Números 21:23 - Bible in Tzotzil de Chenalhó with Deuterocanon

²³ Pero li ajvalil Sehone muc xac' jelovicuc batel ta yosilal li israeletique. Ta ora la stsob svinictac; tal stsaquic ta pleito te ta xocol banamil. C'alal te oyic ta Jahazae, lic spasic pleito.

Bible in Tzotzil de Chamula

²³ Ja'uc ti Sehón une mu'yuc xac' ech'uc ti ta sbanomile. Yu'un c'ajomal no'ox lic stsob scotol ti svinictaque, ti loc' batel ta snupel ta be ta sbajtical banomil ti israeletique. C'alal c'ot xtoc ta Jahase, laj stsac ta leto.

Números 21:23 Iomraidhean Croise

Isaías 15:4

Li Hesbón xchi'uc Eleale x'avetic no'ox; cha'yic to c'alal ta Jahaza ti ch-avanique. Jech chlic t'elicuc ta xi'el li soldadoetic yu'un Moabe; solel chnic ta xi'el li yo'ntonique.

Jeremías 48:21

Ital xa chapanel ta stojol li lumetic ta stenlejaltique, ja' li lum Holón, Jahaza, Mefaat,

Jeremías 48:34

Li cristianoetic ta Hesbone x'oc' x'avanic ta xc'uxul vocol; xvinaj to c'alal ta Eleale xchi'uc c'alal to ta Jahaza ti ch-oq'uique. Xchi'uc xvinaj noxtoc ta Zoar c'alal to ta Horonaim xchi'uc ta Eglat-selisiya. Jech noxtoc li nio'etic ta Nimrime itaquijan xa.

Amós 2:9

Ac'o me vu'un la jtsalboxuc li amorretic ta vo'one, ti toj natic jech chac c'u cha'al stayalil ch'ut te'etique, ti toj tsotsic jech chac c'u cha'al tsatsal tulanetique; la jlilinbe yalel li sat ta toyole xchi'uc li yibel ta yut banamile.

Números 20:18

Pero li ajvalil ta Edome jech laj yal: —Mu'yuc chcac' jelovanic batel ta cosilal. Me jech chapasique, ta xbat jmilotcutic jchi'uc cajsoldadotac —xi.

Números 20:21

Jech muc xaq'uic jelovicuc o ta yosilalic li israeletique. Ja' yu'un li israeletique la stamic batel yan be.

Deuteronomio 4:46

Ja'o laj yalbe ti c'alal te to'ox oyic ta jot uc'um Jordán ta stuq'uil sloq'ueb c'ac'al ta stenlejaltic ta stuq'uil Bet-peor ta yosilal Sehón, ja' li ajvalil yu'un amorretique. Li Sehone te to'ox nacal ta Hesbón yo' bu inutsat loq'uel yu'un scotol li israeletic c'alal iloq'uic tal ta Egiptoe.

Josué 13:18

Jahaza, Cademot, Mefaat,

Jueces 11:20

Pero li Sehone muc xac' jelovcuncutic ta yosilal. Ta ora la stsob svinictac tal spas scarpanaic ta Jahaza, jech lic stsacuncutic ta pleito.