Números 21:34 - Bible in Tzotzil de Chenalhó with Deuterocanon

³⁴ Pero li Muc'ul Diose jech laj yalbe li Moisese: “Mu me xaxi'. Vu'un ta xcac'bot ta ac'ob li ajvalile, xchi'uc scotol li yajsoldadotaque, xchi'uc scotol li yosilale. Li vo'oxuque ja' co'ol jech chapasbe jech chac c'u cha'al laj apasbe li ajvalil Sehone, ja' li ajvalil yu'un amorretic ti te to'ox nacal ta Hesbone”, x'utat.

Bible in Tzotzil de Chamula

³⁴ Va'i un, ti Diose xi laj yalbe ti Moisese: “Mu xaxi' yu'un le'e. Yu'un ta xcac'bot ta avoc ta ac'ob jmoj xchi'uc ti yajsoldadotaque, ti sbanomile. Jech xapasbe jech c'u cha'al laj apasbe ti Sehón ti amorreo ajvalil ti nacal to ox ta Hesbone.”

Números 21:34 Iomraidhean Croise

2 Samuel 5:19

Li Davide jech lic sjac'be li Muc'ul Diose: —¿Me xu' chbat cac'be ya'ay li filistaetique? ¿Me chavac'bun ta jc'ob? —xut. Itac'ov li Muc'ul Diose: —Xu' chbat avac'be; vu'un chacac'bot ta ac'ob —xut.

1 Reyes 20:13

Oy jun yaj'alc'op Dios ibat ta stojol Acab, ja' li ajvalil ta Israele, jech laj yalbe: —Jech chal li Muc'ul Diose: ‘Ac'o me laj xa avil ti bats'i ep li avajcontra chtal ta atojole, pero vu'un ta xcac' ta ac'ob scotol, yu'un jech ac'o ana' ti ta melel vu'un Muc'ul Diosune’, xi li Muc'ul Diose —x'utat.

1 Reyes 20:28

Li jun j'alc'op yu'un Diose te ic'ot ta stojol li ajvalil ta Israele, jech laj yalbe: —Jech yaloj li Muc'ul Diose: ‘Ta sventa laj yalic siriaetic ti vu'un Diosun ta vitsetique, ti muc vu'cun Diosun yu'un stenlejaltique, ja' yu'un ta xcac' ta ac'ob scotol li epal soldadoetique yu'un jech ac'o ana' ti vu'un Muc'ul Diosune’, xi li Muc'ul Diose —x'utat.

2 Reyes 3:18

Le'e ja' jun biq'uit sq'uelubil chcac' ta ilel ti xu' cu'une. Jech noxtoc ta xcac' ta ac'obic li moabetique;

Isaías 41:13

Yu'un vu'un li Muc'ul Diosun avu'une; la jtsacbot lec ta abats'ic'ob, jech laj calbot: ‘Mu xaxi', vu'un chajcoltaot’, xacutot”, xi li Muc'ul Diose.

Números 14:9

Pero ja' tsc'an ti mu xatoy abaic ta stojol li Muc'ul Diose, xchi'uc tsc'an ti mu xaxi'ic yu'un li cristianoetic te nacajtique. Ja' no'ox jech xu' ta jlajestic jech chac c'u cha'al ta jlajestic pane. Li stuquique mu'yuc boch'o xu' chcoltaatic. Yan li vu'utique li' oy ta jtojoltic li Muc'ul Diose. Ja' lec mu xaxi'ic —xiic.

Deuteronomio 2:30

“Pero li ajvalil Sehone muc xac' jelovcutic batel ta yosilalic, yu'un li Muc'ul Dios cu'untique la stsatsubtasbe yo'nton ta sventa xu' chijyac'butic ta jc'obtic jech chac c'u cha'al oy xa ta jc'obtic li' ta orae.

Deuteronomio 20:3

Jech ac'o yalbe: ‘A'yo ava'yic, israeletic. Li' ta orae ta xa xlic acontrainic li cajcontratique. Mu me xchibaj avo'ntonic; mu me xaxi'ic; mu me xaniquic ta scoj xi'el.

Deuteronomio 3:1

“Ts'acal la jtamtic batel yan be. Tuc' lijbatutic ta Basán. Pero li ajvalil Og te ta Basane ital stsacutic ta pleito xchi'uc scotol yajsoldadotac te ta Edrei.

Deuteronomio 3:11

Li ajvalil Og ta Basane ja' sts'unubal li refaetic ti muc'tic, ti natic sts'unubalique. Ja' xa no'ox stuc cuxul comen. Li svayabe ta bats'i stsatsal taq'uin pasbil, ja' chanib metro snatil, jutuc xa mu sta chib metro sjamalil, jech chac c'u cha'al oy to yu'unic te ta lum Rabá ta yosilal li amonetique.

Deuteronomio 31:6

C'alal chatsac xa abaic ta pleito achi'uquique, mu me xaxi'ic. Oyuc me lec stsatsal avo'ntonic; me jutuc mu me xaniquic. Na'ic me ti te oy ta atojolic li Muc'ul Dios cu'untique; me jutuc mu'yuc chascomtsanoxuc atuquic”, xut xchi'iltac li Moisese.

Deuteronomio 7:17

“Li vo'oxuque oy yic'al oy jech chlic anopic: ‘Li muc'tic lum le'e ja' toj ven epic; vu'utic mu'yuc eputic. ¿C'u x'elan xu' cu'untic ta jnutstic loq'uel?’, xachiic.

Deuteronomio 7:18

Pero mu me xaxi'ic yu'un. Na'ic me c'usi la spas Muc'ul Dios ta stojol li faraone xchi'uc ta stojol scotol li egiptoetique.

Deuteronomio 7:21

Ja' yu'un mu me xaxi'ic yu'un. Yu'un li Muc'ul Dios avu'unic ti toj ech'em smuc'ul ti toj ech'em stsatsale, te xchi'inojoxuc.

Deuteronomio 7:24

Chayac'boxuc ta ac'obic noxtoc li ajvaliletic yu'unique. Vo'oxuc chalajesbeic sc'oplal li' ta banamil, yu'un jech mu'yuc xa boch'o tsna' o. Me junuc mu'yuc boch'o xu' chastsaloxuc. Ja' vo'oxuc chavulesic scotol.

Josué 10:25

Li Josuee jech laj yalbe: “Mu me xaxi'ic; mu me xlo'ilaj avo'ntonic. Tsc'an oy lec stsatsal avo'ntonic; tsc'an mu xlo'ilaj avo'ntonic. Yu'un li Muc'ul Diose ja' jech co'ol ta spas batel ta stojol scotol avajcontraic ti bu chapasic batel pleitoe”, xut.

Josué 10:8

Li Muc'ul Diose jech laj yalbe li Josuee: “Mu me xaxi'; vu'un chacac'bot ta ac'ob, me junuc mu xu' yu'un chatsalicot”, xut.

Josué 8:7

Pero li vo'oxuque, licanic tal ti bu anac'oj abaique; la' ochanic ta slumalic, yu'un li Muc'ul Dios cu'untique yac'ojbutic xa ta jc'obtic.

Jueces 11:30

Li Jeftee jech laj yal ta stojol li Muc'ul Diose: “Me chavac'bun ta jc'ob li amonetique,

1 Samuel 23:4

Ja' yu'un li Davide lic sjac'be Muc'ul Dios yan velta c'usi xu' tspas. Jech itac'bat yu'un li Muc'ul Diose: —Xanovanic xa batel; batanic ta Keila. Vu'un chacac'bot ta ac'ob li filistaetique —x'utat.