Números 23:1 - Bible in Tzotzil de Chenalhó with Deuterocanon

¹ Li Balaame jech lic yal: —Pasbicun vucub scajleb smoton Dios li'i. Meltsanic vuccot ch'ium vacax xchi'uc vuccot ch'ium chij —xi.

Bible in Tzotzil de Chamula

¹ Va'i un, ti Balaame xi laj yalbee: —Meltsanbeicun vucub altar li'e. Chapanic vuc-cot vacax xchi'uc vuc-cot chij.

Números 23:1 Iomraidhean Croise

2 Reyes 18:22

Me jech chavalbicune: Li vu'uncutique ja' chiscoltauncutic li Muc'ul Dios cu'uncutique, me xachiique, ¿me mu ja'uc Ezequías la sjines li c'opojebaletic xchi'uc li scajleb smoton Diose? ¿Me mu ja'uc noxtoc ti laj yalbe Judá xchi'uc Jerusalén ti li' no'ox ac'o yich'ic ta muc' Dios ta scajleb smoton li' ta Jerusalene?

1 Crónicas 15:26

Ta sventa ti icoltaatic yu'un Muc'ul Dios li levietic ti laj yich'ic batel li xcaxail smantal Diose, jech la smilbeic smoton. Vuccot ch'ium tot vacax, xchi'uc vuccot tot chij la smilic.

2 Crónicas 29:21

Laj yaq'uic ta smoton Dios vuccot tot vacax, vuccot tot chij, vuccot ch'ium chij, xchi'uc vuccot tot tentsun sventa xch'ayubil smul xchi'uc yalab xnich'nab li ajvalile, xchi'uc itun ta sventa ch'ulna, xchi'uc itun ta sventa scotol Judaetic. Lic spas ta mantal li paleetic smomnich'nab Aarón ta vo'one ti ac'o yac'beic smoton Muc'ul Dios te ta scajlebe.

Job 42:8

Ja' yu'un, bat tsaco vuccotuc tot vacax xchi'uc vuccot tot chij; batanic ta stojol li cajtunel Jobe. Chiq'uic ta jtojol scotol li matanale; ja' sventa amulic. Ja' chisc'anbun vocol ta atojolic li cajtunel Jobe, yu'un ja' ta xca'ibe li sc'ope yu'un jech mu xcac' atojic ti mu'yuc tuc' lac'opojic ta jtojol jech chac c'u cha'al li cajtunel Jobe —xut.

Éxodo 20:24

Pasbicun jun scajleb jmoton pasbil ta lum. Te xamilbicun, te xachic'bicun jmotonin achijic avacaxic sventa co'ol co'ntontic. Buyuc no'ox chacac'boxuc avilic yavil ti ta jc'an chavich'icun ta muq'ue, te chtal cac'boxuc bendición.

Proverbios 15:8

Li milbil matanal chaq'uic li boch'o chopolique mu'yuc stu chil li Muc'ul Diose; yan ti c'alal tsc'opanic Dios li boch'o tuc' yo'ntonique xcuxet no'ox yo'nton tstsacbe sc'opic.

Ezequiel 33:31

Jech ta xtalic ta atojol jech chac c'u cha'al jteclum cu'un yilel. Te lamal chvulic ta atojol; cha'yic li c'usi chavale, pero mu spasbeic yabtelal. Ja' no'ox chloc' ta yeic ti tsc'anicune, pero li yo'ntonique yan o c'usi tsc'an; yan o c'usi tsc'upin.

Ezequiel 45:23

Li vucub c'ac'al q'uin chapasic ta jventae, ac'o yac' jujucot ch'ium tot vacax ta jujun c'ac'al, xchi'uc jujucot tot chij ti bu ven lequique. Xchi'uc ac'o yac' jujucot tot tentsun ta jujun c'ac'al sventa xch'ayubil mulil.

Números 22:41

Ta sob yoc'omal, li Balaque laj yic' muyel ta Bamot-baal li Balaame, yu'un ja' lec xvinaj batel scarpanaic li israeletique.

Números 23:2

Li Balaque la xch'un c'usi laj yal li Balaame, jech xchibalic la smilic jcot vacax xchi'uc jcot ch'ium chij ta jujun li scajleb smoton Diose.

Números 23:29

Li Balaame jech laj yalbe li Balaque: —Meltsanbun vucubuc scajleb smoton Dios li'i. Chapanic vuccot ch'ium vacax xchi'uc vuccot ch'ium chij —xut.

Números 23:30

Li Balaque la spas jech chac c'u cha'al i'albat yu'un li Balaame. La smil jujucot vacax xchi'uc jujucot chij ta jujun li scajleb smoton Diose.

Números 29:32

“Ta svucubal c'ac'ale aq'uic vuccot vacax, cha'cot chij xchi'uc chanlajuncot ch'ium chij ti jun jabil svoq'uele, ti bu ven lequique.

San Mateo 23:13

“¡Toj abul abaic, vo'oxuc li jchanubtasvanejoxuc ta smantal Diose xchi'uc vo'oxuc li fariseooxuque, jlo'lavanejoxuc! Yu'un chamaquic ta be li ventainel yu'un Diose. Yu'un li vo'oxuque mu xac'anic ventainel yu'un Dios, ja' yu'un chamaquic li boch'otic tsc'anique.

Judas 1:11

Toj ven abul sbaic. Ja' stamojbeic batel sbe li Caine. Solel ich'ayic o ta be ta scoj taq'uin jech chac c'u cha'al li Balaame. Ich'ayic o batel ta scoj stoyobbailic jech chac c'u cha'al li Coree.

1 Samuel 15:22

Li Samuele jech laj yalbe: “Li Muc'ul Diose ma'uc no'ox lec chil ti ta jmilbetic, ti ta jchic'betic smotone; ja' toj lec chil me ta jch'unbetic smantale. Yu'un ja' toj lec li xch'unbel smantale; ja' mu sta jech li smoton ta jmilbetic xchi'uc li xepual chijetic chcac'betique.