Números 23:10 - Bible in Tzotzil de Chenalhó with Deuterocanon

¹⁰ Co'olic jech chac c'u cha'al pucuc. Mu'yuc boch'o xu' yu'un chata c'u yepal; mu'yuc boch'o sna' jayibic. Oyuc c'uxi jech xicham ec jech chac c'u cha'al li boch'otic tuc' yo'ntonic le'e. Ja' ta jta ec li c'usi tstaic ti jechuque”, xi li Balaame.

Bible in Tzotzil de Chamula

¹⁰ Yu'un co'ol s'elan pucuquil banomil ti yepalique, ti mu junuc buch'u xu' xchap yu'une. ¿Mi yu'un la oy buch'u sna' c'u yepalic ta j'ech'el? Oc la ta alel ti jechuc la chamcun jech c'u cha'al ti viniquetic le' ti xa'ibeic xchiquinale, ti jechuc la c'otuc ta jtojol jech c'u cha'al ta xc'ot ta stojol ti stuquique.”

Números 23:10 Iomraidhean Croise

Génesis 13:16

Vu'un ta xcac' boluc ep amomnich'nab jech chac c'u cha'al spucucal banamil. Jech c'u cha'al mu stac' atel li pucuque, ja' jech mu stac' atel li amomnich'nabtaque.

Génesis 22:17

ti ta melel ta xcac'bot ep bendicione. Ta xcac' boluc ep amomnich'nab jech chac c'u cha'al c'analetic ta vinajel, jech chac c'u cha'al yi'tic ta ti'nab. Li stuquique tsalbil ta xc'ot yu'un li yajcontraique.

Génesis 28:14

Ta to xlic bolicuc li amomnich'nabtaque; ja' jech ta xc'otic jech c'u cha'al spucucal banamil. Ta to spuc sbaic batel ta xchanjotal xocon vinajel. Xchi'uc vo'ot ta aventa achi'uc amomnich'nabtac ta xich'ic bendición scotol li cristianoetic ta sbejel banamile.

Salmos 116:15

Li Muc'ul Diose tsots sc'oplal cha'ay c'alal chchamic li boch'otic xch'unojique.

Salmos 37:37

Q'uelo lec avil li boch'o lec yo'ntone, ti lec c'usitic tspase; oy c'usi tsta ta ts'acal ti toj leque, ja' ti jun yo'nton oe.

Proverbios 14:32

Li boch'o chopole chich' ulesel o ta scoj li xchopolile; yan li boch'o leque jun no'ox yo'nton ti c'alal chchame.

Números 2:16

Ti bu c'alal xlic scarpanaic li boch'otic liquemic ta Rubene, oy oxvoc' soldadoetic chc'ot. Ja' oy buluchib xvaxacvinic ta mil xchi'uc o'lol yo'obal ciento (151,450) ta scotol. Ja' ta xcha'tsobal xa chanovic batel.

Números 2:24

Jech oy yan oxtsob soldadoetic te yo' bu lic spas scarpanaic li boch'otic liquemic ta jchop yu'un Efraine. Ja' oy vaxquib svacvinic ta mil xchi'uc vo'vinic (108,100) ta scotol li soldadoetic ti chanovic batel ta yoxtsobale.

Números 2:31

Ti bu chlic spas scarpanaic li jchop liquemic ta Dane oy yan oxtsob soldadoetic noxtoc. Oy vuclajuneb xvaxacvinic xchi'uc vaquib ciento (157,600) ta scotol li viniquetic ti chanovic batel ta slajeb te ta spat li bandera yu'unique”, x'utat yu'un Dios li Moisese.

Números 2:9

Ti bu c'alal xlic scarpanaic li jchop liquemic ta Judae, oy oxvoc' soldadoetic xc'ot te. Ja' oyic vaquib slajunvinic ta mil xchi'uc chanib ciento (186,400) ta yoxchopalic li soldadoetic ti chanovic batel ta ba'yucbe yu'un li israeletique.

Números 31:8

La smilic comel noxtoc li Evie, li Requeme, li Zure, li Hure, xchi'uc li Rebae, ja' li vo'ob ajvaliletic ta Madiane. Xchi'uc la smilic comel ec li Balaame, ja' li xnich'on Beore.

2 Corintios 5:1

Yu'un ta jna'tic, li jbec'taltic li' quich'ojtic ti ja' jech c'otem jech chac c'u cha'al jnatic li' ta banamile, xchi'uc ti ja' jech c'otem jech chac c'u cha'al carpanae chlaj sc'oplal. Ja' yu'un oy xa yan ach' te xchapanoj Dios ta vinajel, muc pasbiluc ta sc'ob cristiano. Ja' chc'ot quich'tic o sbatel osil.

Apocalipsis 14:13

Laj ca'ay oy boch'o ic'opoj tal ta vinajel, jech laj yalbun: “Jech xats'iba: ‘Xcuxet no'ox yo'nton li boch'o oyic ta stojol Cajvaltic c'alal ta xchamique. Jech chal ec li Ch'ul Espiritue. Chcux xa yo'ntonic o ta svocolic, yu'un te xa xchi'uquic li yabtelique’, xi xats'iba”, xiyutun.