Números 21:16 - Bible in Tzotzil de Chenalhó with Deuterocanon

¹⁶ Ts'acal itotsic batel noxtoc ta uc'um Arnón, ic'otic c'alal to ta Beer. Le'e ja' li joc' yo' bu jech i'albat yu'un Muc'ul Dios li Moisese: “Tsobo batel scotol li achi'iltaque, yu'un vu'un ta xcac'be vo' yuch'ic”, ti x'utate.

Bible in Tzotzil de Chamula

¹⁶ Loq'uic ech'el ti ta uc'um Arnone, c'otic ta Beer. Ti bu taje, oy jun joc' ti bu xi albat ti Moisés yu'un ti Diose: “Tsobo talel ti jteclume, yu'un ta xcac'beic yuch' vo'.”

Números 21:16 Iomraidhean Croise

Génesis 21:19

Ja' yu'un li Diose laj yac'be yil jun nio' li Agare. Jech te bat snojes tal li yavil ya'ale; laj yac'be yuch' li Ismaele.

Éxodo 17:6

Te chajmalaot ta vits Horeb ta ba ch'en. Xc'ot amaj li ch'ene; te chloc' tal li vo'e, jech tsta yoxo' yuch'ic li achi'iltaque —x'utat li Moisese. Li Moisese te ta sat banquilaletic yu'un israeletic la smaj li ch'ene.

Isaías 12:3

Xu' chaloq'ues avuch'ic ta xcuxetel avo'ntonic ec li vo' te ta nio' yo' bu chlic tal coltaele.

Isaías 15:8

Ti c'alal ch-avanic ta oq'uele, tsta c'alal to ta sts'aquiltac li Moabe; tsta c'alal to ta Eglaim li me'on-oq'uel tspasique; chc'ot c'alal to ta Beer-elim li yoq'uel yavanelique.

Isaías 43:20

Ta xiyich'icun ta muc' li chonbolometic ta te'tique, xchi'uc li oq'uiletique, xchi'uc li avestruz mutetique, yu'un ta xcac' ti ac'o oyuc vo' ta xocol banamile; ta xcac' loc'uc uc'umetic ta taqui banamil, yu'un jech tstaic vo' yuch'ic li jteclumal ti t'ujbilic cu'une.

Isaías 49:10

Mu'yuc cha'yic vi'nal, me ja'uc taqui o'nal; mu'yuc ch-uts'intaatic yu'un li c'ac'ale xchi'uc li xc'uxul c'ac'ale, yu'un c'uxic ta co'nton. Vu'un ta jtojobtasic tal ta be; vu'un ta xquiq'uic batel ta lequil nio'etic.

Números 20:8

—Ich'o batel li anamte'e. Tsobo batel scotol li achi'iltaque. Ac'o scoltaot li abanquil Aarone. Te ta sat scotol achi'iltac xavalbe mantal li ch'ene yu'un ac'o loc'uc tal vo', ja' ac'o yuch'ic li achi'iltaque xchi'uc li sts'unub yovolique —x'utat.

Números 33:46

Iloq'uic tal ta Dibón-gad; te vul spas scarpanaic ta Almón-diblataim.

San Juan 4:10

Itac'ov li Jesuse: —Ana'uc ti tsc'an chayac'bot amoton li Diose xchi'uc ti lajuc avotquin li boch'o la sc'anbot ava'al yuch'e, vo'ot laj ac'anbe ba'yuc vo' ti jechuque. Jech ja' laj yac'bot li vo' ti chac' cuxiane —xut.

San Juan 4:14

Yan li boch'otic ta xuch'ic li vo' ti vu'un ta xcac'bee mu'yuc xa ta xtaquij o yo'ntonic. Yu'un li vo' ti vu'un ta xcaq'ue ja' jech chc'ot ta yo'ntonic jech chac c'u cha'al nio' ti te chloq'uilan o sventa chcuxiic sbatel osile —xi.

Apocalipsis 21:6

Jech laj yalbun noxtoc: “Ivu' xa scotol. Vu'un li sliquebune, vu'un li slajebune. Vu'un la jliques, vu'un ta jlajes. Li boch'o taquin yo'ntone, vu'un ta xcac'be yuch' li nio' sventa cuxlejale, smoton chcac'be.

Apocalipsis 22:1

Ts'acal laj yac'bun quil jun lequil uc'um; ja' vo' sventa cuxlejal. Te chloc' tal ta xchotleb li Diose xchi'uc li Ch'ium Chije. Li uc'ume sts'ayts'un jech chac c'u cha'al nen.

Apocalipsis 22:17

Li Ch'ul Espíritu xchi'uc li yajnil Ch'ium Chije jech chalic: “La' me ta ora”, xiic. Li boch'otic cha'yic li c'op li' ts'ibabile jech ac'o yalic ec: “La' me ta ora”, ac'o xiicuc. Li boch'otic taquin yo'ntonique ac'o talicuc ta stojol li Jesuse. Li boch'o tsc'ane smoton ch-ac'bat li vo' sventa cuxlejale.

Jueces 9:21

C'alal laj yal jeche, ijatov batel, bat nacluc ta Beer, yu'un ixi' yu'un li sbanquil Abimeleque.