Números 21:26 - Bible in Tzotzil de Chenalhó with Deuterocanon

²⁶ Li Hesbone ja' jun muc'ta lum yo' bu to'ox nacal li Sehone, ja' li ajvalil yu'un amorretique. Li ajvalil Sehón ti laj ono'ox spasic pleito ta vo'one xchi'uc li ajvalil yu'un moabetique, jech la spojbe scotol li yosilal c'alal to ta uc'um Arnone.

Bible in Tzotzil de Chamula

²⁶ Ti Hesbone, ja' ti jteclum ti bu nacal to ox ti Sehone, ja' ti ajvalil yu'un ti amorreoetique. Ti Sehón taje letovajic to ox ta vo'ne xchi'uc ti ajvalil yu'un ti Moabe. Laj yu'ninbe ta spojbel scotol ti sbanomil ti ic'ot c'alal to uc'um Arnone.

Números 21:26 Iomraidhean Croise

Cantares 7:4

Li anuq'ue ja' jech chac c'u cha'al q'uelub osil pasbil ta sts'uts'up tsemen; li asate ja' jech chac c'u cha'al stanqueal vo' ta Hesbón te ta nopol ti'coralton Bat-rabim; li ani'e ja' jech chac c'u cha'al q'uelub osil ta Líbano ti lec sq'ueloj batel lum Damascoe.

Cantares 7:5

Li ajole lec tuc' va'al jech chac c'u cha'al vits Carmelo; li stsotsil ajole lec q'uiil, xco'laj xchi'uc yax x'elan c'u'il. Li ajvalile lo'labil yo'nton yu'un.

Jeremías 48:2

Ilaj xa sc'oplal ti ich'bil ta muc' li Moabe. Te ta Hesbón laj yich' chapanbel sc'oplal yu'un yajcontratac, jech laj yalic: ‘Batic, bat jch'aybetic o sc'oplal ta stojol yantic lum’, xiic. Jech ec li vo'ote, Madmena, ta xavich' ulesel o; ta xtal ta atojol li espadae.

Jeremías 48:20

Li Moabe iyal xa ta q'uexlal, iyich' xa o. ¡Oc'anic, avananic ta stojol! Alic batel ta uc'um Arnón ti ilaj xa o li Moabe”, xi li Muc'ul Diose.

Jeremías 48:45

“Li boch'otic chjatovic batele, ch-alubic, te chlic snac' sbaic ta xyaxinal lum Hesbón. Pero chloc' c'oc' noxtoc te ta Hesbón, natic yat c'oc' chloc' te ta slumal li ajvalil Sehone, jech ta xchic' scotol li vitsetic yu'un Moab, ja' li jsa'c'op lume.

Números 21:25

Jech li israeletique laj yich'ic o comel scotol li lumetic yu'un amorretique. Te inaquiic ta lum Hesbón xchi'uc ta yantic bic'tal lumetic ti sventainoj li Hesbone.

Números 21:27

Ja' yu'un jech chal li q'ueojetic laj yich' alel ta sventae: “La'ic li' ta Hesbón, ja' li muc'ta lum yu'un ajvalil Sehone. Cha'meltsanic; lec tsots xapasic.

Josué 13:16

Li yosilalique xlic ta Aroer ta ti' uc'um Arnón, xchi'uc ta lumetic ti te oy ta o'lol stenlejaltique, xchi'uc scotol ti c'u smuc'ul stenlejal te ta Medebae.

Josué 13:17

Xpaj c'alal to ta Hesbón xchi'uc scotol li lumetic te ta stenlejaltique, ja' li Dibón, Bamot-baal, Bet-baal-meón,

Josué 13:25

Ja' laj yich'ic li Jaser, xchi'uc scotol li lumetic yu'un Galaade, xchi'uc j'o'lol yosilal li amonetique c'alal to ta lum Aroer ta stuq'uil Rabá.

Josué 21:39

Hesbón, xchi'uc Jazer; ja' chanib lum ta scotol xchi'uc sve'ub sts'unub yovolic.

Jueces 11:26

Oy xa oxib ciento (300) jabil li' nacaluncutic ta Hesbón, ta Aroer, xchi'uc ta bic'tal lumetic yu'unic, xchi'uc ta scotol li lumetic te ta yosilal Arnone. ¿C'u yu'un muc ono'ox xac'opojic vo'one tal?