Números 22:6 - Bible in Tzotzil de Chenalhó with Deuterocanon

⁶ Avocoluc la' ta ora; la' lajesbun stsatsalic li cristianoetic li'i. Yu'un ja' xjelov stsatsalic jech chac c'u cha'al vu'uncutic. Oy yic'al ja' to jech xu' cu'un ta jtsal, jech xu' cu'un ta jnuts loq'uel li' ta cosilal. Jna'oj ti lec xu' avu'une. Scotol li boch'o chac'anbe xcuxlejalique xchi'uc li boch'o chatuch'be yorailique, ta xc'ot ono'ox ta pasel avu'un’, uto c'otel —xi li Balaque.

Bible in Tzotzil de Chamula

⁶ Mu xajalij, la' ta anil no'ox. La' c'anbo slajelic stubelic ti lumetic ta jventae. Yu'un toj ech'em tsotsic ti stuquique, ja' mu sta ti vu'uncutique. Ja' to nan jech tsalbil ta xc'ot cu'un ti ta jnuts loq'uel ta jteclume. Yu'un mi slajelic stubelic ta xac'an, mi xc'uxubinelic ta xac'an, jna' lec ti ta ono'ox xc'ot ta pasel avu'une.”

Números 22:6 Iomraidhean Croise

Génesis 12:3

Ta xcac'be bendición li boch'o lec chayilote. Ta xcac'be stoj smul li boch'o chopol chayilote. Vo'ot ta aventa chich'ic bendición scotol cristianoetic ta sbejel banamil”, x'utat yu'un li Diose.

Génesis 27:29

Ac'o yac' sba ta mozoinel avu'un li cristianoetique. Ac'o squejan sbaic ta atojol li cristianoetic ta muc'tic lumetique. Vo'ot chlic aventain atuc li achi'iltaque. Ac'o squejan sbaic ta atojol. Li boch'o ta scontrainote ac'o ac'batuc stoj smul; yan li boch'o lec chayilote ac'o ac'batuc bendición”,, xut.

1 Reyes 22:13

Li boch'o ibat yic' tal Micaiase jech c'ot yalbe: —Scotol li j'alc'opetique co'ol ya'yejic; ja' laj yalbeic ajvalil li c'usi lec chc'ot ta pasele. Ja' yu'un avocoluc, ac'o me co'olajuc ava'yejic achi'uc, ja' me xaval ec li c'usi leque —xut.

1 Reyes 22:6

Li ajvalil ta Israele te lic stsob scotol li chanib ciento (400) j'alc'opetic yu'une, jech la sjac'be: —¿Me xu' chbat jcontraincutic li lum Ramot te ta Galaade, o me mu xu'? —xut. Itac'ovic: —Xu' chabatic, yu'un ja' stuc Muc'ul Dios chayac'bot ta ac'ob —xiic.

1 Reyes 22:8

Itac'ov li ajvalil ta Israele: —Oy to jun; xu' ta jac'betic c'usi tsc'an li Muc'ul Diose. Ja' Micaías, xnich'on Imla. Pero li vu'une stsoq'uet co'nton yu'un, yu'un mu'yuc ono'ox baq'uin xalbun c'usi lec chc'ot ta pasel. Puru chopolic c'usi chiyalbun —xi. Itac'ov li Josafate: —Ajvalil, mu xaval jech —xut.

Nehemías 13:2

Yu'un li stuquique mu'yuc x'ay snupic ta be xchi'uc ve'lil xchi'uc vo' li israeletique; ja' no'ox la stojic ta taq'uin li Balaam sventa ac'o lajesbatuc stsatsalique. Pero li Diose la sc'atajes ta lec li c'usi chopol ta xa'ox spase.

