Números 21:29 - Bible in Tzotzil de Chenalhó with Deuterocanon

²⁹ Toj abul aba, Moab. Xnich'nabtac dios, Quemós, ch'ayemoxuc xa o. Li Quemose laj yac' ti ac'o jatovicuc batel li avinictaque. Xchi'uc laj yac' ti ac'o ochicuc ta sc'ob ajvalil Sehón li antsetic avu'une.

Bible in Tzotzil de Chamula

²⁹ Mu xa ono'ox cha'belucot un, Moab. Steclumal dios Quemos, ch'ayemot xa ta j'ech'el, yu'un ti stuque laj xa yac' ye sti' ti xvilic no'ox loq'uel ta jatobal ti avinictac yu'une, ti ta x'och ta c'abal ti avantsilelic yu'un ti Sehone.

Números 21:29 Iomraidhean Croise

1 Reyes 11:33

Li Salomone laj xa sbajun comel; ja' xa bat yich' ta muc' li Astorete, ja' li sme' diosic sidonetique, xchi'uc li Quemose, ja' li sdiosic moabetique, xchi'uc li Moloque, ja' li sdiosic amonetique. Toj chopol c'usitic la spas ta jtojol; muc ja'uc la xch'un li mantaletic, li chanubtaseletic cu'un jech chac c'u cha'al la xch'un li Davide, ja' li stote.

1 Reyes 11:7

Ja' yorail noxtoc lic spasbe sc'opanbil li Quemos, ja' li sdios moabetic, xchi'uc Moloc, ja' li sloc'obal sdios amonetic ti toj chopol chil Diose. Ja' te la spas ta vits ta stuq'uil sloq'ueb c'ac'al yu'un Jerusalén.

2 Reyes 23:13

La soques noxtoc li toyol c'opojebal te ta yeloval lum Jerusalén, ta xocon vits olivatic ta stuq'uil bats'ic'obe. Ja' ti spasoj ono'ox ajvalil Salomón ta sventa Astoret, ja' li me' dios yu'un sidonetique, xchi'uc Quemos, ja' li dios yu'un moabetique, xchi'uc Milcom, ja' li dios yu'un amonetic ti toj chopolic chil Diose.

Isaías 15:5

Li co'ntone toj abul sba cha'ay li Moabe, yu'un li svinictaque chjatovanic batel ta anil c'alal ta Zoar; ch-anilajic batel c'alal Eglat-selisiya; x'oc'oletic chmuyic batel ta Luhit; x'avetic no'ox batel ta at-o'nton ta sbelal Horonaim.

Isaías 16:2

Li jnaclumetic ta Moabe ja' jech te no'ox xjoyetic ta taqui bevo' Arnón jech chac c'u cha'al mut ti sibtasbil loq'uel ta stase.

Jeremías 48:13

Li Moabe yalem ta q'uexlal ta xcom ta scoj li sdios Quemose, jech chac c'u cha'al yalem ta q'uexlal icom li Israel ta scoj li c'usi la spasic ta Betele.

Jeremías 48:45

“Li boch'otic chjatovic batele, ch-alubic, te chlic snac' sbaic ta xyaxinal lum Hesbón. Pero chloc' c'oc' noxtoc te ta Hesbón, natic yat c'oc' chloc' te ta slumal li ajvalil Sehone, jech ta xchic' scotol li vitsetic yu'un Moab, ja' li jsa'c'op lume.

Jeremías 48:46

¡Ay, toj abul aba Moab! ¡Xnich'nabtac dios Quemos, lach'ayic o batel! Ichucatic xa batel li viniquetic avu'unique; i'ic'atic xa batel ta yan banamil li antsetic avu'unique.

Jeremías 48:7

“Moab, ta sventa ti ja' laj apat avo'nton yu'un li c'usitic oy avu'un, xchi'uc li ac'ulejale, ja' yu'un cha'och ta c'abal; li adios Quemose chucbil ta xbat, xchi'uc li paleetic xchi'uc li banquilaletic yu'une.

Números 24:17

Ta xquil c'usi ta to xc'ot ta pasel; ta jna' c'usi ta to xtal ta ts'acal. Ta to xloc' jun muc'ta c'anal ta stojol Jacob; jun muc'ta ajvalil ta xlic ta stojol Israel. Ja' ta xvoch'be sjol li Moabe; ta xulesbe scotol li smomnich'nabtac Sete.

Jueces 11:24

Li c'usi chayac'bot ec li Quemós, ja' li dios avu'une, ja' xa avu'un chc'ot o ec. ¿Me mu jechuc? Ja' no'ox jech ec li vu'uncutique, li c'usi laj yac'bun ta jc'obcutic li Muc'ul Diose ja' xa cu'un chca'icutic o ec.