Números 23:12 - Bible in Tzotzil de Chenalhó with Deuterocanon

¹² Itac'ov li Balaame: —Laj caltic ti ja' no'ox xu' chcal c'usi chiyalbun li Muc'ul Diose —xut.

Bible in Tzotzil de Chamula

¹² Jech ti Balaame xi laj stac'bee: —Laj cal ti ja' ono'ox ta xcal ava'i ti c'u s'elan ta xac' jna' ti Diose.

Números 23:12 Iomraidhean Croise

Éxodo 4:15

Chi'ino ta lo'il; albo lec ya'ay scotol li c'usi tsc'an chale. Li vu'une te jchi'ucoxuc ti c'alal chalo'ilajique, xchi'uc vu'un chajchanubtasoxuc lec li c'usi tsc'an chapasique.

Proverbios 26:25

Me toj lec xasc'opanot yilele, mu me xach'un, yu'un puru chopol c'usi oy ta yo'nton.

Números 22:20

Li Diose ta ac'ubaltic ital yac' sba ta ilel yan velta ta stojol li Balaame. Jech laj yalbe: —Ta sventa ti tal yic'oxuc yan velta li viniquetique, bat chi'ino. Pero ja' no'ox me xapas li c'usi chacalbote —xut.

Números 22:38

Itac'ov li Balaame: —Li' xa oyune, lital xa. Pero ja' no'ox chacalbot ti mu xu' cu'un c'usi chcal jtuque; ja' no'ox xu' chcal c'usi chiyalbun li Diose —xi.

Números 23:13

Pero li Balaque mu xlaj yo'nton, jech laj yalbe: —Batic le' ta jot yo' bu ja' no'ox xvinaj sti'ti' bu spasoj scarpanaique. Te xbat ac'anbun c'usi chopol ta stojolic —xut.

Números 23:20

Li vu'une quich'oj cabtel sventa ta jc'anbe bendición ta stojolic. Me jech yo'nton stuc Dios chac'be bendicione, li vu'une mu xu' ta jmac ta be.

Números 23:26

Itac'ov li Balaame: —¿Me mu laj ono'ox calbot ti ja' no'ox xu' ta jpas c'usi chiyalbun li Muc'ul Diose? —xut.

Números 23:3

Li Balaame jech laj yalbe li Balaque: —Coman li' yo' bu la jmilbetic smoton Diose. Li vu'une, chbat jq'uel me chtal sc'opanun li Muc'ul Diose. Me oy c'usi chiyalbune, te chacalbot ava'ay —xut. Li Balaame ibat ta jun vits ti lec ta jamalaltic oye.

Números 24:13

ac'o me chavac'bun scotol li c'anal taq'uin, xchi'uc li saquil taq'uin nojem ta ana bu chapas mantale, pero li vu'une mu xu' ta jbaj c'usi chiyalbun li Diose. Mu xu' ta jpas jtuc ta jtsatsal c'usi lec, c'usi chopol. Ja' no'ox xu' chcal ec c'usi tsc'an li Muc'ul Diose.

Romanos 16:18

Yu'un li boch'otic jech tspasique ma'uc yabtel Cajvaltic Jesucristo tspasbeic. Ja' no'ox tspasic c'usi tsc'an yo'nton stuquic. Jech tslo'laic ta sventa sc'opic li boch'otic mu'yuc to stsatsal yo'ntonique, yu'un toj lec ya'yel li c'usitic chalique.

SUN TITO 1:16

Chalic ti xotquinic Diose pero ta sventa c'usitic tspasic chvinaj ti mu meleluque. Solel bolibenic o, jbajmantaletic o; mu'yuc stuic o ta sventa li lequil abtele.