Números 22:36 - Bible in Tzotzil de Chenalhó with Deuterocanon

³⁶ C'alal laj ya'ay Balac ti ta xa xtal li Balaame, bat snup tal ta be ta jun lum yu'un Moab ta sts'aquil yosilal te ta nopol uc'um Arnón.

Bible in Tzotzil de Chamula

³⁶ Va'i un, ti Balaque, ti c'alal laj ya'ibe sc'oplal ti Balaam ti ta xa xc'ote, loc' batel ta snupel ta be ta jun jteclum yu'un ti Moab ti bu oy ti uc'um yu'un ti Arnón ti ja' sts'aquil ti jteclume.

Números 22:36 Iomraidhean Croise

Génesis 14:17

C'alal isut batel ta stsalel li ajvalil Quedorlaomer xchi'uc li yan ajvaliletic ti co'ol yo'ntonic xchi'uque, li ajvalil ta lum Sodomae iloc' snup ta be te ta stenlejaltic Save li Abrame, ja' li Stenlejal yu'un Ajvalil sbie.

Génesis 18:2

C'alal la stoy sat li Abrahame, laj yil oy oxib viniquetic te va'alic ta stojol. C'alal laj yile, iva'i ta anil; bat snup ta be. La squejan spatan sba ta banamil.

Génesis 46:29

Li Josee laj yac' ta chapanel scareta sventa chcaji batel, yu'un chbat snup ta Gosén li stote. C'alal ic'ot yo' bu oy li stote, c'ot xvoch' ta meyel. Jal laj yoc'ta sbaic.

Éxodo 18:7

Li Moisese iloc' snup ta be li smuni'e. La snupbe sc'ob; la sts'uts'. Te la sjac'be sbaic c'u x'elanic. Ts'acal i'ochic ta yut carpana.

Isaías 16:2

Li jnaclumetic ta Moabe ja' jech te no'ox xjoyetic ta taqui bevo' Arnón jech chac c'u cha'al mut ti sibtasbil loq'uel ta stase.

Jeremías 48:20

Li Moabe iyal xa ta q'uexlal, iyich' xa o. ¡Oc'anic, avananic ta stojol! Alic batel ta uc'um Arnón ti ilaj xa o li Moabe”, xi li Muc'ul Diose.

Números 22:35

Pero li yaj'almantal Muc'ul Diose jech laj yal: —Xu' chbat achi'in li viniquetique, pero ja' no'ox xaval li c'usi chacalbote —xut. Jech li Balaame la xchi'in batel li banquilaletic ti tacbilic tal yu'un ajvalil Balaque.

Números 22:37

Jech laj yalbe: —La jtsatsal ic'ot tal ta persa. ¿C'u yu'un ti muc xatal ta orae? ¿Me mu xana' ti xu' cu'un chacac'ot ta ich'el ta muq'ue? —xut.

Hechos 28:15

Li jch'unolajeletic ta Romae laj ya'yic ti te chibatcutique jech tal snupuncutic ta be te ta ch'ivit Apio xchi'uc yo' bu Tres Tabernas sbie. C'alal laj yil li Pabloe, te ipat yo'nton; la stojbe ta vocol Dios.

Deuteronomio 2:24

Jech laj yalbutic noxtoc li Muc'ul Diose: ‘Batanic; xanovanic; jelovanic batel ta jot uc'um Arnón. Vu'un ta xcac'boxuc ta ac'obic li amorreo vinic, Sehón sbie, ja' li muc'ta ajvalil te ta Hesbone, chacac'boxuc ta ac'obic c'alal ta yosilal. Ochanic batel ta yosilal, bat pasic pleito achi'uquic ta ora.

Deuteronomio 3:8

“Ja' jech ora la jtsaltic li chib muc'tic ajvaliletic yu'un amorretic ti te to'ox nacajtic ta jot uc'um Jordán ta stuq'uil sloq'ueb c'ac'ale. Li yosilique xlic ta uc'um Arnón c'alal to ta vits Hermón.

Jueces 11:18

Ts'acal lixanovcutic batel ta xocol banamil; la joyibtabecutic yosilal li edometic xchi'uc moabetique. Te lic'otcutic ta stuq'uil sloq'ueb c'ac'al yu'un Moab; te no'ox la jpas jcarpanacutic ta jot uc'um Arnón. Muc jtuch'cutic jelovel li uc'ume yu'un ja' xa te xlic yosilal li moabetique.

1 Samuel 13:10

C'alal ja' to no'ox ilaj yo'nton ta xchic'bel smoton Dios li Saule, ja'o ic'ot li Samuele. Li Saule iloc' batel bat snup ta be; la sc'opan.