Salmos 109:28

Mu'yuc sc'oplal chca'ay ti chchopolc'opojic ta jtojole, ja' no'ox venta ti chavac'bun jlequilal li vo'ote. Ac'o q'uexovicuc li stuquique; ac'o cuxetuc no'ox co'nton vu'un li avajtunelune,

Proverbios 26:2

Li j'ilc'ope mu xc'ot ta jtojoltic ti me muc ta jmulticuque, jech chac c'u cha'al mut, o xaval-eq'uen ti xvilet no'ox jelovel ti mu xluchi ta jtojoltique.

Ezequiel 13:6

Li c'usi laj yil scuyojique altic, li c'usi laj yalic chc'ot ta pasele puru epalc'op. Jech laj yalic: Ja' la sc'opanuncutic li Muc'ul Diose, xiic, pero muc tacbilicuc cu'un. Jun xa yo'nton tsmalaic chc'ot ta pasel yilel li c'usi chalique.

Miqueas 6:5

Jteclumal, na'ic me c'usi la xchapan ta aventaic li ajvalil Balac ta Moabe, xchi'uc c'usi stac'ubil laj yal li Balaam xnich'on Beore. Jech noxtoc na'ic me c'u x'elan ti c'alal lajelovic tal ta Sitim xchi'uc ta Gilgale, yu'un jech ac'o ana'ic ti tsotsic c'usitic la jpas ta atojolic, vu'un li Muc'ul Diosune”, xi.

Números 22:12

Pero li Diose jech laj yalbe li Balaame: —Mu me xbat achi'in li viniquetique; mu me xbat avuts'inta li jun lum cristianoetic le'e. Yu'un li cristianoetic le'e cac'ojbeic ep bendición li vu'une —xut.

Números 22:17

Vu'un ta xcac'ot lec ta ich'el ta muc'. Ta jpasbot scotol li c'usiuc no'ox chac'ane. Ja' yu'un avocoluc la' me lajesbun stsatsalic li cristianoetic li'i’, xi laj yal tal —xutic c'otel.

Números 23:13

Pero li Balaque mu xlaj yo'nton, jech laj yalbe: —Batic le' ta jot yo' bu ja' no'ox xvinaj sti'ti' bu spasoj scarpanaique. Te xbat ac'anbun c'usi chopol ta stojolic —xut.

Números 23:27

Ja' yu'un li Balaque jech laj yal: —La' me, batic le' ta jote. Oy yic'al mu lecuc chil Dios ti li' chac'an ac'o lajuc stsatsalic li israeletique —xi.

Números 24:9

C'alal ta xmochi chcux yo'ntone, ja' jech chac c'u cha'al jun león ti mu'yuc boch'o tsc'an tstije. Ac'o sta bendición li boch'o chasc'anbot bendicione. Ac'o sta svocol li boch'o tsc'an ac'o ata avocole”, xi li Balaame.

Hechos 16:16

Ta yan c'ac'al libatcutic yan velta yo' bu ta stsob sbaic ta sc'opanel Diose. Te ital snupuncutic ta be jun tseb. Lec sna' xt'unulaj, xchi'uc lec sna' c'usitic ta xc'ot ta pasel, yu'un ochem pucuj ta yo'nton. Li yajvaltaque solel ep la spasic canal ta sventa ti lec sna' xt'unulaj li tsebe.

Deuteronomio 23:4

Yu'un c'alal lajelovic tal ta yosilalic ti c'alal laloq'uic tal ta Egiptoe, me jutuc muc chayac'boxuc vo' avuch'ic, xchi'uc ave'elic. Ja' no'ox la stojic li Balaam, xnich'on Beor, ti liquem tal ta Petor ta Mesopotamia banamile, yu'un ac'o yuts'intaoxuc.

Josué 24:9

Ts'acal ilic li Balac, ja' li ajvalil yu'un moabetique, tal scontrainoxuc, xchi'uc la stac ta iq'uel li Balaam, ja' li xnich'on Beore, yu'un ac'o sc'anboxuc c'usi chopol ta atojolic.

1 Samuel 17:43

Jech laj yalbe: —¿Me yu'un ts'i'un ti ate' no'ox avich'oj tale? —xut. Te lic xchopolc'opta ta sbi li dios yu'une.