Números 21:24 - Bible in Tzotzil de Chenalhó with Deuterocanon

²⁴ Pero li israeletique la spoj sbaic, jech ivu' yu'unic la stsalic. Laj yich'beic o comel scotol li yosilalic xlic ta uc'um Arnón c'alal to ta uc'um Jaboc te yo' bu sts'aquil yosilal amonetique. Li sts'aquil yosilal amonetique bats'i tsots pasbil.

Bible in Tzotzil de Chamula

²⁴ Ti israeletique laj spac ti sc'oplalique, tsalbil c'ot yu'unic. Laj yu'ninbeic xtoc ti yosil sbanomile, ti lic ech'el yu'unic ta uc'um Arnone, ti c'ot c'alal to ta uc'um Jaboque. Ti lec ta alele, c'alal to ta sts'ac ti amonitaetic ti bajal lec yu'unique.

Números 21:24 Iomraidhean Croise

Génesis 32:22

Te no'ox ta yac'ubalil ilic li Jacobe. La sjelubtas batel ta jot ti' uc'um Jaboc li chib yajniltaque, xchi'uc li chib squiaraique, xchi'uc li buluchib (11) xnich'nabe.

Nehemías 9:22

“Laj avac'be ta sc'obic li ajvaliletique xchi'uc c'alal ta yosilalic. Ta jujuvoc' laj avac'be yich'ic. Ja' laj avac'be yich'ic li Hesbón, ja' li yosilal ajvalil Sehone, xchi'uc li Basán yosilal ajvalil Oge.

Salmos 136:19

Ja' la smil li Sehón, ajvalil yu'un amorretique, yu'un sbatel osil mu xlaj o li c'uxubinel yu'une.

Amós 2:9

Ac'o me vu'un la jtsalboxuc li amorretic ta vo'one, ti toj natic jech chac c'u cha'al stayalil ch'ut te'etique, ti toj tsotsic jech chac c'u cha'al tsatsal tulanetique; la jlilinbe yalel li sat ta toyole xchi'uc li yibel ta yut banamile.

Números 21:13

Ts'acal itotsic batel noxtoc; te c'ot spas scarpanaic ta jot uc'um Arnón. Li uc'um le'e ja' te oy ta xocol banamil; te liquem tal ta yosilal li amorretique. Ja' sts'aquil yosilic c'otem li amorretic xchi'uc Moabetique.

Deuteronomio 29:7

“C'alal lijvulutic tal li'i, tsc'an ox ta smilutic li Sehón, ja' li ajvalil ta Hesbón, xchi'uc li Og, ja' li ajvalil ta Basane, pero muc xu' yu'unic. La jtsaltic comel.

Deuteronomio 3:16

Li jchop sts'unubal Rubén xchi'uc Gade ja' laj cac'beic li osil xlic ta Galaad c'alal to ta ti' uc'um Arnone. Te to xpaj ta stenlejaltic, xchi'uc c'alal to ta uc'um Jaboc ja' li sts'aquil yosilal amonetique.

Deuteronomio 31:4

Li Muc'ul Diose ja' jech ta spasbe li muc'tic lumetic bu chajelovic batel jech chac c'u cha'al la spasbe li ajvalil Sehón, xchi'uc li ajvalil Og yu'un amorretic ti la slajes scotol c'alal ta yosilalique.

Deuteronomio 4:46

Ja'o laj yalbe ti c'alal te to'ox oyic ta jot uc'um Jordán ta stuq'uil sloq'ueb c'ac'al ta stenlejaltic ta stuq'uil Bet-peor ta yosilal Sehón, ja' li ajvalil yu'un amorretique. Li Sehone te to'ox nacal ta Hesbón yo' bu inutsat loq'uel yu'un scotol li israeletic c'alal iloq'uic tal ta Egiptoe.

Josué 13:12

Xchi'uc ja' laj yich'ic noxtoc ti c'u smuc'ul sventainoj li ajvalil Og te ta Basane, ja' li Astarot xchi'uc Edrei ja' li scomelal sts'unubal refaetic ti la smil, la snuts loq'uel li Moisese.

Josué 24:8

Ts'acal laj quic'oxuc tal ta yosilal amorretic ti te nacajtic ta jot uc'um Jordane. Tal stsacoxuc ta pleito, pero vu'un laj cac'boxuc ta ac'obic, jech laj atsalic, laj avich'beic o comel li yosilalique.

Josué 9:10

xchi'uc c'usi la spas ta stojol li chib ajvaliletic yu'un amorretic le' ta jot uc'um Jordane; ja' li ajvalil Sehón nacal ta Hesbón xchi'uc li Og ta Basán ti te to'ox nacal ta Astarote.

Jueces 10:11

Li Muc'ul Diose jech la stac'be: “Li vo'oxuque oy to'ox avocolic ta mozoinel yu'un li egiptoetique, li amorretique, li amonetique, li filistaetique,

Jueces 11:13

Itac'ov li ajvalil yu'un amonetique: “C'alal iloq'uic tal ta Egipto li amoltotique, la spojbun li cosilalcutic xlic ta uc'um Arnón c'alal to ta uc'um Jaboc xchi'uc ta uc'um Jordane. Me xac'anique, sutesbuncutic ta lequilal ta ora”, xi.

Jueces 21:8

¿Me oy boch'o jchopucal cu'untic li'i ti muc x'ay ta stojol Muc'ul Dios te ta Mizpae?”, xiic. Te ivul ta sjolic ti ja' mu'yuc boch'o x'ay yu'unic li Jabes te ta Galaade.