Números 22:32 - Bible in Tzotzil de Chenalhó with Deuterocanon

³² Pero li yaj'almantal Muc'ul Diose jech laj yal: —¿C'u yu'un ti laj xa amaj oxib velta li aburoe? Vu'un tal jmacot ta be, yu'un mu lecuc chquil ti bu anopoj chabate.

Bible in Tzotzil de Chamula

³² Ja'uc taj une, xi albat yu'un ti yaj'ánjel Diose: —¿C'u cha'al ti yoxibal xa velta laj xa amaj ti sme' aburroe? Yu'un vu'un tal jmacot ta be. Yu'un ti bu ta xabate toj chopol ta xca'i.

Números 22:32 Iomraidhean Croise

Salmos 145:9

Li Muc'ul Diose toj lec yo'nton ta stojol scotol; toj c'ux ta yo'nton scotol li yabtele.

Salmos 147:9

Ja' tsmac'lin li chonbolometique; ja' chac'be sve'el li yol jojetic ti c'alal xch'ivlajetique.

Salmos 36:6

Li stuq'uil avo'ntone ja' jech chac c'u cha'al epal toyolal te'etic. Ti c'u x'elan tuc' chaventainvane ja' jech chac c'u cha'al muc'ta nab ti toj nat xchaque. Li vo'ote, Muc'ul Dios, achabioj li cristianoetique xchi'uc li chonbolometique.

Proverbios 14:2

Li boch'o tuc' c'usi tspase ta xich' ta muc' li Muc'ul Diose; yan li boch'o mu'yuc tuc' c'usi tspase mu xich' ta muc'.

Proverbios 16:2

Li cristianoetique tsnopic ti lec scotol li c'usitic tspasique, pero ja' Muc'ul Dios chal me lec, me mu lecuc.

Proverbios 28:18

Li boch'o tuc' no'ox chanove jun yo'nton; yan li boch'o sa'sun no'oxe ta ono'ox sta svocol.

Proverbios 28:6

Ac'o me me'onutic no'ox, me lec jc'oplaltique ja' toj lec; ac'o me jc'ulejutic, me chopol c'usi oy ta co'ntontique ja' mu'yuc stu.

Jonás 4:11

¿Me mu ja'uc jech chc'uxubaj ta co'nton ec li muc'ta lum Nínive ti ech'em ta vacvinic ta mil (120,000) ololetic te oyic ti mu to sna'ic bu sts'etc'obic xchi'uc bu sbats'ic'obique, xchi'uc ti bats'i ep sts'unub yovolic te oye? —xi li Diose.

Miqueas 6:5

Jteclumal, na'ic me c'usi la xchapan ta aventaic li ajvalil Balac ta Moabe, xchi'uc c'usi stac'ubil laj yal li Balaam xnich'on Beore. Jech noxtoc na'ic me c'u x'elan ti c'alal lajelovic tal ta Sitim xchi'uc ta Gilgale, yu'un jech ac'o ana'ic ti tsotsic c'usitic la jpas ta atojolic, vu'un li Muc'ul Diosune”, xi.

Números 22:20

Li Diose ta ac'ubaltic ital yac' sba ta ilel yan velta ta stojol li Balaame. Jech laj yalbe: —Ta sventa ti tal yic'oxuc yan velta li viniquetique, bat chi'ino. Pero ja' no'ox me xapas li c'usi chacalbote —xut.

Números 22:22

Li Balaame icaji batel ta sburo; ichi'inat batel yu'un chib smozotac. C'alal ibate, i'ilin li Diose. Jech la stac tal yaj'almantal bat smac ta be li Balaame.

Números 22:28

Ja' yu'un li Muc'ul Diose la sjambe ye li buroe, jech laj yalbe li Balaame: —¿C'usi chopol la jpasbot ti laj xa amajun oxib veltae? —xut.

Números 22:33

Li aburoe laj yilun li stuque, jech la sjoy sbe. Ti manchuc laj yilun li aburoe, laj xa jmilot; ja' xa no'ox cuxul icom aburo ti jechuque —xut.

Números 22:35

Pero li yaj'almantal Muc'ul Diose jech laj yal: —Xu' chbat achi'in li viniquetique, pero ja' no'ox xaval li c'usi chacalbote —xut. Jech li Balaame la xchi'in batel li banquilaletic ti tacbilic tal yu'un ajvalil Balaque.

Hechos 13:10

jech laj yalbe: —Li vo'ote, bats'i jlo'lavanejot, toj chopolot, xnich'onot pucuj. Ja' contra chavil li c'usi leque. Mu xacomtsan o soquesel li tuq'uil be yu'un Cajvaltique.

Deuteronomio 23:4

Yu'un c'alal lajelovic tal ta yosilalic ti c'alal laloq'uic tal ta Egiptoe, me jutuc muc chayac'boxuc vo' avuch'ic, xchi'uc ave'elic. Ja' no'ox la stojic li Balaam, xnich'on Beor, ti liquem tal ta Petor ta Mesopotamia banamile, yu'un ac'o yuts'intaoxuc.

Deuteronomio 25:4

“Mu me xavac'beic svozal avacax ti c'alal chavac'be stec' trigo sventa chloc' sbeq'ue.