Números 22:12 - Bible in Tzotzil de Chenalhó with Deuterocanon

¹² Pero li Diose jech laj yalbe li Balaame: —Mu me xbat achi'in li viniquetique; mu me xbat avuts'inta li jun lum cristianoetic le'e. Yu'un li cristianoetic le'e cac'ojbeic ep bendición li vu'une —xut.

Bible in Tzotzil de Chamula

¹² Va'i un, ti Balaame xi albat yu'un ti Diose: —Mu xachi'in ech'el ti viniquetic le'e. Mi ja'uc xac'anbe slajel stubelic ti lum taje. Yu'un ti lum taje, laj xa jva'an jba ta stojolic.

Números 22:12 Iomraidhean Croise

Génesis 12:2

Ta sventa amomnich'nabtac ta jliques jun muc'ul lum. Chacac'bot ep bendición; ta xcac' pucuc batel ac'oplal. Xchi'uc vo'ot ta aventa chich'ic bendición li yantique.

2 Crónicas 31:10

Li banquilal pale Azarías smomnich'on Sadoque jech la stac': “C'alal lic sliquesic yaq'uel li' ta ch'ulna smoton Muc'ul Dios li jchi'iltactique, ja' la jve'cutic o tal. Lec liloc'cutic o; bats'i ep to icomelaj cu'uncutic. Scotol ti li' to busajtique icomelaj xa o cu'uncutic, yu'un li Muc'ul Diose yac'ojbe ep bendición li steclumale”, xi.

Salmos 144:15

Xcuxet no'ox yo'ntonic li jun ta lum ti staojic xa jech chac le'e; xcuxet no'ox yo'ntonic li jun ta lum ti ja' Dios yu'unic li Muc'ul Diose.

Salmos 146:5

Xcuxet no'ox yo'nton li boch'o ja' jcoltavanej yu'un li Dios yu'un Jacobe, ti ja' spatoj o yo'nton yu'un li Muc'ul Dios yu'une.

Isaías 61:9

Li smomnich'nabtaquique ta xpuc lec sc'oplalic ta yantic banamil; scotol li boch'otic chilique chlic sna'ic ti ja' jun lum ac'bil ep bendición cu'une.

Miqueas 6:5

Jteclumal, na'ic me c'usi la xchapan ta aventaic li ajvalil Balac ta Moabe, xchi'uc c'usi stac'ubil laj yal li Balaam xnich'on Beore. Jech noxtoc na'ic me c'u x'elan ti c'alal lajelovic tal ta Sitim xchi'uc ta Gilgale, yu'un jech ac'o ana'ic ti tsotsic c'usitic la jpas ta atojolic, vu'un li Muc'ul Diosune”, xi.

Números 22:11

ti oy jun ta lum cristianoetic loq'uemic tal ta Egipto ti spucoj sbaic ta scotol banamile. Li Balaque tsc'an chibat ta ora chbat jlajesbe stsatsalic, naca la me ja' to jech xu' yu'un ta stsal, me jech xu' yu'un ta snuts loq'uel ta yosilal —xi li Balaame.

Números 22:13

C'alal isacub ta yoc'omale, li Balaame sob ilic, jech laj yalbe li banquilaletic ti tacbilic tal yu'un Balaque: —Sutanic batel ta avosilalic. Li Muc'ul Diose mu sc'an ti chbat jchi'inoxuque —xut.

Números 22:6

Avocoluc la' ta ora; la' lajesbun stsatsalic li cristianoetic li'i. Yu'un ja' xjelov stsatsalic jech chac c'u cha'al vu'uncutic. Oy yic'al ja' to jech xu' cu'un ta jtsal, jech xu' cu'un ta jnuts loq'uel li' ta cosilal. Jna'oj ti lec xu' avu'une. Scotol li boch'o chac'anbe xcuxlejalique xchi'uc li boch'o chatuch'be yorailique, ta xc'ot ono'ox ta pasel avu'un’, uto c'otel —xi li Balaque.

