Números 22:11 - Bible in Tzotzil de Chenalhó with Deuterocanon

¹¹ ti oy jun ta lum cristianoetic loq'uemic tal ta Egipto ti spucoj sbaic ta scotol banamile. Li Balaque tsc'an chibat ta ora chbat jlajesbe stsatsalic, naca la me ja' to jech xu' yu'un ta stsal, me jech xu' yu'un ta snuts loq'uel ta yosilal —xi li Balaame.

Bible in Tzotzil de Chamula

¹¹ ti oy la lumetic ti liquemic talel ta Egiptoe, ti tanijemic xa la talel ta scotol ti lume. Va'i un, ti Balaque ta sc'an ti mu la xijalije, ti ac'o la batcun ta anil ta sc'anbel slajelic stubelic yo' jech ta xil mi xu' la yu'un ta stsalele, yo' la jech ta snuts loq'uel ti ta slumale.

Números 22:11 Iomraidhean Croise

Génesis 27:29

Ac'o yac' sba ta mozoinel avu'un li cristianoetique. Ac'o squejan sbaic ta atojol li cristianoetic ta muc'tic lumetique. Vo'ot chlic aventain atuc li achi'iltaque. Ac'o squejan sbaic ta atojol. Li boch'o ta scontrainote ac'o ac'batuc stoj smul; yan li boch'o lec chayilote ac'o ac'batuc bendición”,, xut.

Números 22:10

Itac'ov li Balaame: —Ja' stacben tal li ajvalil Balac ta Moabe, ja' li xnich'on Zipore. Yu'un tal yalbicun

Números 22:12

Pero li Diose jech laj yalbe li Balaame: —Mu me xbat achi'in li viniquetique; mu me xbat avuts'inta li jun lum cristianoetic le'e. Yu'un li cristianoetic le'e cac'ojbeic ep bendición li vu'une —xut.

Números 23:11

Li Balaque jech lic yalbe li Balaame: —¿C'usi chapas le'e? Laj quic'ot tal sventa tal alajesbun stsatsal li cajcontrae. Pero li vo'ote avochel sc'anbel bendición ta stojolic —xut.

Números 23:7

Jech li Balaame lic c'opojuc jech chac c'u cha'al jun j'alc'op: “Le' to ta vitsetic ta sloq'ueb c'ac'al ta Aram, ay yic'un tal li Balac, ja' li ajvalil yu'un moabetique: ‘La' me, lajesbo stsatsal li Israele; c'anbo ti ac'o oyuc svocol li yalab xnich'nab Jacobe’, xiyutun.

Números 24:10

C'alal laj ya'ay jech li Balaque, bats'i tsots i'ilin ta stojol li Balaame. La xt'ax ta majel sc'ob, jech laj yal: —Vu'un laj quic'ot tal, yu'un ta jc'an chalajesbun stsatsal li cajcontrataque, pero tana li'i yoxibal xa velta laj ac'anbe bendición ta stojol.

Josué 24:10

Pero li vu'une muc xcac' spas jech li Balaame. Ja' no'ox laj cac' ti ac'o sc'anboxuc bendición ta atojolique, jech colem lacomic cu'un.

1 Samuel 17:43

Jech laj yalbe: —¿Me yu'un ts'i'un ti ate' no'ox avich'oj tale? —xut. Te lic xchopolc'opta ta sbi li dios yu'une.