Números 21:25 - Bible in Tzotzil de Chenalhó with Deuterocanon

²⁵ Jech li israeletique laj yich'ic o comel scotol li lumetic yu'un amorretique. Te inaquiic ta lum Hesbón xchi'uc ta yantic bic'tal lumetic ti sventainoj li Hesbone.

Bible in Tzotzil de Chamula

²⁵ Ja' jech laj spasic. Jech o xal ti israeletique laj yu'ninbeic scotol sbanomilic ti amorreoetique. Ti lec ta alel xcaltique, ja' ti Hesbone xchi'uc ti jteclumetic ti c'u yepal smacoje. Comic ta naclej xtoc.

Números 21:25 Iomraidhean Croise

Cantares 7:4

Li anuq'ue ja' jech chac c'u cha'al q'uelub osil pasbil ta sts'uts'up tsemen; li asate ja' jech chac c'u cha'al stanqueal vo' ta Hesbón te ta nopol ti'coralton Bat-rabim; li ani'e ja' jech chac c'u cha'al q'uelub osil ta Líbano ti lec sq'ueloj batel lum Damascoe.

Isaías 15:4

Li Hesbón xchi'uc Eleale x'avetic no'ox; cha'yic to c'alal ta Jahaza ti ch-avanique. Jech chlic t'elicuc ta xi'el li soldadoetic yu'un Moabe; solel chnic ta xi'el li yo'ntonique.

Jeremías 48:2

Ilaj xa sc'oplal ti ich'bil ta muc' li Moabe. Te ta Hesbón laj yich' chapanbel sc'oplal yu'un yajcontratac, jech laj yalic: ‘Batic, bat jch'aybetic o sc'oplal ta stojol yantic lum’, xiic. Jech ec li vo'ote, Madmena, ta xavich' ulesel o; ta xtal ta atojol li espadae.

Jeremías 48:34

Li cristianoetic ta Hesbone x'oc' x'avanic ta xc'uxul vocol; xvinaj to c'alal ta Eleale xchi'uc c'alal to ta Jahaza ti ch-oq'uique. Xchi'uc xvinaj noxtoc ta Zoar c'alal to ta Horonaim xchi'uc ta Eglat-selisiya. Jech noxtoc li nio'etic ta Nimrime itaquijan xa.

Jeremías 48:45

“Li boch'otic chjatovic batele, ch-alubic, te chlic snac' sbaic ta xyaxinal lum Hesbón. Pero chloc' c'oc' noxtoc te ta Hesbón, natic yat c'oc' chloc' te ta slumal li ajvalil Sehone, jech ta xchic' scotol li vitsetic yu'un Moab, ja' li jsa'c'op lume.

Ezequiel 16:46

Li sba avixe ja' li Samaria te oy ta stuq'uil nortee xchi'uc scotol li yalabtaque; li muquil avixe ja' li Sodoma te oy ta stuq'uil sure xchi'uc scotol li yalabtaque.

Ezequiel 16:49

Li avix Sodoma xchi'uc li yalabtac ta spat xocone ja' jech li smul la sa'e: Jtoyba, epal ve'lil oy yu'un, xcuxet no'ox yo'nton ta sventa ti ep c'usitic oy yu'une, pero mu'yuc la xc'uxubin li me'onetique xchi'uc li boch'otic oy svocolique.

Ezequiel 16:53

‘Vu'un ta xcac' staic yan velta c'u ono'ox x'elan oyic li Sodoma xchi'uc yalabtaque xchi'uc li Samaria xchi'uc yalabtaque. Jech ec li vo'ote ta xcac'bot sutel scotol ti c'u ono'ox xa'elan yilojique.

Amós 2:10

Vu'un la jloq'uesoxuc tal ta Egipto banamil noxtoc. Vu'un la jbeiltasoxuc tal ta xocol banamil cha'vinic (40) jabil, yu'un jech ac'o avich'beic li yosil amorretique.

Números 21:26

Li Hesbone ja' jun muc'ta lum yo' bu to'ox nacal li Sehone, ja' li ajvalil yu'un amorretique. Li ajvalil Sehón ti laj ono'ox spasic pleito ta vo'one xchi'uc li ajvalil yu'un moabetique, jech la spojbe scotol li yosilal c'alal to ta uc'um Arnone.

Números 21:31

Ja' yu'un li israeletique laj yich'beic o li yosilal amorretique.

Números 32:3

—Q'uelavilic, li osil ti la spojbutic Muc'ul Dios sventa chijyac'butic vu'utic li israelutique, ja' li yosilal Atarot, Dibón, Jazer, Nimra, Hesbón, Eleale, Sebam, Nebo, xchi'uc Beone, toj lec ta sventa vacaxetic xchi'uc chijetic. Vu'uncutique puru vacax, puru chijetic oy cu'uncutic.

Deuteronomio 2:12

Li osil te ta nopol Seire, te to'ox inaquiic ta vo'one li horetique, pero li smomnich'nabtac Esaue la snutsic loq'uel. La smilic, jech laj yich'beic li yosilique. Te inaquiic o jech chac c'u cha'al la jpastic ta jlumaltic ti bu laj yac'butic Diose.

Josué 24:8

Ts'acal laj quic'oxuc tal ta yosilal amorretic ti te nacajtic ta jot uc'um Jordane. Tal stsacoxuc ta pleito, pero vu'un laj cac'boxuc ta ac'obic, jech laj atsalic, laj avich'beic o comel li yosilalique.

Jueces 11:26

Oy xa oxib ciento (300) jabil li' nacaluncutic ta Hesbón, ta Aroer, xchi'uc ta bic'tal lumetic yu'unic, xchi'uc ta scotol li lumetic te ta yosilal Arnone. ¿C'u yu'un muc ono'ox xac'opojic vo'one tal?