Números 23:23

Li Jacobe mu stac' uts'intael. Li j'ac'chameletique mu'yuc c'usi xu' yu'un tspasbeic li Israele. Li' ta orae ja' tsc'an jech chich' albel li Israele: ‘Toj ep spasoj sq'uelubil stsatsal ta atojolic li Diose’, sc'an xi sc'oplal.

Números 23:3

Li Balaame jech laj yalbe li Balaque: —Coman li' yo' bu la jmilbetic smoton Diose. Li vu'une, chbat jq'uel me chtal sc'opanun li Muc'ul Diose. Me oy c'usi chiyalbune, te chacalbot ava'ay —xut. Li Balaame ibat ta jun vits ti lec ta jamalaltic oye.

Números 23:8

Pero ¿c'uxi chcut ta xcuts'intaic ti me mu jechuc tsc'an li Diose? ¿C'uxi chcut ta jc'an ac'o oyuc svocolic me mu sc'an stuc li Muc'ul Diose?

Números 24:9

C'alal ta xmochi chcux yo'ntone, ja' jech chac c'u cha'al jun león ti mu'yuc boch'o tsc'an tstije. Ac'o sta bendición li boch'o chasc'anbot bendicione. Ac'o sta svocol li boch'o tsc'an ac'o ata avocole”, xi li Balaame.

San Mateo 27:19

C'alal te chotol ta xchotleb sventa chchapanvan li Pilatoe, la stac tal mantal li yajnile, jech laj yal: “Bijan me, mu me c'usi chopol xapasbe li lequil vinic le'e. Yu'un ep jvocol ta xvaychinel ta ac'ubaltic nax”, xi.

Romanos 11:29

Yu'un li iq'uel, li c'uxubinel chac' Diose mu stac' lajesbel sc'oplal.

Efesios 1:3

Ac'o ich'atuc ta muc' li Diose ja' li Stot Cajvaltic Jesucristoe, ja' li boch'o laj yac'butic scotol li bendición te oy ta vinajel ta sventa ti jun lijc'ot jchi'uctic li Cristoe.

Deuteronomio 2:7

Li Muc'ul Dios cu'untique yac'ojboxuc xa bendición ta sventa scotol li c'usi chapasique. Te xchi'inoxuc o ti c'alal te chaxanovic ta muc'ta xocol banamil cha'vinic (40) jabile. La xchi'inoxuc scotol c'ac'al ti buyuc no'ox laxanovique, jech mu'yuc c'usi sc'an avu'un laj ava'yic.

Deuteronomio 23:5

Pero li Muc'ul Dios cu'untique muc xich'be ta muc' sc'op li Balaame. Ja' no'ox la sc'atajes ta bendición avu'unic li uts'intael chayac'boxuc oxe, yu'un toj ep sc'anojoxuc.

Deuteronomio 28:6

Chich' bendición scotol li c'usitic chapasique.

Deuteronomio 33:29

Toj xcuxet no'ox avo'nton, vo'ot Israel. Mu'yuc boch'o yan xaco'laj achi'uc. Ja' amac c'otem stuc li Muc'ul Diose; ja' ta xchabiot; ja' ta scoltaot. Ja' avespada c'otem sventa chatsal avajcontratac. Li avajcontrataque ta xac' sbaic ta ac'ob scotol. Vo'ot chalajesbe sc'oplal ti toj muc' yac'oj sbaique”, xi li Moisese.

Deuteronomio 7:14

Li vo'oxuque ep bendición chavich'ic; ja' mu sta jech li yantic lumetique. Mu'yuc bu chloc' vinic antsetic avu'unic ti mu sna' x'alaj xnich'najique. Jech noxtoc mu'yuc bu chloc' yol ats'unub avovolic ti mu sna' x'alaj xnich'najique.