Números 22:7 - Bible in Tzotzil de Chenalhó with Deuterocanon

⁷ Li banquilaletic yu'un Moab xchi'uc Madiane ibatic. Yich'ojic batel lec staq'uinic sventa stojol li c'usi chopol chbat sc'anique. C'alal ic'otic ta stojol li Balaame, c'ot yalbeic jech chac c'u cha'al laj yal batel li ajvalil Balaque.

Bible in Tzotzil de Chamula

⁷ Ti moletic yu'un ti Moabe xchi'uc ti Madiane xtuchojic batel taq'uin yo' ta stojic ti lajel tubel sc'anique. C'alal c'otic ti bu oy ti Balaame, laj yalbeic ya'i ti c'u s'elan ti a'yej ti ja' yaloj ech'el ti Balaque.

Números 22:7 Iomraidhean Croise

Isaías 1:23

Li banquilaletic avu'une puru jbajmantaletic; ja' xa xchi'ilic j'eleq'uetic. Scotolic lec xa'yic xch'amel taq'uin; ja' tsa'ic c'u x'elan xu' ch-ac'bat smotonic. Mu'yuc tuc' chchapanic li me'on ololetique; tsmaquilanbeic ta be xchapanel li me'on antsetique.

Isaías 56:11

Ja' jechic jech chac c'u cha'al ts'i' ti mu xnoj xch'utic ta ve'ele. Ja' jchabichijetic ti mu j'ech'el xa'ibeic o smelole. Ja' stamojic o li sbe stuquique; ja' no'ox tsa'ic c'usi lec cha'ay stuquic.

Ezequiel 13:19

Ta jop no'ox cebada, ta juteb no'ox pan chasoquesbicun jc'oplal ta stojol li jteclumale, xchi'uc chavaq'uic ta milel li boch'o mu'yuc sc'oplal chchame. Ja' cuxul chacomtsanic li boch'o sc'oplal chchame. Puru epalc'op chavalbeic li achi'iltaquic ti lec cha'yic ya'yel li avepalc'opique.

Ezequiel 21:21

Yu'un li ajvalil ta Babiloniae te xa va'al yo' bu chcha'xolaj li bee, tst'un xa ta st'unubil bu jxolucal chbat; chilbe xa sq'uelubil ta flechaetic, tsjac' xa ta stojol diosetic yu'un, tst'un xa ta sventa secub chonbolom.

Miqueas 3:11

Yu'un li jchapanvanejetic tee ta puru taq'uin chchapanvanic; li paleetique ta puru tojbil chchanubtasvanic; li j'alc'opetique ta taq'uin chalic li c'usi chc'ot ta pasele. Chalic ti ja' chcoltaatic yu'un Diose, jech chalic: “Li' xchi'inojutic li Muc'ul Diose; mu'yuc c'usi chopol chtal ta jtojoltic”, xiic.

Números 22:8

Li Balaame jech laj yal: —Vayanic li'i, oc'om chacalboxuc c'usi chiyalbun li Muc'ul Diose —xi. Jech te icomic ta sna Balaam li banquilaletique.

Números 23:23

Li Jacobe mu stac' uts'intael. Li j'ac'chameletique mu'yuc c'usi xu' yu'un tspasbeic li Israele. Li' ta orae ja' tsc'an jech chich' albel li Israele: ‘Toj ep spasoj sq'uelubil stsatsal ta atojolic li Diose’, sc'an xi sc'oplal.

Números 24:1

Ta sventa laj xa yil Balaam ti ac'bilic bendición yu'un Muc'ul Dios li israeletique, jech muc xa xbat xch'am tal ta stojol Dios c'usi chal jech chac c'u cha'al la spas ono'oxe. Ja' xa no'ox te laj yac' batel sat ta xocol banamil.

Romanos 16:18

Yu'un li boch'otic jech tspasique ma'uc yabtel Cajvaltic Jesucristo tspasbeic. Ja' no'ox tspasic c'usi tsc'an yo'nton stuquic. Jech tslo'laic ta sventa sc'opic li boch'otic mu'yuc to stsatsal yo'ntonique, yu'un toj lec ya'yel li c'usitic chalique.

SUN TITO 1:11

Le'e ja' tsc'an chamacbe yeic, yu'un ta xchibajesbeic yo'nton ta sjunul snaic li boch'otic xch'unojique, yu'un ja' ta xchanubtasvanic o li c'usi mu jechuc ta ch'unele, yu'un ja' no'ox oy ta yo'ntonic tsc'an tsa'ic taq'uin.

Josué 13:22

Li israeletique te capal la smilic ta espada ec li Balaam xnich'on Beore, ja' li jtuch' orae.

2 Pedro 2:15

Yu'un ich'ayic xa o ta be; ja' la scomtsanic li tuq'uil bee. Ja' xa la stambeic sbe li Balaame, ja' li xnich'on Beore, ja' ti la stsac taq'uin sventa tspas c'usi chopole.

Judas 1:11

Toj ven abul sbaic. Ja' stamojbeic batel sbe li Caine. Solel ich'ayic o ta be ta scoj taq'uin jech chac c'u cha'al li Balaame. Ich'ayic o batel ta scoj stoyobbailic jech chac c'u cha'al li Coree.