Números 22:9 - Bible in Tzotzil de Chenalhó with Deuterocanon

⁹ Li Diose laj yac' sba ta ilel ta stojol li Balaame, jech la sjac'be: —¿Boch'otic li viniquetic li' achi'inoje? —xut.

Bible in Tzotzil de Chamula

⁹ Va'i un, ti Diose laj yac' sba iluc ta stojol ti Balaame ti xi laj sjac'bee: —¿Buch'u ti viniquetic ti li' xchi'inojote?

Números 22:9 Iomraidhean Croise

Génesis 16:8

Jech ijac'bat: —Agar, vo'ot squiaraot li Saraie. ¿Bu lalic tal, xchi'uc bu chabat? —x'utat. —Yu'un lijatov tal ta stojol li cajvale, ja' li Saraie —xi.

Génesis 20:3

Pero li Abimeleque te no'ox ta yac'ubalil ic'opanat ta xvayech yu'un li Diose. Jech i'albat: “Ta xacham, yu'un li ants laj aviq'ue oy smalal”, x'utat.

Génesis 31:24

Pero ta yac'ubalil no'ox ic'opanat ta xvayech yu'un Dios li Labane, ja' li arameo vinique. Jech i'albat: “A'yo ava'ay, mu me xac'aq'uetuc xc'ot ac'opan li Jacobe”, x'utat.

Génesis 4:9

Li Muc'ul Diose jech la sjac'be li Caine: —¿Bu oy li avits'in Abele? —xut. —Mu jna'. ¿Me yu'un ja' cabtel ta jchabi li quits'ine? —xi itac'ov.

Génesis 41:25

Ja' yu'un li Josee jech la stac'be li faraone: —Li chib avayeche, ajvalil, jun no'ox smelol. Yu'un li Diose ja' laj yac'bot avil li c'usi ta to spase.

Éxodo 4:2

—¿C'usi te atsacoj ta ac'obe? —xi la sjac' li Muc'ul Diose. —Jnamte' —xi li Moisese.

Daniel 2:45

Ja' smelol ti laj avil ic'oc tal stuc jbej ton ta vitse ti muc ta c'abaluc ibalch'unat tale, ti la slilin li tsatsal taq'uine, li broncee, li patbil lume, li saquil taq'uine xchi'uc li c'anal taq'uine. Li Dios ti toj muq'ue ja' laj yac'bot avil li c'usi ta to xc'ot ta pasele. Muc jeche'uc no'ox li avayeche, oy lec smelol; ja' melel, bejel laj avil li c'usi chc'ot ta pasele”, xut.

Números 22:10

Itac'ov li Balaame: —Ja' stacben tal li ajvalil Balac ta Moabe, ja' li xnich'on Zipore. Yu'un tal yalbicun

Números 22:20

Li Diose ta ac'ubaltic ital yac' sba ta ilel yan velta ta stojol li Balaame. Jech laj yalbe: —Ta sventa ti tal yic'oxuc yan velta li viniquetique, bat chi'ino. Pero ja' no'ox me xapas li c'usi chacalbote —xut.

Números 22:8

Li Balaame jech laj yal: —Vayanic li'i, oc'om chacalboxuc c'usi chiyalbun li Muc'ul Diose —xi. Jech te icomic ta sna Balaam li banquilaletique.

San Mateo 24:24

Yu'un ta to xtal li boch'otic ta scuy sbaic ta Cristoe, xchi'uc li boch'o tscuy sbaic ta j'alc'opetique. Ta spasic muc'tic sq'uelubiltac, yu'un jech ta slo'laic o li cristianoetique. Ti xu'uc yu'unique, tsc'an tslo'laic ec li boch'otic t'ujbilic yu'un Diose.

San Mateo 7:22

Oy ep boch'o jech ta xalbicun ta slajebal c'ac'al: ‘Cajval, Cajval, vo'ot ta abi la jcholcutic ac'op. Vo'ot ta abi la jloq'uescutic pucujetic. Vo'ot ta abi la jpascutic ep sq'uelubil atsatsal’, xiyuticun.

San Juan 11:51

Pero muc teuc ivul ta sjol stuc ti jech laj yale. Yu'un ja'o ochem ta mero banquilal pale, ja' yu'un ich'amanbat ye yu'un Dios, yu'un ac'o yal ti ja' chcham ta sventa sjunul lum li Jesuse.