Números 23:16 - Bible in Tzotzil de Chenalhó with Deuterocanon

¹⁶ Li Muc'ul Diose ital sc'opan li Balaame. Ja' laj yac' loc'uc ta ye c'usi tsc'an stuc li Muc'ul Diose. Jech laj yalbe: —Sutan batel yo' bu oy li Balaque; ja' xc'ot avalbe li c'usi chacalbote —xut.

Bible in Tzotzil de Chamula

¹⁶ Jech ti Diose tal snup ta be ti Balaame. Ac'bat ta ye ta sti' ti c'u s'elan xu' ta xale, ti xi albat xtoque: —Sutan batel ti bu oy ti Balaque. Ja' no'ox xavalbe ya'i jech c'u cha'al laj calbot ava'ie.

Números 23:16 Iomraidhean Croise

Números 22:20

Li Diose ta ac'ubaltic ital yac' sba ta ilel yan velta ta stojol li Balaame. Jech laj yalbe: —Ta sventa ti tal yic'oxuc yan velta li viniquetique, bat chi'ino. Pero ja' no'ox me xapas li c'usi chacalbote —xut.

Números 22:35

Pero li yaj'almantal Muc'ul Diose jech laj yal: —Xu' chbat achi'in li viniquetique, pero ja' no'ox xaval li c'usi chacalbote —xut. Jech li Balaame la xchi'in batel li banquilaletic ti tacbilic tal yu'un ajvalil Balaque.

Números 23:15

Li Balaame jech laj yalbe li Balaque: —Coman li' yo' bu la jmilbetic smoton Diose. Li vu'une chbat jta ta c'opanel li Diose —xi.

Números 23:17

Li Balaame isut batel yo' bu oy li Balaque xchi'uc li banquilaletic yu'un moabetic yo' bu smilojbeic smoton Diose. Li Balaque jech la sjac': —¿C'usi laj yalbot tal li Muc'ul Diose? —xi.

Números 23:5

Li Muc'ul Diose laj yac' ti ja' ac'o loc'uc ta ye Balaam li c'usi oy ta yo'nton Muc'ul Diose. Jech laj yalbe: —Sutan batel yo' bu oy li Balaque. Ja' no'ox xc'ot avalbe li c'usi laj calbote —xut.

Números 24:1

Ta sventa laj xa yil Balaam ti ac'bilic bendición yu'un Muc'ul Dios li israeletique, jech muc xa xbat xch'am tal ta stojol Dios c'usi chal jech chac c'u cha'al la spas ono'oxe. Ja' xa no'ox te laj yac' batel sat ta xocol banamil.

Deuteronomio 18:18

Ta xlic jt'ujbeic loq'uel ta stojolic jun j'alc'op jech chac c'u cha'al vo'ot. Ja' jun mero xchi'ilic ta jt'ujbeic. Ja' ta x'albatic yu'un li c'usi ta jc'an ta xcalbeique, xchi'uc ja' ta svulesbat ta sjolic li c'usi calojbeique.