Números 22:23 - Bible in Tzotzil de Chenalhó with Deuterocanon

²³ Li buroe laj yil ti te oy ta o'lol be li j'almantale, stsacoj jun yespada. Jech la scomtsan li bee; i'och ta te'tic. Pero li Balaame la smaj li sburoe yu'un ac'o sutuc tal ta be.

Bible in Tzotzil de Chamula

²³ C'alal laj yil ti burro ti va'al ta o'lol be ti yaj'ánjel ti Dios ti stsacoj ti yespada ta xmacune, laj sq'uejbun sba ta be. Och batel ta osiltic. Ja' no'ox un, ti Balaame laj smaj yo' jech ta stam yu'un ti bee.

Números 22:23 Iomraidhean Croise

2 Reyes 6:17

Li Eliseoe lic sc'opan Dios, jech laj yal: “Muc'ul Dios, ta jc'anbot vocol ta atojol, jambo sat li jmozoe yu'un ac'o yil”, xut. Li Muc'ul Diose la sjambe sat li mozoe. Ja' to laj yil oy epal soldadoetic ta vits cajajtic ta ca', xchi'uc laj yil joyibtabil ta caretaetic li Eliseoe tsanal jech chac c'u cha'al c'oc'.

1 Crónicas 21:16

C'alal la stoy sat li Davide, laj yil ti te oy ta o'lol vinajel li j'almantale, stsacoj jun espada loq'uem xa ta sna; te xbechoj batel ta sba li lum Jerusalene yu'un ja' tsmil o. Ja' yu'un li David xchi'uc banquilaletique la spatan sbaic ta banamil, slapojic c'u'il sventa at-o'nton ti ch'ixlajan ta lapele.

Jeremías 8:7

Li ciguenya mute sna'ojbe lec yorail c'usi ora tsut batel ti bu ono'ox ilic batele; li puruvoc stsue, li grulla mute, xchi'uc li xaval-eq'uenetique sna'oj lec c'usi ora tsutic batel, pero vo'oxuc li jteclumaloxuque mu xana'ic, mu xavotquinic o li mantaletic cu'une.

Daniel 10:7

“Vu'un no'ox jtuc laj quil; yan li boch'otic te jchi'uque muc xilic. Ja' no'ox ixi'ic, ijatovic; la snac' sbaic ta anil.

Números 22:22

Li Balaame icaji batel ta sburo; ichi'inat batel yu'un chib smozotac. C'alal ibate, i'ilin li Diose. Jech la stac tal yaj'almantal bat smac ta be li Balaame.

Números 22:24

Li j'almantale te bat yac' sba noxtoc yo' bu toj biq'uit li bee, yu'un oy coralton sventa ts'usubtic ta jujujot be.

Hechos 22:9

Li boch'otic xchi'inojicun batele laj yilic ec li luze, pero muc xa'yic c'usi laj yal li boch'o la sc'opanune.

Josué 5:13

C'alal ja'o te va'al ta nopol Jericó li Josuee, laj yil te va'al ta stuq'uil jun vinic yich'oj jun espada. Li Josuee inopaj batel; jech la sjac'be: —¿Me vu'uncutic tal acoltauncutic, o me ja' tal acolta li cajcontracutique? —xut.

2 Pedro 2:16

Pero la sta tsots pajesel ta scoj li sbolile, yu'un ic'opanat yu'un li sme' sburo ti mu ono'ox sna' xc'opoje. Ja' jech ic'opoj jech chac c'u cha'al cristiano, jech ipajesat li bol j'alc'op Balaame.

Judas 1:11

Toj ven abul sbaic. Ja' stamojbeic batel sbe li Caine. Solel ich'ayic o ta be ta scoj taq'uin jech chac c'u cha'al li Balaame. Ich'ayic o batel ta scoj stoyobbailic jech chac c'u cha'al li Coree.