Números 22:4 - Bible in Tzotzil de Chenalhó with Deuterocanon

⁴ Ja' yu'un li moabetique jech laj yalbeic li moletic yu'un madianetique: “Scotol li cristianoetic le'e, ta xijyulesutic ta ora c'alal ta cosilaltic jech chac c'u cha'al vacaxetic ti chulesic ta ora jobeltique”, xutic. Ta sc'ac'alil le'e ja'o ochem ta muc'ta ajvalilal te ta Moab li Balaque.

Bible in Tzotzil de Chamula

⁴ Va'i un, ti jnaclejetic ta Moabe xi laj yalbeic ti moletic yu'un ti Madiane: “Scotol ti jteclum le'e, ta jc'utel no'ox ta xu'ninic ti jbanomiltic jech c'u cha'al junuc vacax ti jc'utel no'ox ta xac'be ti yaxal ti oy ta osiltic ti c'alal ta slo'e.” Ti jech yorail ta vo'ne taje, ja' o ochem ta ajvalil yu'un Moab ti Balaque.

Números 22:4 Iomraidhean Croise

1 Reyes 11:18

Te iliquic ta Madián; ic'otic ta Parán. Te laj yic' batel xchi'inic jayibuc viniquetic noxtoc. C'alal ic'otic ta Egiptoe, te ibatic ta stojol li Faraone. Te i'ac'bat snaic xchi'uc sve'elic, xchi'uc iq'uelanbat yosilic.

Éxodo 15:15

Li banquilal soldadoetic yu'un Edome jeche' xa chcomic o; li banquilaletic yu'un moabetique chniquic ta xi'el, xchi'uc ta xlaj stsatsal yo'ntonic li canaanetique.

Jeremías 48:38

“Ta scotol yamaq'uil jolnaetic xchi'uc ta scotol xoraltic ta Moabe puru oq'uel xa chvinaj, yu'un la jlilin li Moabe jech chac c'u cha'al jun bin ti mu'yuc xa stu chquile”, xi li Muc'ul Diose.

Números 22:2

Li Balac, ja' li xnich'on Zipore, laj yil c'usi la spasbe amorretic li israeletique.

Números 22:7

Li banquilaletic yu'un Moab xchi'uc Madiane ibatic. Yich'ojic batel lec staq'uinic sventa stojol li c'usi chopol chbat sc'anique. C'alal ic'otic ta stojol li Balaame, c'ot yalbeic jech chac c'u cha'al laj yal batel li ajvalil Balaque.

Números 24:17

Ta xquil c'usi ta to xc'ot ta pasel; ta jna' c'usi ta to xtal ta ts'acal. Ta to xloc' jun muc'ta c'anal ta stojol Jacob; jun muc'ta ajvalil ta xlic ta stojol Israel. Ja' ta xvoch'be sjol li Moabe; ta xulesbe scotol li smomnich'nabtac Sete.

Números 25:6

Oy jun israel vinic laj yic' batel ta sna jun madián tseb. Te laj yic' jelovel ta stojol li Moisese xchi'uc ta stojol li israeletic c'alal ja'o te tsobol ch-oq'uic scotolic ta sti' li ch'ulna pasbil ta nucule.

Números 31:1

Li Muc'ul Diose la sc'opan yan velta li Moisese. Jech laj yalbe:

Números 31:8

La smilic comel noxtoc li Evie, li Requeme, li Zure, li Hure, xchi'uc li Rebae, ja' li vo'ob ajvaliletic ta Madiane. Xchi'uc la smilic comel ec li Balaame, ja' li xnich'on Beore.

Jueces 11:25

¿Me yu'un vo'ot toj ven lecot chava'ay jech chac c'u cha'al li Balac, xnich'on Zipor, ja' li ajvalil ta Moabe? Pero li stuque muc x'ay stsacuncutic ta pleito.

Jueces 6:1

Pero li israeletique lic spasic yan velta c'usitic chopol ta stojol li Muc'ul Diose. Jech li Muc'ul Diose laj yac' ochicuc ta sc'ob madianetic vucub jabil.