Números 23:13 - Bible in Tzotzil de Chenalhó with Deuterocanon

¹³ Pero li Balaque mu xlaj yo'nton, jech laj yalbe: —Batic le' ta jot yo' bu ja' no'ox xvinaj sti'ti' bu spasoj scarpanaique. Te xbat ac'anbun c'usi chopol ta stojolic —xut.

Bible in Tzotzil de Chamula

¹³ Xi xvulvun xa liquel ti Balaque: —Batic le' ta jote, ti bu ja' no'ox ta xc'ot asat ta sq'uelel spat xocon ti bu lamalique. Ma'uc ta xata ta q'uelel scotol ti bu lamalique. Ti teyuc to c'alal xu' xac'anbe ech'el ti slajel stubelique.

Números 23:13 Iomraidhean Croise

1 Reyes 20:23

Li j'abteletic yu'un ajvalil ta Siriae jech laj yalbeic li ajvalil yu'unique: —Li diosetic yu'un israeletique ja' diosetic yu'un te'tic ta vitsetic, ja' yu'un la stsalutic. Pero me chbat cac'beic ta stenlejaltique, ta persa ta jtsaltic.

1 Reyes 20:28

Li jun j'alc'op yu'un Diose te ic'ot ta stojol li ajvalil ta Israele, jech laj yalbe: —Jech yaloj li Muc'ul Diose: ‘Ta sventa laj yalic siriaetic ti vu'un Diosun ta vitsetique, ti muc vu'cun Diosun yu'un stenlejaltique, ja' yu'un ta xcac' ta ac'ob scotol li epal soldadoetique yu'un jech ac'o ana' ti vu'un Muc'ul Diosune’, xi li Muc'ul Diose —x'utat.

Salmos 109:17

Yu'un ja' la sc'anbe svocol li yantique, jech ja' ac'o taluc ta stojol stuc. Ja' muc sc'an li bendicione, jech ac'o loc'uc o batel ta stojol.

Miqueas 6:5

Jteclumal, na'ic me c'usi la xchapan ta aventaic li ajvalil Balac ta Moabe, xchi'uc c'usi stac'ubil laj yal li Balaam xnich'on Beore. Jech noxtoc na'ic me c'u x'elan ti c'alal lajelovic tal ta Sitim xchi'uc ta Gilgale, yu'un jech ac'o ana'ic ti tsotsic c'usitic la jpas ta atojolic, vu'un li Muc'ul Diosune”, xi.

Números 22:41

Ta sob yoc'omal, li Balaque laj yic' muyel ta Bamot-baal li Balaame, yu'un ja' lec xvinaj batel scarpanaic li israeletique.

Números 22:6

Avocoluc la' ta ora; la' lajesbun stsatsalic li cristianoetic li'i. Yu'un ja' xjelov stsatsalic jech chac c'u cha'al vu'uncutic. Oy yic'al ja' to jech xu' cu'un ta jtsal, jech xu' cu'un ta jnuts loq'uel li' ta cosilal. Jna'oj ti lec xu' avu'une. Scotol li boch'o chac'anbe xcuxlejalique xchi'uc li boch'o chatuch'be yorailique, ta xc'ot ono'ox ta pasel avu'un’, uto c'otel —xi li Balaque.

Números 23:12

Itac'ov li Balaame: —Laj caltic ti ja' no'ox xu' chcal c'usi chiyalbun li Muc'ul Diose —xut.

Números 23:14

Li Balaque laj yic' batel ta stenlejal Zofin li Balaame; te imuyic ta jolvits Pisga. Te la spasic vucub scajleb smoton Dios; te la smilic jujucot ch'ium vacax xchi'uc jujucot ch'ium chij.

Josué 24:9

Ts'acal ilic li Balac, ja' li ajvalil yu'un moabetique, tal scontrainoxuc, xchi'uc la stac ta iq'uel li Balaam, ja' li xnich'on Beore, yu'un ac'o sc'anboxuc c'usi chopol ta atojolic.