu'un li vu'une Diosun, muc cristianoucun. Vu'un Ch'ul Diosun ti te oyun ta atojolique; mu'yuc chtal ochcun ta alumalic ta sc'ac'al co'nton”, xi li Diose.

Miqueas 7:20

Ac'o jechuc o avo'nton ta sventa c'usi avalojbe li Jacobe, xchi'uc ac'o avac' li c'uxubinel ti avalojbe ono'ox li Abrahame, ja' li jmoltotcutic ta vo'onee, yu'un jech ono'ox avalojbe ta jamal.

Habacuc 2:3

Ac'o me chjalij to li c'usi laj cac'bot avile, pero ta ono'ox xc'ot ta pasel, mu xa xjalij. Muc epalc'opuc. Ac'o me jal ta malael, malo me; yu'un mu alticuc no'ox, ta xc'ot ono'ox ta pasel.

Malaquías 3:6

“Vu'un li Muc'ul Diosune mu jna' jel o co'nton, ja' yu'un muc xaculesoxuc o vo'oxuc li smomnich'naboxuc Jacobe.

Números 14:35

Vu'un li Muc'ul Diosune, jbel jech chcal o: Ja' jech ta jpasbe li jbajmantal cristianoetic li'i, ti jmoj la scontrainicune. Li' ta xchamic ta xocol banamil, jech ta xlaj sc'oplalic o, uto li achi'iltaque —xi li Muc'ul Diose.

Números 23:18

Li Balaame lic c'opojuc jech chac c'u cha'al jun j'alc'op: “Balac, xnich'on Zipor, a'ibun li c'usi chacalbote.

San Lucas 21:33

Li vinajel banamile ta xlaj, pero li jc'ope mu xlaj sc'oplal o.

Romanos 11:29

Yu'un li iq'uel, li c'uxubinel chac' Diose mu stac' lajesbel sc'oplal.

Romanos 9:6

Ti jech mu xch'unique, mu yu'unuc ja' mu xc'ot sc'op li Diose. Ja' no'ox yu'un mu scotoluc israeletic ti ja' mero smomnich'nab Israel chc'otique.

2 Timoteo 2:13

Me mu junuc co'ntontic ta stojole, pero li stuque jun yo'nton o ta jtojoltic. Mu sna' sutes sc'op o.

SUN TITO 1:2

Jech tspat yo'ntonic ti xu' chcuxiic sbatel osile, ja' ti yaloj ono'ox Dios ta sliquebal ti ta xac' cuxicutique. Li stuque mu sna' x'epalc'opoj.

Hebreos 6:18

Jech oy chib c'usi mu xlaj sc'oplal laj yal li Diose, ja' svinajeb ti persa chc'ot ta pasel, ti mu ja'uc no'ox ch-epalc'opoje. Jech chpat lec co'ntontic, tstsatsub lec co'ntontic yu'un, vu'utic ti jch'unojtic, ti jpatoj xa co'ntontic ta jtatic li c'usi ta jmalatique.

Hebreos 7:21

Yan li Jesuse ta sventa sbi Dios jech laj yich' albel sc'oplal: “Li c'usi laj yal ta jamal ta sventa sbi stuc li Diose, mu sutes sc'op o. Jech laj yal: ‘Vo'ot cha'och ta paleal sbatel osil’, xi li Diose”, xi ts'ibabil.

Santiago 1:17

Scotol li c'usi leque xchi'uc li c'usitic lec tuc' chij'ac'bate ja' te ta xlic tal ta vinajel. Ja' chistacbutic tal li Jtotic Dios ti la spas li c'usitic chac' xojobale. Li Diose ja' jech oy o; mu sna' sjelilan c'usi chijyac'butic.

Santiago 4:5

Mu me xanopic ti mu'yuc stu ti jech ts'ibabil ta sc'op Diose: “Li Diose laj yac' ta co'ntontic ti tsc'an stuc no'ox ac'o quich'tic ta muq'ue”, xi ts'ibabil.

Josué 21:45

Scotol li c'usi yalojbe ono'ox israeletic li Muc'ul Diose ic'ot ta pasel yu'un scotol, me jbeluc mu'yuc xlaj sc'oplal.

1 Samuel 15:29

Yu'un li Dios ti ja' slequilal israeletic c'oteme, mu sna' x'epalc'opoj, xchi'uc mu sutes sc'op. Mu ja'uc jech chac c'u cha'al jun vinic ti xloc' x'och no'ox xc'opoje —xut.

1 Samuel 3:12

Ja' xa yorail ta xcac' c'otuc ta pasel ta stojol Elí scotol li c'usi laj cal ta jpas ta stojol yalab xnich'nabe.