Números 23:14 - Bible in Tzotzil de Chenalhó with Deuterocanon

¹⁴ Li Balaque laj yic' batel ta stenlejal Zofin li Balaame; te imuyic ta jolvits Pisga. Te la spasic vucub scajleb smoton Dios; te la smilic jujucot ch'ium vacax xchi'uc jujucot ch'ium chij.

Bible in Tzotzil de Chamula

¹⁴ Jech ti Balaque laj yic' ech'el ti Balaam ta yosilal Zofim ta jun toyol vits yu'un Pisga ti bu laj xchapanic ta meltsanel vucub altare. Laj yac'beic yich' svocol jcot ch'iom vacax xchi'uc jcot chij ti jujune.

Números 23:14 Iomraidhean Croise

Isaías 46:6

Ep boch'o tsloq'uesic c'anal taq'uin ta xvorxaic; ep boch'o tsbisic ta kilo c'u yalal li saquil taq'uinique. Ts'acal chbat spasic trato xchi'uc li jpasloc'ometique, yu'un ac'o pasbatuc jun sdiosic sventa chich' ta muc', sventa tsquejan sba ta stojol.

Oseas 12:11

Ta Galaade puru chopol c'usi te oy; ja' yich'ojic ta muc' li c'usi cuybilic ta diose. Ta Gilgale puru vacaxetic ta smilic sventa smoton sdiosic, ja' yu'un li scajleb matanaletic yu'unique ta xc'ataj ta sbusleb tontic, ta sbusleb c'a'eptic”, xi li Diose.

Números 21:20

Itotsic batel ta Bamot; te ic'otic ta stenlejaltic ta yosilal Moab ta stuq'uil toyol vits Pisga ti bu lec xvinaj batel li xocol banamile.

Números 23:13

Pero li Balaque mu xlaj yo'nton, jech laj yalbe: —Batic le' ta jot yo' bu ja' no'ox xvinaj sti'ti' bu spasoj scarpanaique. Te xbat ac'anbun c'usi chopol ta stojolic —xut.

Números 23:15

Li Balaame jech laj yalbe li Balaque: —Coman li' yo' bu la jmilbetic smoton Diose. Li vu'une chbat jta ta c'opanel li Diose —xi.

Números 23:29

Li Balaame jech laj yalbe li Balaque: —Meltsanbun vucubuc scajleb smoton Dios li'i. Chapanic vuccot ch'ium vacax xchi'uc vuccot ch'ium chij —xut.

Deuteronomio 3:27

Muyan ta jolvits Pisga. Q'uelo batel scotol ta norte ta sur, ta sloq'ueb c'ac'al, xchi'uc ta smaleb c'ac'al. Yu'un li vo'ote mu xu' chajelov batel ta jot uc'um Jordán.

Deuteronomio 34:1

Li Moisese ilic batel ta xocol banamil ta yosilal Moab, imuy ta vits Nebo. Te imuy ta mero jolvits Pisga ti te oy ta stuq'uil Jericoe. Li Muc'ul Diose te lic yac'be sc'upin batel ta nom scotol li yosilal Galaad c'alal to ta yosilal Dane,

Deuteronomio 4:49

xchi'uc scotol li Arabá ta jot uc'um Jordán ta stuq'uil sloq'ueb c'ac'al, c'alal to ta Nab Muerto ta yoc vits Pisgae.