Números 21:18 - Bible in Tzotzil de Chenalhó with Deuterocanon

¹⁸ Li joq'ue ja' la sjoc' ta snamte'ic li jpasmantaletique; ja' la sjoc' ta snamte'ic li banquilaletic te ta lume”, xi li q'ueoj la sq'uejintaique. Itotsic batel noxtoc te ta xocol banamil; te ic'otic ta Matana.

Bible in Tzotzil de Chamula

¹⁸ Ti banquilaletique ja' laj sjoq'uic xchi'uc ti spasob mantal te' ti oy ta sc'obique; ti ajvaliletic yu'un ti jteclume laj sjots'ic o xchi'uc ti svaxtonique.” Loq'uic ech'el ta sbajtical banomil ti israeletique, c'otic c'alal ta Mataná.

Números 21:18 Iomraidhean Croise

Nehemías 3:1

Ja' yu'un li banquilal pale Eliasib xchi'uc xchi'iltac ta paleale lic xcha'pasic li ti'coralton Chijetic sbie. Laj yac'beic li sts'amte'altaque, xchi'uc la snacanbeic li smactaque. La spasic noxtoc li coralton xlic ta toyol q'uelub osil Hamea c'alal to ta toyol q'uelub osil Hananeel.

Nehemías 3:5

Te la sts'aquic batel ec li tecoaetique. Pero li boch'o muc'tic cha'ay sbaic te ta stojolique muc sc'anic pasel ta mantal yu'un li banquilaletique, jech muc x'abtejic.

Isaías 33:22

Ja' ta xlic yochanuc li yaq'uiltac barcoe; mu'yuc tsinil chcom li sjoc'leb spoc'ale, jech mu xu' chich' lich'anbel lec li spoc'ale. Vu'utic ta xquich'betic li c'usitic oy yu'unique; c'alal ta ma'sat xu' tsta, c'alal ta coxoetic xu' tspoj. Yu'un ja' jchapanvanej cu'untic stuc li Muc'ul Diose; ja' tspas mantal stuc, ja' muc'ul ajvalil cu'untic; ja' stuc chiscoltautic.

Números 21:17

Ja'o yorail te la sq'uejintaic jun q'ueoj li israeletic jech chac li'i: “T'oman loq'uel tal ya'lel joc'. Q'uejintaic li joq'ue.

Números 21:19

Itotsic batel noxtoc ta Matana; te ic'otic ta Nahaliel. Itotsic batel noxtoc; te ic'otic ta Bamot.

San Juan 1:17

Li smantal Diose ta sventa Moisés laj quich'tic ac'bel. Yan li c'uxubinel xchi'uc li coltael ta melele la jtatic ta sventa Jesucristo.

Deuteronomio 33:4

C'alal laj yac'butic mantaletic li Moisese, ja' cu'untic ic'ot vu'utic li jtsobutic yu'un Jacobe.

Deuteronomio 5:31

Pero li vo'ote coman li'i, yu'un chacalbot scotol li mantaletique xchi'uc li c'usi chapanbil cu'une. Yu'un vo'ot chavalbe ya'yic ti jech ac'o spasic scotol c'ac'al te ta avosilic bu chacac'boxuque’, xiyutun.

Santiago 4:12

Pero jun no'ox Boch'o laj yac' li mantale, xchi'uc ja' Jchapanvanej noxtoc. Ja' xu' yu'un chiscoltautic, xchi'uc ja' xu' yu'un chijyulesutic. Li vo'ote ¿c'usi avabtel ti chaval c'u x'elan li achi'ile?